Aminah Zawedde
| Ekikula | mukyala | |
|---|---|---|
| Ensi y’obutuuze | Uganda | |
| Erinnya eriweereddwa | Aminah | |
| Yazaalibwa nga | 17 Gwamwenda(Mutunda) 1978 | |
| Ennimi z'amanyi | Lungereza, Luganda | |
| Omulimu | academic, computer scientist, official | |
| Ekifo ky'alimu | permanent secretary | |
| Gyeyasomera | Eindhoven University of Technology, University of Cape Town, Ssettendekero wa Makerere | |
Aminah Zawedde, Munnayuganda omukugu mu kukozesa kkompyuta, omusomesa ku matendekero aga waggulu era omukulembeze mu woofiisi za gavumenti, aweereza ng'omuwandiisi ow'enkalakkalira owa Minisitule ya Uganda eya tekinologiya w'eby'empuliziganya n'okuluŋŋamya eggwanga okuva nga 15 Omwezi Ogwomusanvu (Kasambula) 2021. Ekyo nga tekinnabaawo Zawedde yali musomesa era omunoonyereza mu bbanguliro ly'ebyuma bi kalimagezi (Computer), ne tekinologiya w'ebyempuliziganya (School of Computing and Information Technology) ku Ssetendekero y'e Makerere, Ssetendekero ya gavumenti esinga obukadde era esinga obunene mu Uganda.[1][2]
Obuvo bwe n'okusoma kwe
[kyusa | kolera mu edit source]Yazaalibwa mu ttundutundu lya Buganda ekya Uganda mu myaka gya 1970. Oluvannyuma lw’okusomera mu masomero ga pulayimale ne siniya agoomukitundu, yaweebwa ekifo ku yunivaasite y’e Makerere. Yatikkirwa ddiguli esooka mu bibalo n'ebyefuna mu 2001. Kweyo yazzaako ddiguli eyookubiri mu nkola ennuŋŋamu era ezirimu tekinologiya eziteekateekebwa okukuŋŋanya, okulongoosa, okutereka n'okusaasaanya obubaka oba amawulire ( Information Systems ) era nayo okuva mu yunivaasite y’e Makerere.[1][2]
Neera yasomera ku Yunivasite y'e Cape Town, n’atikkirwa ne dipuloma eddirira ku ddiguli esooka (Post graduate diploma ) mu tekinologiya w'ebyenjigiriza, mu 2014. Ddiguli ye eyokusatu PhD- (Doctor of Philosophy) yali mu kuzimba / okukola / oba okubaga ebiragiro ebiwa ebyuma bi kalimagezi / komupyuta eky'okukola (Software Engineering )gye yafuna okuva mu yunivasite y'e Eindhoven eya Tekinologiya (Eindhoven University of Technology), mu Budaaki, mu 2016.[1][2]
Emirimu gye
[kyusa | kolera mu edit source]Zawedde abadde musomesa era omunoonyereza ku bbanguliro ly'ebyuma bi kalimagezi ne tekinologiya w'ebyempuliziganya e Makerere emyaka egisoba mu kkumi n'etaano. Emyaka etaano egyasooka, yali musomesa omuyambi. Okutandika n'omwezi Ogwoluberyeberye 2011, okutuuka mu mwezi Ogwomusanvu 2021, yali omusomesa ow’enkalakkalira alondoola abayizi abasoma ddiguli esooka n’eddiguli eziddirira esooka ku bbanguliro.[3]
Mu kiseera ekyo, yakola era naweereza nga tasasulwa mu bifo eby’enjawulo eby'okusomesa n’ebitali bya kusomesa, omuli; Omukozi akunŋŋaanya ebikwata ku bantu n'ebitundu (Data officer ) mu kakiiko k’ebyokulonda mu Uganda, ng'omuyizi asoma tekinologiya w'obubaka /ebyempuliziganya (IT) agezesebwa mu kitongole kya Uganda ekikunganya omusolo, ng'eyebuuzibwako ku tekinologiya w'obubaka / ebyempuliziganya mu kitongole ekirwanyisa endwadde ezisiigibwa (Infectious Diseases Institute ) era ng'omusomesa omutambuze ng'asomesa ku yunivasite ya KCA mu Nairobi, Kenya.[3]
