Aaron Kirunda
| Ekikula | musajja  | |
|---|---|---|
| Erinnya eriweereddwa | Aaron | |
| Yazaalibwa nga | 16 Gwamukaaga(Ssebaaseka) 1985 | |
| Gy'azaalwa | Jinja | |
| Omulimu | journalist | |
| Gyeyasomera | Ssettendekero wa Makerere | |
| Ebbanga ly'akoledde (okutandika) | 2004 | |
Aaron Kirunda (yazaalibwa 16 Ogwomukaaga 1985) Munnayuganda omusuubuzi amanyiddwa. Ye ssentebe w’ekibiina kya African Spelling Bee era y’omu ku baatandikawo era akulira kampuni eyitibwa enjuba[1][2] mwayambira bantu okutuuka ku busobozi bwabwe mu bujjuvu nga bayita mu kusomesa. enjuba eddukanya National Spelling Bee[3] mu Uganda, enteekateeka eyambako okutuuka ku bukadde n’obukadde bw’abayizi mu masomero ga pulayimale, okubayamba okutumbula okusoma n’okuwandiika, n'okukulaakulanya obukugu mu kyasa kya 21. Enjuba era efulumya ebitabo by'abaana n'okukola enteekateeka z'okutendeka abasomesa.
Obuvo n'okusoma kwe
[kyusa | kolera mu edit source]Aaron yazaalibwa mu Disitulikiti ye Jinja era yasomera mu Katira pulayimale ne Kasokoso Trading Centre Pulayimale nga tannayingira Kakira sekendule, okusoma eddaala erisooka Muljibhai Madhvani College okusoma eddaala lya A gye yava ng’omuyizi asinga mu Disitulikiti y’e Jinja. Mu 2004, yafuna sikaala ya gavumenti okugenda mu yunivasite y’e Makerere okusoma diguli eyookubiri mu by’empuliziganya. Yatikkirwa mu 2008 n'afuna diguli ya bitiibwa.[2] Ebiseera bye ebisinga ng’ava ku ssomero yabimala ng’akwatagana n’abavubuka ku bukulembeze, okulwanirira abantu mu kitundu, naddala eri Abaana mu Bukiikakkono bwa Uganda mu kiseera ky’olutalo lwa LRA, okusinga ng’ayita mu GuluWalk[4] n’endala, ng’awa basuubuzi amaanyi okukola ebintu eby’omutindo n’okukola dizayini y’ebikozesebwa mu mpuliziganya eri pulojekiti ezaaweebwa Gavumenti ya Uganda, Gavumenti ya Rwanda ne Banka y’ensi yonna. Mu 2009, yakolagana n’abalala okukola pulogulaamu za leediyo ya yunivasite okusobozesa abayizi ba yunivasite okusalawo ebisinga obukulu mu bulamu bwabwe. Oluvannyuma yasenguka n’agenda e Kiwoko – Disitulikiti y’e Nakaseke okutandika n’okuddukanya Musana Fm,[5] leediyo y'abantu b'omukitundu egenderera okutondawo enkyukakyuka mu bantu. Nga'li wano, Yakola pulogulaamu za leediyo ezaawa abantu essuubi era na'zaamu abawerako amaaanyi okutandika emirimu egivaamu ssente, okudda ku ssomero,n'okukola emitendera egy'omugaso okutuuka ku kubeera n'obulamu obulungi.[6] Yakulembera okusimba emiti egisukka mu 20,000 mu kitundu nga kwotadde n’okukozesa leediyo ng’omukutu okusikiriza n’okusomesa abantu ku nsonga z’okuyingiza ssente, okuyamba abantu okuyiga okukozesa amasimu gaabwe ng’ekintu ekikozesebwa si mu kukyusa ssente zokka wabula n’okutereka. Oluvannyuma yatongoza Enjuba Credit,[7] kampuni ekola ku by’ensimbi eyamba abantu ssekinnoomu okufuna ensimbi ez’amangu n’abasuubuzi abakola ennyo okufuna ensimbi n’obuyambi bw’okwekulaakulanya mu bizinensi zaabwe. Mu 2013, yaweebwa Commonwealth Scholarship[8] okusoma Embeera z’abantu n’obuyiiya mu nkola ya bizinensi mu London School of Economics.
Era y’addukanya enjuba National Spelling Bee mu Uganda era nga ye Ssentebe w’ekibiina kya African Spelling Bee,[9] empaka z'okuwandiika ezitegekebwa buli mwaka ku ssemazinga yenna n'ekigendererwa eky'okutumbula okusoma n'okuwandiika,okusumulula ebirowoozo by'abaana n'okukulaakulanya obukugu obukulu mu bulamu ng'okwesiga, okukolera awamu,okulowooza ennyo n'okwanjula. Aaron afuna engule ya positive inspiration Award okuva mu kkampuni ya YALDA (Youth Alliance for Leadership and Development in Africa). Yasiimiddwa ng’omu ku bavubuka abakulembeze mu Afrika 101 mu lukiiko lw’abakulembeze ba bizinensi mu Afrika olw’omulundi ogw’okutaano. Ye muwanguzi w’empaka za Global Young Social Entrepreneurs Competition, 2007 era yatuuka ku fayinolo y’engule ya Young Achievers Award, 2010. Aaron era ye MIT GSW Fellow, LSE Program for African Leadership Fellow, Acumen East African Fellow mu 2016 era gye buvuddeko yasunsulwa okuwangula engule za New Vision 40 under 40.
Okulwanirira abantu mu kitundu
[kyusa | kolera mu edit source]Alooni aweerezza mu bifo bino wammanga:[2]
- Ssaabawandiisi w’ekibiina ky’amawanga amagatte ekigatta abavubuka mu Uganda (UNYU).
- Omukwanaganya w’ekitundu, Global Demos, Uganda.
- Project Director, Empower, ekibiina ky’omukitundu ekisomesa obukugu mu ICT eri abavubuka abaavu.
- Co-founder and Chief Executive, enjuba a social company ekozesa ebikozesebwa ebiyiiya okutumbula abantu okutuuka ku busobozi bwabwe mu bujjuvu nga bayita mu kuteeka ssente mu High Growth Enterprises n’okutumbula abaana okulongoosa okusoma n’okuwandiika n’okukulaakulanya obukugu obukulu mu bulamu nga bayita mu spelling bee.[10]
Ebijuliziddwa
[kyusa | kolera mu edit source]- ↑ "enjuba". enjuba. Retrieved 2016-03-11.
- 1 2 3 Odongo, Jacobs (27 July 2008). "The young global leader who is going places". Retrieved 10 February 2016.
- ↑ "enjuba Spelling Bee". enjuba. Retrieved 2016-03-11.
- ↑ "The Power of the GuluWalk". HuffPost. 2008-11-04. Retrieved 2021-01-19.
- ↑ "Musana FM". newhopeuganda.org. Archived from the original on 12 March 2016. Retrieved 2016-03-11.
- ↑ "107.8 Musana Fm". New Hope Uganda. 8 October 2010. Retrieved 2021-01-19.
- ↑ "enjuba Credit". enjuba Credit. Archived from the original on 10 September 2018. Retrieved 2016-03-11.
- ↑ "Commonwealth Scholarship Commission in the UK". cscuk.dfid.gov.uk. Archived from the original on 2016-03-12. Retrieved 2016-03-11.
- ↑ "African Spelling Bee". 2014-10-27. Retrieved 2024-06-17.
- ↑ ENJ (10 February 2016). "Enjuba: Our Story". Enjuba.com (ENJ). Retrieved 10 February 2016.