Badru Kiggundu

 

Badru Malimbo Kiggundu Munnayuganda yinginiya w'ebyokuzimba, musomesa ku matendekero agawaggulu era eyeebuuzibwako, aweereza nga ssentebe w'akakiiko akaalondebwa pulezidenti akavunaanyizibwa ku kulabirira okumaliriza obulungi amabibiro g'amasannyalaze gombi erya Isimba ne Karuma. Yalondebwa ku kifo ekyo, Yoweri Museveni, pulezidenti wa Uganda mu Mwezi ogwomunaana 2016. Mu kiseera kye kimu akola nga ssentebe w'olukiiko olufuzi olw'ekitongole ky'eggwanga eky'amazzi emidumu ne kazambi . Yalondebwa ku kifo ekyo nga 20 Omwezi ogwomusanvu 2020, ng'adda mu bigere bya Christopher Ebal, endagaano ye eyaggwaako.

Edda, okuva mu 2002 okutuuka mu 2016, yaweereza nga ssentebe w’akakiiko ka Uganda ak'ebyokulonda, okumala emyaka 14 egy’omuddairinganwa.

Obuvo bwe n'okusoma kwe

Yazaalibwa mu 1945 mu maka g’omugenzi Hajji Yonus Luswa, (eyafa mu 1997) n’omugenzi Hajati Kabugo Namatovu (yafa 2006). Kiggundu y’omu ku baana 23 abazaalibwa Hajji Luswa.

Yasomera mu Kabasanda Primary School ku kusoma kwe okwa pulayimale. Oluvannyuma yadda mu Kibuli Secondary School ku misomo gye egya siniya eyokuna (S.4). Ng'omwalka 1964 guggwako, yawangula sikaala enzijuvu okuva mu gavumenti ya Buganda, okugenda ku misomo gye egya siniya eyomukaaga (S.6 ) ku Nabumali High School mu Disitulikiti y'e Mbale, gyeyamaliriza mu 1965.

Sikaala endala yaamuyingiza yunivasite y'e New Mexico naatikkirwa ne ddiguli esooka mu bwayinginiya bw'ebyokuzimba . Yayongerayo emisomo gye ku yunivasite y'e Carnegie Mellon , naatikkirwa eyo mu 1971 ne ddiguli eyokubiri mu bwa yinginiya bw'ebyokuzimba . Oluvannyuma mu 1981, yafuna ddiguli eyokusatu eyobwa ddokita (Doctor of philosophy ) okuva mu Yunivasite y’e New Mexico.

Emirimu gye mu Amerika

Okumala ebbanga lya myaka mukaaga, okuva mu 1971 okutuuka mu 1977, Badru Kiggundu yaweereza nga yinginiya era omukungu ne kkampuni y'eggwanga enzimbi, kampuni ya gavumenti, gye yali avunaanyizibwa ku kuzimba enguudo.

Oluvannyuma lw’okumaliriza emisomo gye egya ddiguli eyokusatu mu 1981, yapangisibwa Yunivasite y’e New Mexico ng’omukugu mu kunoonyereza, ng'akola mu kiti ekyo okumala emyaka mukaaga. Mu 1987, yunivasite y'e Auburn mu Alabama, yamupangisa nga maneja wa pulogulaamu y’okunoonyereza era pulofeesa omubeezi mu bwa yinginiya bw’okuzimba. Yakola mu kiti ekyo okutuusa mu 1988, lwe yakomawo mu Uganda.

Emirimu gye egy'okusomesa mu matendekero aga waggulu

Kiggundu yakolera mu kisaawe ky’okuzimba eby’obwannannyini okumala emyaka ebiri n’ekitundu, ng'amaze okudda mu Uganda mu 1988. Mu 1991, yunivasite y’e Makerere, yamupangisa nga mmemba w’abasomesa mu kitongole ky'obwayinginiya bw'ebyokuzimba . Mu 1993, yalinnya eddaala naatuuka okukulira ekitongole . Okuva mu 1999 okutuuka mu 2002, yaweereza ng’omukulu w'ebbanguliro lya tekinologiya. Yava e Makerere mu 2002 ku ddaala ly'anaatera okufuuka pulofesa omujjuvu

