Ali Kony

Ali Ssalongo Kony (yazaalibwa mu 1990) Munnayuganda munnamagye era yali mu kibiina kya LRA. Ono mutabani wa Joseph Kony .

Obulamu bwe

Ali Ssalongo Kony yazaalibwa Gulu mu makkati g’emyaka egya 1990, eri Joseph Kony ne Medina Akulu. Akulu ye mukyala wa Kony ow'okusatu, nga yawambibwa mu 1989. Ku myaka mukaaga, yasenguka okuva e Gulu ne yeegatta ku LRA mu nsiko.

Nga mmemba wa LRA, Ali yali brigadier, n'afuna nom de guerre "Caesar" ne "Bashir". Yalina abakuumi basatu era yali musuubuzi ng’asuubula amasanga, zaabu n’enjaga okuva mu bayizzi, abasuubuzi n’abalimi era ng’abiguza abasuubuzi abanene e Songo. Eggwanika lya Amerika yalambika nti Kony yaweebwa omulimu gw’okuteesa ku bbeeyi y’amasanga n’okulabirira okugabibwa kwago eri Joseph Kony olw’okutunda. Okuyitira mu busuubuzi bw’amasanga, ebibinja ebyo byafuna ebyokulwanyisa, emmere, n’amasasi. Ng’oggyeeko ekyo, era yaweereza nga minisita w’ensonga z’ebweru w’ekibiina kino, gye yali avunaanyizibwa ku kukola endagaano etali ya bulumbaganyi, okuwanyisiganya ebikessi, n’okusuubulagana n’abajaasi abalala abaali bakutte emmundu abaali bataayaaya mu bitundu bya LRA. Mu October 2014, kigambibwa nti Ali yali agenda kwongera okwenyigira mu nteekateeka y’emirimu gya LRA. Olw’omulimu gwe yakola mu LRA, eggwanika lya Amerika lyassa envumbo ku Kony n’okusiba eby’obugagga bye mu Amerika nga 23 August 2016 olw’okutyoboola eddembe ly’obuntu eri abantu baabulijjo mu Central African Republic.

Mu July wa 2005, UPDF yagamba nti Ali ng’ali wamu ne Lakati Owor battibwa amasasi mu kulwanagana okwaliwo e Beyogoya ne Palabek. Wabula kino tekyalina musingi kuba era yalondebwa ng’ayinza okuba omukulembeze wa LRA lumu kitaawe bwe yafa mu 2017.

Okulekulira

Mu June wa 2021, Ali yasalawo okuva mu LRA olw’obutakwatagana ne kitaawe, eyali atera okulwana ne nnyina n’okwagala okutandika obulamu obupya n’abaana ne mukyala we. ​ Ekiro bwekyatuuka, bonna baamuka ekifo ekye Kafia Kingiokugenda e Songo kubanga tebayagala kukuba nduulu yonna. bweyatuuka mu Songo,yatandika obulamu obugya. Yafuuka omusuubuzi ng’alina amaduuka era ng’asuubula zaabu n’enjaga ng’omutabaganya. Ng’oggyeeko okufuuka omusuubuzi, yakola ng’omulimi n’okuvuga takisi.

Mu April 2023, olutalo lw’omunda lwabalukawo mu Sudan. Ng’ayanukula akavuyo kano, Ali n’ab’omu maka ge baasalawo okugenda e Juba. Wakati mu lugendo lw’e Juba, omu ku baana be yafuna omusujja. Oluvannyuma lwa wiiki eziwera nga batambula, baatuuka e Juba nga tebalina ssente. Ng’atuuse e Juba, Kony yagenda mu kitebe kya Uganda ne yeeyanjula ng’omusuubuzi e Sudan. Olwo ekitebe kya Uganda ne kiwa Kony olukusa lw’okutambula, ne bagenda e Gulu. Bwe yatuuka e Gulu nga 1 July, yabeera mu nnyumba epangisibwa ne famire ye.

Ali ne famire ye baasisinkana Yoweri Museveni mu makaage, Entebbe nga 25 August 2023. Mu lukiiko luno, Museveni yasuubiza nti yali wakuwa Ali ettaka eriweza yiika 30, ffaamu, n'ennyumba. Wabula, ebisuubizo bya pulezidenti byali tebinnatuukirira era bakyalwana okugya mu bulamu obupya Ogw'okubiri ogwa 2025 wegwatuukira.

Obulamu bwe

Kony mufumbo n’omukyala Omucongo ayitibwa Cecillia Akullu era abafumbo bano balina abaana bana. Amanyi bulungi Oluwarabu.

Ensengeka y’ebitabo

• .