Bright Rwamirama

Rwamirama Bright Kanyontore

omuntu

Ekikula	musajja
Ensi y’obutuuze	Yuganda
Yazaalibwa nga	16 Gwakkuminebiri(Ntenvu) 1954
Gy'azaalwa	Yuganda, Isingiro
Ennimi z'amanyi	Lungereza
Omulimu	munnabyabufuzi, military personnel, legislator
Ekifo ky'alimu	Omubaka wa Palamenti ya Uganda, State Minister for Animal Industry
Gyeyasomera	Ssettendekero wa Makerere, Naval Postgraduate School, Mbarara High School
Gyabeera	Kampala
Ebbanga ly'akoledde (okutandika)	1978
Mmemba w’ekibiina ky’ebyobufuzi	Ekibiina kya National Resistance Movement
Okwesiimbawo kwe mu kalulu	Akalulu ka Uganda aka 2026
Mmemba wa	12th Parliament of Uganda

 

 From Wikidata

Bright Kanyontore Rwamirama (Yazalibwa Ogwekuminebiri 16, 1954) munnabyabufuzi munnayuganda, mubaka wa Palamenti era munnamagye eyawummula . Ye minisita omubeezi mu minisitule evunaanyizibwa ku makolero g’ebisolo mu kabineti ya Uganda. Yalondebwa mu kifo ekyo mu Gwomukaaga 1, 2006. Mu nkyukakyuka ya kabineti eyakolebwa mu Gwokubiri 16, 2009, Ogwokutaano 27, 2011, ne Ogwokusatu 1,  2015, yasigaza ekifo kye ekya kabineti. Era akola nga omubaka omulonde mu Palamenti ng’akiikirira Isingiro County North, Isingiro Disitulikiti . Aweerezza mu kifo ekyo okuva mu 2001. era mukulonda kwa 2021 yamegga Posiono Mugyenyi n'amuwangula. Mu kulonda kwa bonna okwa 2026, yalangirirwa nga tavuganyiziddwa. era naasigaza ekifo kye ku Isingiro County North.

Ensibuko n’obuyigirize

Rwamirama yazaalibwa mu Disitulikiti y’e Isingiro mu Gwekuminebiri 16, 1954. Yasomera mu ssomero lya Omungyenyi Primary School okusoma pulayimale, Mbarara High School olw’okusoma kwa O-Level ate Kololo High School olw’okusoma A-Level. Alina diguli eya Bachelor of Business Administration gyeyafuna mu mwaka gwa 1996 kwossa ne Master of Business Administration gyeyafuna mu mwaka gwa 2004 okuva mu yunivasite e Makerere kwossa ne Satifikeeti mu nzirukanya y'emirimu gyeyafuna mu 1993 okuva e Makerere. Mubyekijaasi yasomerako ku British Junior Staff College era nafuuna satifikeeti ya Junior Command and Staff Course wamu ne Naval Postgraduate School, n'asoma Resource Management Course era nafuna satifikeeti. Ono mmemba w’ekkanisa ya Anglican Church of Uganda.

Emirimu gye

Okuva mu 1978 okutuuka mu 1983, Rwamirama yakola nga ne Banka ya Uganda Commercial Bank nga Banking Officer ekitongole oluvannyuma ekyafuuka Stanbic Bank Uganda. Mu 1983, yeegatta ku ggye lya National Resistance Army (NRA), mu lutalo lwa Uganda Bush War n'ekigendererwa eky'okuvunika gavumenti ya Milton Obote. Yalondebwa okubeera ofiisa avunaanyizibwa kubyensasula mu NRA mu 1986 era n’aweereza mu kifo ekyo okutuusa 1989. Mu 1989, yakuzibwa n’afuulibwa Dayirekita atwala eby'ensimbi mu NRA, oluvannyuma eyafuuka Uganda People’s Defence Force (UPDF) mu 1995. era ekifo ekyo yakiweerezamu okutuusa 1997. Yasigala aweereza ku kitebe kyamagye mu bifo ebyenjawulo ku madaala agawaggulu okutuusa 2001 lweyawummula amagye ku ddaala lya lieutenant colonel. Yayingira ebyobufuzi era n'avuganya ku kifo ky'omukiise wa palamenti owa Isingiro County North mu Disitulikiti y'e Isingiro era nawangula ekifo ekyo. Yaddamu okulondebwa mu kifo kye kimu mu 2006, 2011, 2016 ne 2021. mu Gwomukaaga 2006, Yalondebwa okuba Minisita avunaanyizibwa ku makolero g’ebisolo, ekifo ky’akyalimu okutuuka Ogwokusatu 2025.

Ebirala

Bright Rwamirama mussajja mufumbo era munna kibiina kya byabufuzi ki National Resistance Movement . Yettanira nnyo okugonjoola obutakkaanya, okutumbula enkulaakulana z'ebitundu n'ebyemizannyo .

Laba ne

• Paalamenti ya Uganda
• Kabineti ya Uganda
• Disitulikiti y'e Isingiro

Ebijuliziddwa Ebweeru

• Omukutu gwa Palamenti ya Uganda
• Olukalala lwa kabineti mu bujjuvu, Ogwokutaano 2011