Nga 15 Ogwomusanvu 2021, pulezidenti Yoweri Museveni yakola enkyukakyuka ez'omuggundu ezaakosa minisitule za kabineeti eziwerako omuli n’okuwummula kw’abawandiisi ab’enkalakkalira musanvu. Ng’ekitundu ku nkyukakyuka ezo, Zawedde yaweebwa ogw'obuwandiisi obw'enkalakkalira obwa minisitule ya tekinologiya, empuliziganya n'okuluŋŋamya eggwanga (ICT) n’adda mu bigere bya Vincent Waiswa Bagiire eyatwalibwa mu minisitule y’ensonga z’ebweru.[4]
Ebirala by’olina okulowoozaako
[kyusa | kolera mu edit source]Zawedde awandiise oba yeegasse n'abawandiisi abalala okuwandiika ebiwandiiko ebikebeddwa era ne byekenneenyezebwa abakugu, mu bisaawe omuli obukugu bwe era n'agabana ebimu ku byo mu nkiiko z'ebitundu n'ez'eggwanga ezikuŋŋaanya abayizi, abayivu n'abakugu.[5]
Akola nga omukulu atali ku lukiiko lw'abakulu abaddukanya emirimu, aba kkampuni ya DFCU Group, kkampuni eyazaala DFCU Bank n'ekitongole ky'eggwanga Uganda eky'obubaka ne tekinologiya ki (NITA-U).[6]
Laba ne
[kyusa | kolera mu edit source]- Omuyimbi Geraldine Ssali Busuulwa
- Olukalala lwa minisitule za gavumenti ya Uganda
Ebijuliziddwa
[kyusa | kolera mu edit source]- Jonah Kirabo (15 July 2021). "Dr. Aminah Zawedde: Meet the new Permanent Secretary of Ministry of ICT and National Guidance". Nile Post Uganda. Kampala, Uganda. Retrieved 30 July 2021.
- George Asiimwe (16 July 2021). "Meet The New ICT Ministry PS: Dr. Amina Zawedde". ChimpReports. Kampala, Uganda. Retrieved 30 July 2021.
- Aminah Zawedde (30 July 2021). "Profile of Dr. Aminah Zawedde". LinkedIn.com. Retrieved 30 July 2021.
- Nathan Ernest Olupot (16 July 2021). "Dr. Aminah Zawedde Appointed as the new PS of Ministry of ICT". PC Tech Magazine. Kampala, Uganda. Retrieved 30 July 2021.
- "Partial List of Articles Authored By Aminah Zawedde, PhD". Scholar.Google.com. 30 July 2021. Retrieved 30 July 2021.
- Simon Abaho (16 July 2021). "Who Is Dr. Aminah Zawedde, The New Permanent Secretary Of ICT". ExposedUganda.com. Kampala, Uganda. Archived from the original on 30 July 2021. Retrieved 30 July 2021.
Ebijuliziddwa
[kyusa | kolera mu edit source]- 1 2 3 Jonah Kirabo (15 July 2021). "Dr. Aminah Zawedde: Meet the new Permanent Secretary of Ministry of ICT and National Guidance". Nile Post Uganda. Retrieved 30 July 2021.
- 1 2 3 George Asiimwe (16 July 2021). "Meet The New ICT Ministry PS: Dr. Amina Zawedde". ChimpReports. Retrieved 30 July 2021.
- 1 2 Aminah Zawedde (30 July 2021). "Profile of Dr. Aminah Zawedde". LinkedIn.com. Retrieved 30 July 2021.
- ↑ Nathan Ernest Olupot (16 July 2021). "Dr. Aminah Zawedde Appointed as the new PS of Ministry of ICT". PC Tech Magazine. Retrieved 30 July 2021.
- ↑ "Partial List of Articles Authored By Aminah Zawedde, PhD". Scholar.Google.com. 30 July 2021. Retrieved 30 July 2021.
- ↑ Simon Abaho (16 July 2021). "Who Is Dr. Aminah Zawedde, The New Permanent Secretary Of ICT". ExposedUganda.com. Archived from the original on 30 July 2021. Retrieved 30 July 2021.