Bulasio Mukasa

Bulasio Mukasa

omuntu

Ekikula	musajja
Ensi y’obutuuze	Yuganda
Yazaalibwa nga	1986
Ennimi z'amanyi	Lungereza
Omulimu	radio personality, journalist, munnabyabufuzi
Omukozesa	NBS Television (Uganda), CBS FM Buganda, Church of Uganda, Omubaka wa Palamenti ya Uganda
Disitulikiti mwalondera	Wakiso Disitulikiti
Gyeyasomera	Ndejje University
Mmemba w’ekibiina ky’ebyobufuzi	National Unity Platform
Okwesiimbawo kwe mu kalulu	district

 

 From Wikidata

Zambaali Bulasio Mukasa Munnayuganda, omusomi w'amawulire, era omukugu mu by'empuliziganya. Musomi w'amawulire ag'Oluganda agayitibwa Amasengejje era akubiriza pulogulaamu ya Barometer Akasameeme, pulogulaamu omukubaganyizibwa ebirowoozo ku by'obufuzi mu Luganda ku terefayina eya NBS Television (Uganda) Yalondebwa okuba omubaka wa Paalamenti mu Munisipaali y’e Nansana mu Disitulikiti y’e Wakiso mu Paalamenti ya Uganda ey’ekkuminebbiri wansi w’ekibiina ky’ebyobufuzi ekya National Unity Platform.

Obulamu bwe n'okusoma kwe

Zambaali yazaalibwa omugenzi John Wilson Segawole ne Florence Sarah Nakalembe Namusisi. Yakula ne jjajjaawe Asinansi Nasimbwa e Mugomola mu Semuto. Yatuula ebigezo bye ebyakamalirizo ku ddaala erya pulayimale mu ssomero lya Kijaguzo Primary School. Mu mwaka gwa 2002, yamaliriza omutendera gwa siniya ey'okuna mu ssomero lya St. Denis Sebugwawo Kijaguzo Secondary School era n’amaliriza ebigezo ebya siniya ey'omukaaga mu Kazo Hill College School Kampala mu 2004. Yasoma diguli esooka mu by’obulambuzi okuva mu yunivasite y’e Makerere kyokka n’atagimaliriza (2005–2007). Yatikkirwa dipilooma mu by'amawulire n'empuliziganya mu mwaka gwa 2011 okuva ku UMCAT School of Journalism and Mass Communication. Era alina diguli esooka mu by’enkolagana n’abantu okuva mu Yunivasite y’e Ndejje.

Emirimu gye

Yatandika omulimu gwe ogw'obusasi bw'amawulire ku Tiger FM ng'omusomi w'amawulire era omwanjuzi wa pulogulaamu okuva mu 2007 okutuuka mu 2008. Okuva olwo, yaweereza ng'omusomi w'amawulire era omwanjuzi wa pulogulaamu ku mikutu gy'amawulire egy'enjawulo, omuli Metro FM 90.8 (2008–2011), ne Beat FM ne Capital FM (2011–2012), gye yakolera ng'omusomi w'amawulire era omuweereza w'amawulire. Mu Gwomunaana 2012, yegatta ku leediyo za CBS FM Buganda 88.8 ne CBS FM Emmanduso 89.2 ng’omwanjula wa pulogulaamu, omuduumizi w’emboozi z’oku mpewo era omusomi w’amawulire mu pulogulaamu nga Ag’Okumpi Newala, Tumutendereze, ne Ebifa mu Nsi n’Obwengula (2012–2020). Wakati wa 2016 ne mu Gwomusanvu 2019, Zambaali yaweereza ng'omusomi w'amawulire era omuduumizi wa pulogulaamu ez'ebyobufuzi ku BBS Terefayina.

Zambaali yeegatta ku NBS Terefayina (Uganda) mu mwezi ogw'omunaana omwaka gwa 2019 ng’omusomi w’amawulire Amasengejje. era ng'omukubiriza wa pulogulaamu y'emboozi Barometer – Akaasameeme, pulogulaamu ey'ensonga z'eggwanga mu Luganda, ewerezebwa buli Lwakubiri ku ssaawa 4:00 ez'ekiro (22:00 EAT) ku NBS Television.

Ebirala ebikulu

Wakati w'omwaka gwa 2005 ne 2010, Zambaali yaweereza ng’omusomesa wa banne mu Kiyita Alliance for Development, Nabweru Orphan Support Project, Makerere Women Development Association era nga Ssentebe wa Nabweru Youth Health Club, era nga omuwandiisi wa Nansana Youth Parish. Okuva mu mwaka gwa 2020, Zambaali akola nga Pulezidenti w’ekibiina ekigatta bannamawulire mu kkanisa ya Uganda. Ye dayirekita wa Zabama Investment Limited kampuni eteekateeka embaga.

Ebimukwatako ebyomunda

Zambaali mufumbo era alina abaana basatu. Mu myaka gya 2018 ne 2019, yaweebwa engule ya Dan Kyazze ey’omuweereza w’amawulire ku leediyo y’Oluganda asinga.