Best Kemigisa

Template:Infobox royaltyBest Kemigisa Akiiki (yazaalibwa 22 Ogwokuna 1967) ye Maama w'Omukama wa Tooro, ng'abeera mu kibuga Fort Portal mu bugwanjuba bwa Uganda . Mutabani we Rukirabasaija Oyo Nyimba Kabamba Iguru Amooti Rukidi IV, Omukama yemukulembeze ow'enono afuga Obukama bwaTooro.

Muwala w’Omulangira (Omubiito) Mujungu, ow’ekika kya Batuku, ow’e Rwebisengo mu Disitulikiti eyitibwa Ntoroko . Mu biseera mwe yazaalibwa Ntoroko yali ekyali kitundu ku disitulikiti y’e Kabarole okutuusa mu mwaka 1974 lweyakutulwamu okufunamu disitulikiti y’e Bundibugyo. Okusoma yakutandikira ku Kahinju Primary School, Mpanga Senior Secondary School kwossa ne Kyebambe Girls School era amasomero gonna gasangibwa mu kibuga Fort Portal. Ye Mutandisi era Omuyima w'ekibiina Tooro Women's Development Association ekitakabanira enkulaakulana y'abakyala mu Bukama bwa Tooro era nga y'omu ku baatandisi b'ekibiina ki African Queens and Women Cultural Leaders Network ekitaba abakyala abali ku madaala agawaggulu mu bukulembeze obw'enono ku ssemazinga Afrika . Best Kemigisa era ayagala nnyo ensonga ezikwata ku bawala n'abakyala mu Afrika era ategeka emikolo egiyitibwa Hakyooto mu bitundu bya Afrika eby’enjawulo okusomesa, okusanyusa n’okuzzaamu abantu amaanyi olwo basobole okubeera n’obulamu obulungi era obweyagaza.

Maama w'Omukama

Best Akiiki yatuuka ku bukulu bwa Maama w'omukama nga 3 Ogwomunaana 1995 oluvanyuma lw'okufa kwa Omukama Patrick Olimi Kaboyo II era bwatyo mutabani we namusikira. Olwokuba Oyo yafuuka Omukama ku myaka emito nnyina yalondebwa nga omu ku bakuumi era abakuza mutabani we, eyali afuuse omukulembeze ow'enono omuggya era Kemigisa nafuna n'obuvunaanyizibwa wamu nabantu abalala okuyambako Oyo okufuga Tooro okutuusa lwe yatuuka ku myaka egyessalira mu mu 2010.

Muwala we Omubiitokati Ruth Nsemere Komuntale yafumbirwako omusuubuzi Omumerika Christopher Thomas, kyokka oluvannyuma baayawukana.

Obukuubagano

Best yeetaba mu lukiiko lu Kings and Sultans of Africa Forum olwalimu okusika omuguwa. Olukungaana luno lwateegekebwa omukulembeze wa Libya mu biro ebyo, Muammar Gaddafi .

Kigambibwa nti yakozesa eryaanyi okusindiikiriza omukadde John Businge mubiro ebyo eyali ow’emyaka 60 ku ttaka okwali enkaayana era kiteebeerezebwa okuba nga yayambibwako ab’ebyokwerinda ab'emmundu abaali bakuuma Omukama.

Kemigisa era yaggula emisango gy’obufere ku musajja agambibwa okumubbako ddoola za Amerika eziwera emitwaloo 60,000 ngs ssente zino zaali ziteekeddwa kukozesebwa mu kuwandiisa ekibiina kye eky’abakyala mu Tooro ku kibiina ky’amawanga amagatte . omuwawaabirwa Moses Kyeyune yasingisibwa omusango mu Gwokutaano 2013 era nasindikibwa mu kkomera okumala myaka etaano.

Kemigisa era yawawaabirako munnamateeka munnamateeka Bob Kasango gwe yali avunaana okumufera ssente ezitemera mu buwumbi bwa ssiringi busatu.