Anas Kaliisa
Dr. Sheikh Anas Kaliisa (1950- mu mwezi Ogw'ekkumi n'ogumu 4, 2020) yali mumanyi wa Busiraamu Uganda, musomi, era omukenkufu mu by'obufuzi. [1] [2] Yali musomesa eri abaana ba pulezidenti Idi Amin. Yaliko omusomesa era omumyuka w'akulira yunivasite y'Obusiraamu mu Uganda.[3] [4] [5] [6]
Obuto bwe n'eby'enjigiriza
[kyusa | kolera mu edit source]Yazaalibwa 1950 mu bukiikaddyo bw'obugwanjuba bwa Uganda mu maka ga Hajii Abdunoor Kariisa ne Hajati Hanifa Kariisa. Emyaka gye egyasooka yagimala mu Sseke, ekibuga ekiriraanye Masaka, mu Uganda, gye yasomera eddiini. [3] Yawandiisibwa e Kawempe mu Kampala okusoma ssiniya. Bwe yamaliriza, yaweebwa sikaala okugenda mu yunivasite y’e Madinah mu Saudi Arabia ku nkomerero y’emyaka gya 1960, gye yakugukira mu mateeka g’Obusiraamu. Oluvannyuma yasoma amateeka agatali ga ddiini era n'afuna diguli bbiri eziri ku mutendera ogwa waggulu omuli ne PhD okuva ku yunivasite y'e Makerere . [3]
Eby'emirimu
[kyusa | kolera mu edit source]Kaliisa yasiimibwa nnyo olw’ebintu bye yakola ku lwa mateeka g’Obusiraamu n'okutegeera engeri amateeka gano gyegakolebwamu n'ensonga lwaki weegali. Ng’ogyeeko omulimu gwe yakola nga pulofeesa mu yunivasite y’e Makerere ne mu Yunivasite y’Obusiraamu mu Uganda, yaliko mu bifo ng’Omumyuka wa Mufti era Omukulu Kadhi ow’olukiiko olukulu olw’abasiraamu mu Uganda, Dayirekita w’ensonga z’eddiini, n’omumyuka w'akulira Yunivasite y’Obusiraamu mu Uganda . Kaliisa yaweereza ng’omukiise wa Afrika mu ttendekero lya International Islamic Fiqh Academy, ekitongole ekisomesa eby’amateeka g’Obusiraamu n'engeri gyegakolamu ekisangibwa mu kibuga Jeddah ekya Saudi Arabia. [3] Kaliisa yali mulwanirizi w’ebyenjigiriza era yakola kinene mu kutandikawo amatendekero g’ebyenjigiriza ag’enjawulo mu Uganda. Yaliko Dayirekita mu Institute of Research and Training era nga y'omu ku batandisi navunanyizibwa ku nzirukanya ya House of Zakat ne Waqf mu Uganda ekitongole ekivunanyizibwa ku kusolooza omusolo mu ggwanga n'emirimu emirala emitongole. Era yaweereza nga Ssentebe w’ekitongole kya Salam Charity, ng’alabirira okuzimba amasomero n’ebifo eby’okusinzizaamu bingi okwetoloola Uganda. [7] Kaliisa yali omu ku bakyazibwanga ku ttivvi ya NBS Television Uganda, ku pulogulaamu eyali erabibwa ennyo nga boogera ku nsonga enkulu okwetoloola ensi yona nga eragibwa buli Ssande akawungeezi. Era yali mwanjuzi wa pulogulaamu eziwerako ku Salam TV, ttivvi y’Obusiraamu esinga okulabibwa mu Uganda. [3]
Okufa
[kyusa | kolera mu edit source]Kaliisa yafiira mu ddwaaliro e Mulago mu mwezi Ogw'ekuminogumu nga 4 mu 2020 wabula ekyamuviirako okufa tekinakakasibwa mu butongole n’okutuusa kati. [1] [8] [9]
Ebijuliziddwaamu
[kyusa | kolera mu edit source]- ↑ 1.0 1.1 "Sheikh Kaliisa is dead". New Vision (in Lungereza). Retrieved 2024-01-24. Cite error: Invalid
<ref>tag; name ":1" defined multiple times with different content - ↑ "Mufti eulogizes the late Dr. Kaliisa". The Independent Uganda (in American English). 2020-11-05. Retrieved 2024-01-24.
- ↑ 3.0 3.1 3.2 3.3 3.4 "Dr. Sheikh Anas Kaliisa - Kariisa Foundation" (in American English). 2021-05-20. Retrieved 2024-01-24.
- ↑ Uganda (IUIU), Islamic University in. "ISLAMIC UNIVERSITY IN UGANDA MOURNS FORMER VICE RECTOR, DR. ABDULNOOR ANAS KALIISA". www.iuiu.ac.ug (in Lungereza). Retrieved 2024-01-24.
- ↑ "Kin Kaliisa | Voice of Bugerere" (in American English). 2020-11-04. Retrieved 2024-01-24.
- ↑ SERUNKUMA, YUSUF (2021-12-08). "Costing Archbishop Lwanga, Sheikh Muzaata & Dr Anas Kaliisa". The Observer - Uganda (in British English). Retrieved 2024-01-24.
- ↑ "Dr Anas Kaliisa -was passionate about education". Monitor (in Lungereza). 2020-11-13. Retrieved 2024-01-24.
- ↑ "NBS Boss Kin Kaliisa Mourns Fallen Brother Dr A.A Kaliisa". The Nile Wires (in American English). 2020-11-05. Retrieved 2024-01-24.
- ↑ Trumpet, Admin (2020-11-04). "Breaking News: Dr Anas Kalisa has Died". Trumpet News (in American English). Retrieved 2024-01-24.