Aisha Naluzze Batala

 

Aisha Naluzze Batala

omuntu

Ekikula	mukyala
Ensi y’obutuuze	Yuganda
Ennimi z'amanyi	Lungereza
Omulimu	high court judge
Omukozesa	judiciary

 

 From Wikidata

Aisha Naluzze Batala (yazaalibwa 1977) Munnayuganda nga munnamateeka era omulamuzi wa kooti enkulu mu Uganda, ng'akola nga kaliisoliiso wa gavumenti ya Uganda . Yalondebwa Pulezidenti Yoweri Kaguta Museveni mu Gwekkumi 2025 okusikira Beti Olive Namisango Kamya.

Nga tannalondebwa, yali mulamuzi atuula mu kooti enkulu eya Uganda mu ttabi erikola ku nsonga z'etttaka.

Obuto bwe

Aisha Naluzze Batala yazaalibwa mu 1977 nga muwala wa Sheikh Abdul Obeid Kamulegeya ne Hajjat Haliima Kamulegeya. Yasomera mu Uganda era n'eyettanira nnyo ensonga z'amateeka n'obwenkanya ng'akyali muto.

Yasomera Makerere Yunivasite gye yafunira diguli esooka mu mateeka era oluvannyuma lw’okumaliriza emisomo gye egya diguli, y'egatta ku ttendekero lya Law Development Centre (LDC) mu Kampala, n’afuna dipulooma emukkiriza okuwoza emisango mu kooti za Uganda.

Oluvannyuma y'ewandiisa mu ttendekero lya Uganda Management Institute (UMI), gye yafunira diguli eyookubiri mu nzirukanya y'emirimu.

Emirimu gye

Batala emirimu yagitandikira mu kkampuni y'abannamateeka eya F. Mukasa & Co. Advocates, gye yakolera ng’omuyambi mu by'amateeka wakati wa 2003 ne 2005.Batala era yaweerezaako mu ttabi erivunaanyizibwa ku by'ettaka mu kkooti enkulu eya Uganda.

Nga 7 Ogwekkumi 2025, Pulezidenti Yoweri Kaguta Museveni yamulonda okufuuka kalisoliiso wa Gavumenti era bwatyo n'asikira Beti Olive Namisango Kamya, eyali aweerezza mu kifo kino okuva mu Gwomusanvu 2021. Amawulire g'okulondebwa kwe gakakasibwa Faruk Kirunda, omuyambi wa Pulezidenti ow’enjawulo ku by'amawulire mu Ofiisi ya Pulezidenti.

Laba ne

• Law Development Centre
• Beti Olive Namisango Kamya