Bethwell Allan Ogot

Bethwell Allan Ogot

Omuntu

Ekikula	musajja
Ensi y’o­bu­tuu­ze	Kenya
Erinnya eri­wee­redd­wa	Bethwell
Erinnya lya famire	Ogot
Yazaa­lib­wa nga	3 Gwamunaana(Muwakanya) 1929
Gy'a­zaal­wa	Gem Constituency
Olunaku lwe yafa	30 Gusooka 2025
Omwagalwa	Grace Ogot
Number of children	4
Ennimi z'amanyi	Lungereza, French
Omulimu	historian, university teacher
Field of work	history
Gyeya­so­me­ra	University of St Andrews, Ssettendekero wa Makerere, SOAS, University of London
Awaadi z'afunye	Distinguished Africanist Award, Fellow of the Kenya National Academy of Sciences
IMDb ID	nm16714206

Bethwell Allan Ogot (3 Ogwomunaana 1929 – 30 Ogwolubereberye 2025) yali Munnakenya munnabyafaayo era munnabyanjigiriza era nga yakuguka mu byafaayo bya Africa, enkola z'okunoonyereza, n'ebiwandiikiddwa. Ekimu ku biwandiiko bye kyatandika n'okugamba nti "okunyumya olugero lw'ebyo eby'emabega okusobola okulaga entuuko eteewalika, kyetaago ekifaanagana n'okukola ebikozesebwa, eri abantu mu nsi yonna. Okutuuka awo, tuyinza okugamba nti omuntu, mu butonde bwe, munnabyafaayo".

Ogot yali Akulira ettendekero lya Moi University okutuuka ku ntandikwa ya 2013.

Ebimukwatako

Ogot, Munnakenya Omuluo, eyazaalibwa nga 3 Ogwomunaana, 1929 mu kifo kye Gem mu Ssaza ly'e Siaya, mu Kenya. Mu 1959 yawasa Grace Emily Akinyi, munnabyabufuzi, omuwandiisi, era omukugu mu by'obulamu. Oluvannyuma yaweereza gavumenti ya Kenya nga Minisita omubeezi ow’ebyobuwangwa n’eby'empeereza by’abantu.

Ogot yasomerako ku Ambira, Maseno School, Makerere University College, ne Yunivasite ya St Andrews ne School of Oriental and African Studies mu yunivasite ya London . Bwe yali asoma e London, yaweereza ng’omukulembeze w’ekibiina ekigatta abayizi e Kenya, gye yayambako bannaggwanga lya Kenya, naddala omugenzi Jaramogi Oginga Odinga mu nteeseganya ezaaliwo mu 1960 ezaali eza Lancaster ez’ameefuga ga Kenya.

Ogot yatandika obulamu bwe obw’okusoma n’okunoonyereza mu yunivasite ng’omusomesa mu Yunivasite y’e Makerere, era okukkakkana ng’afuuse Ssentebe w’ekitongole ky’ebyafaayo ekya Ssettendekero, e Nairobi, mu kiseera kino ayitibwa University of Nairobi (UoN). Mu UoN yatandikawo era n’alungamya ekitongole ekinoonyereza ku nkulaakulana oba Institute of Development Studies (IDS) n’ettendekero lya Institute of African Studies (IAS). Era yaweerezaako ng’Omukulu w’Essomero lya School of Arts and Social Sciences n’Omumyuka w’Omumyuka wa Chancellor Academics. Yali Pulezidenti w'akakiiko ka ssaayansi ak'ensi yonna akaateekateeka ebyafaayo eby'awamu mu Africa ebya UNESCO. Yakola ennongoosereza mu lufulumya olw'okutaano olw’ekitabo kya UNESCO ekya History of Africa, era n’akubiriza akakiiko akaali kalabirira okufulumya Ebyafaayo byonna . Yali mmemba w'akakiiko k'ensi yonna aka UNESCO akakola ku byafaayo by'obuntu .

Okuva mu Yunivasite University of Nairobi, Ogot yalondebwa Pulezidenti Jomo Kenyatta, okuweereza nga mmemba w’olukiiko olufuzi olw’omukago gwa East African Community (EAC), wakati wa 1975 ne 1977. Yali Pulezidenti w’ekibiina ekinoonyereza ku by’edda ekya Pan African Archaeological Association, okuva mu 1977 okutuuka mu 1983. Wakati wa 1978 ne 1980 Ogot yaweereza mu ttendekero lya International Louis Leakey Memorial Institute for African Pre-History (TILLMIAP), ekyali ekitundu ekikulu ku National Museums of Kenya (NMK), nga dayirekita waakyo eyasooka. Yaweereza mu ttendekero lya Kenyatta University nga Pulofeesa, ate mu Kenya Post and Telecommunications yaweereza nga ssentebe. Yali Chancellor wa Moi University, ey'omu Eldoret, okutuuka mu 2013. Okutuusa lwe yafa mu 2025, yasigaza ekitiibwa ekya Pulofeesa wa Maseno University eyawummula, wabula ate bwe yali nga tannaba kufuuka Ccansala wa Moi University, yali Director of Post-Graduate Studies.

