Agnes Nabukenya

Agnes Nabukenya (yazaalibwa 10 Ogwekumi 2008) muzannyi wa Mupiira munna Uganda nga ogwensimbi aguzannyira ku kiraabu ya Kawempe Muslim Ladies FC mu liigi yabakyala ey'okuntikko mu Uganda eyitibwa FUFA women Super League.

Emisomo

Agnes Nabukenya okusoma yatandikira mu ssomero lya Mityana Kindergarten ne Primary school mu Disitulikiti e Mityana, mu mwaka 2018, yegatta ku St Noa Girls Secondary School gye yasomera okumala omwaka mulamba oluvannyuma nalyoka yegatta ku Mukono Parents mu 2019 gye yamaliriza omutendera gwa Pulayimale mu 2021

Mu 2022, yeegatta ku Kawempe Muslim Secondary School okusoma siniya

Omupiira yagutandikira mu ssomero lya St Noa Junior School ng'ali mu kibiina ekyokutaano sso nga ogwensimbi yagutandikira mu Kawempe Muslim Ladies Football Club mu 2022 oluvanyuma lw'okutandika okusomera ku Kawempe Muslim SS. Kiraabu eno yakiikiirirako eggwanga Uganda mu mpaka ezokusunsula kiraabu ezizannya ku mutendera gwa ssemazinga Afirika mu kikopo kya kiraabu empanguzi eziyitibwa CAF Women's Champions League. Uganda Revenue Authority Football Club yasiima omutindo gwa ttiimu ya Kawempe Muslim Ladies era bwetyo netuuka kunzikiriziganya nabaddukanya Kiraabu eno okweddiza Kiraabu ey’abato eya Kawempe Muslim Ladies Football Club bwetyo nefuuka tiimu yabakyala wansi wa Uganda Revenue Authority FC .

Mu sizoni ye esooka nga omuzannyi wa Kawempe Muslim Ladies Football Club, teyateeba ggoolo yonna mu mipiira esatu gye yazannya kyokka Okuva mu 2022 okutuuka mu 2025, yakateeba ggoolo 23 mu mipiira 72 ekintu ekiraga okwesitula okwekika ekyawaggulu

Mu sizoni ya 2023/24 Nabukenya ye yalondebwa nga omuzannyi eyasinga okwolesa omutindo era nagabana engatto y'omuzannyi eyasinga okulengera akatimba sizoni eyo ne goolo 10. Mu sizoni yemu kiraabu ye yawangula ekikopo kya FUFA Women Super League 2023/24.

Ku mutendera ogweggwanga

Yeegatta ku ttiimu z'eggwanga mu mwaka 2023 era nazannyira ku mitendera egyenjawulo omuli abatasussa myaka 17, 18, wamu nabatasussa 20 kwossa nokuzannyira ttiimu ya Uganda eyabakyala enkulu eyitibwa Crested Cranes

Omuzannyo gwe ogwasooka mu ttiimu z’eggwanga gwali mu 2023 ne ttiimu y’abato abatasussa myaka 18. Wano yazannya emipiira 4 era n’ateeba ggoolo 3, mumwaka gwegumu era yazannyira tiimu yabatasussa myaka 20, n’ateeba ggoolo ssatu.

Mu 2024 yazannya emipiira ena ku ttiimu y’eggwanga eyabatasussa myaka 17 n’ateeba ggoolo bbiri, era mu mwaka gwe gumu, yayitibwa okuzannyira tiimu enkulu omulundi ogusooka era nazannya ku ttiimu y’eggwanga ey’abakulu eya Crested Cranes emipiira ebiri kyokka n’atateeba. Mu 2025, Nabukenya yazannya emipiira esatu ku ttiimu yegwanga eyabatasussa myaka 17 mu mpaka ez'okusunsula ab'okwetaba mu Kikopo kyensi yonna ekyabawala abatasussa myaka 17 mu mupiira wakati wa Uganda ne Namibia Nabukenya yateeba ggoolo mukaaga.

Byawangudde

2022: Omuteebi eyasinga okuteeba mu mpaka za Afirika ez'okusunsulamu amasomero nga abayizi tebasukka myaka 25 [Ggoolo 8].

2023/24: Liigi yabakyala mu Uganda

2023/24: Omuzannyi eyasinga okwolesa omutindo mu liigi yabakyala

2023/24: Yawangula engatto y'omuzannyi eyasinga okuteeba ggoolo enyinji [10].

2024: Ekikopo kyempaka zamasomero aga siniya mu Uganda.

2025: Omuteebi eyasinga okuteeba ggoolo mu mpaka zamasomero ga Siniya [goolo 15].

Laba ne

• Shamira Nalugya
• Fauzia Najjemba