Emirimu gye ku kakiiko k’ebyokulonda

Mu myaka kkumi n’ena Kiggundu gye yamala ng’akulira akakiiko ka Uganda ak'ebyokulonda , akakiiko kaalondoola okulonda kwa bonna kwa mirundi esatu mu 2006, 2011 ne 2016. Mu 2006 ne 2016, ebyava mu kulonda kw’obwapulezidenti byawakanyizibwa mu kkooti ya Uganda ensukkulumu , kyokka mu misango gyombi, Kkooti yasalawo ng’ewagira pulezidenti ali mu ntebe, Yoweri Museveni .

Emirimu gye nga ssentebe w’akakiiko akakola ku mabibiro

Mu August 2016, Yinginiya Kiggundu yalondebwa pulezidenti wa Uganda okubeera ssentebe w’akakiiko k’abantu musanvu okulabirira okumaliriza pulojekiti bbiri ez’amasannyalaze g’amazzi, ezaali zizimbibwa mu kiseera ekyo; ebbibiro ly’amasannyalaze erya Karuma erya megawatts 600 n’ebbibiro ly’amasannyalaze erya Isimba erya megawatts 183. Abalala ku kakiiko kano bali nga bwebalagiddwa mu kimeeza wansi.

Abakiise ku kakiiko ka Pulezidenti akasunsuddwa ku masannyalaze ga Karuma ne Isimba

Eddaala	Erinnya	Ekifo	Eggwanga	Okukola	Ebiwandiiko
1. 1.	Badru Kiggundu	Ssentebe	Munnayuganda	Yinginiya w’eby’okuzimba	Eyali Ssentebe wa UEC
2. 2.	John Berry, omuwandiisi w’ebitabo	Omumyuka wa Ssentebe	Omu South Afrika	Omukulu w’ekitongole	Mu kiseera kino akulira kkampuni ya Bujagali Energy Limited
3. 3.	Keith Muhakanizi	Omuwandiisi w’akakiiko	Munnayuganda	Omukozi wa Gavumenti	Omuwandiisi ow’enkalakkalira mu kiseera kino OPM
4. 4.	Robert Kasande	Memba	Munnayuganda	Omukozi wa Gavumenti	Mu kiseera kino omuwandiisi ow’enkalakkalira mu minisitule y’amasannyalaze mu Uganda
5. 5.	Omuyimbi Harrison Mutikanga	Memba	Munnayuganda	Omukulu w’ekitongole	Mu kiseera kino akulira kkampuni ya UEGCL
6. 6.	Eriasi Kiyemba	Memba	Munnayuganda	Omukulu w’ekitongole	Mu kiseera kino akulira kkampuni ya UETCL
7. 7.	Francis Atoke, omuwandiisi w’ebitabo	Memba	Munnayuganda	Omukozi wa Gavumenti	Ssaabawolereza wa Uganda mu kiseera kino

Amaka

Mufumbo era taata w’abaana kkumi n’omu, ng’alina abakazi basatu.

Ebijuliziddwa

1. Okuda, Ivan (21 August 2016). "Kiggundu to oversee Karuma dam project". Daily Monitor. Kampala. Retrieved 30 May 2018.
2. SoftPower (24 July 2020). "Engineer Badru Kiggundu Unveiled As New Chairperson Of NWSC Board". Kampala: SoftPower Uganda. Retrieved 24 July 2020.
3. Simon Kasyate (9 November 2015). "Engineer Kiggundu talks brewing kwete and lucky life". The Observer (Uganda). Kampala. Archived from the original on 22 January 2016. Retrieved 30 May 2018.
4. Baker Batte Lule (14 November 2016). "Dr Badru Kiggundu on his life journey, and that kitchen smoke". The Observer (Uganda). Kampala. Archived from the original on 17 June 2018. Retrieved 30 May 2018.
5. Wassajja, Nicholas (1 September 2016). "Ugandans should be grateful for EC - Kiggundu". New Vision. Kampala. Retrieved 30 May 2018.

Ebijuliziddwa wabweru wa wikipedia

• Gavumenti TEGOBA bannannyini Isimba yinginiya Okuva nga 15 September 2017.