Bwe yali Chancellor wa Moi University, yakola butaweera ne Pulezidenti Mwai Kibaki, ne Minisitule y’ebyenjigiriza ebya waggulu eya Kenya, omwali Professor David Some ne Richard Mibey nga bakola ng'abamyuka ba Ccansala, ne Samuel Gudu, Margarete Kamar ne Bob Wishitemi okubeera abalaba ssemateeka wa Masinde Muliro University of Science and Technology bwakwatibwa, mu Narok University, Karatina University, Kabianga University, University of Eldoret, Rongo University College ne Odera Akango’ College, eryali ettendekero wansi wa yunivasite ya Moi.

Ogot yafa oluvannyuma lw'okulwalira akaseera akatono nga 30 Ogwolubereberye 2025, ku myaka 95.

Awaadi n'ebirabo bye yafuna

• Distinguished Africanist Award (2001) of the African Studies Association, eweebwa buli mwaka ng’esiima obuweereza obw’amaanyi obw’obulamu bwe bwonna mu misomo gya Africa.
• Omudaali gwa Zaabu ogwamuweebwa aba UNESCO
• Omudaali gwa Averos
• Elder of the Burning Spears (EBS) .
• Hon.D.Litt eyamuweebwa Yunivasite ya Kenyatta
• Mu mwaka gwa 2012, ekibiina ekigatta abanoonyereza mu Afrika ekya African Studies Association (ASA) kyatandikawo ekirabo kya Bethwell A. Ogot Book Prize, ekirabo ekiweebwa buli mwaka mu lukiiko lwa ASA eri omuwandiisi w’ekitabo ekisinga obulungi ku by’okunoonyereza ku buvanjuba bwa Africa
• Ekirabo kya Grieve Prize in Moral Philosophy okuva mu yunivasite ya St Andrews.

Bye yakola ebyalondebwamu

• Omuwandiisi era omutereeza wa, East Africa, Past and Present, 1964.
• With F. B. Welbourn, A Place to Feel at Home, 1966. (Okusoma okwakolebwa kkanisa bbiri ez'etogodde mu Bugwanjuba bwa Kenya)
• History of the Southern Luo: Volume I, Migration and Settlement, 1500–1900 (Series: Peoples of East Africa), East African Publishing House, Nairobi, 1967. (Apparently Vol II never published)
• Omuwandiisi era omutereeza ng'akola wamu ne J. A. Kieran, Zamani: A Survey of East African History (Nairobi: East African Publishing House Ltd, 1968. Reprint with corrections, 1969.  
• Omuwandiisi era omutereeza , Politics and Nationalism in Colonial Kenya: Proceedings of the 1971 Conference of the Historical Association of Kenya – HADITH 4, Nairobi: East African Publishing House), 1971
• Omuwandiisi era omutereeza ng'akola wamu ne William R. Ochieng', Decolonization and Independence in Kenya, 1940–93, London: James Currey, 1995,  .
• Building on the Indigenous: Selected Essays 1981–1998. Kisumu: Anyange Press, 1999
• Omuwandiisi era omutereeza ng'akola wamu ne Toyin Falola ne E. S. Atieno Odhiambo, The Challenges of History and Leadership in Africa: The Essays of Bethwell Allan Ogot (Trenton and Asmara: Africa World Press, 2002.  ISBN 1-59221-005-8.
• History as Destiny and History as Knowledge: Being Reflections on the Problems of Historicity and Historiography. Kisumu: Anyange Press, 2005
• My Footprints on the Sands of Time: An Autobiography, Trafford Publishing, 2006.  ISBN 1-4120-0340-7
• A History of the Luo-Speaking Peoples of East Africa. Kisumu: Anyange Press, 2009
• Liberty or Death: Southern Sudan's March to Independence. Nairobi: The Regal Press Kenya Ltd, 2010.
• Who, if Anyone Owns the Past? Reflections on the Meaning of "Public History". Kisumu: Anyange Press, 2010.
• My Footprints on the Sands of Time: An Autobiography. Kisumu: Anyange Press, 2011.

Laba ne

• Abantu b’e Kenya, Tanzania ne Uganda Luo

Ebijuliziddwa wabweru wa wikipedia

• Bethwell Allan Ogot at IMDb