Charles Mbire

 

Charles Magezi Mbire is a Munnayuganda omusuubuzi, omutandisi w'emirimu, era munnamakolero. Kigambibwa nti ye munnayuganda asinga obugagga, ng’obugagga bwe bubalirirwamu obukadde obusukka mu doola za America 200, bwe bwatuukira mu Gwolubereberye 2012.

Ebuvo bwe

Mbire Charles Magezi yazaalibwa mu 1959 mu maka ga Ponsiano Mbire ne Thereza Mbire e Mparo, mu Disitulikiti y’eRukiga, mu bukiikaddyo bw’amaserengeta ga Uganda. Ye mwana owookusatu mu maka gano, alina bannyina basatu, babiri ku bo bakulu be, ne bato be abalenzi babiri.

Yasomera mu Kabale Primary School ne Kitante Primary School mu pulayimale. Yasomera mu St. Mary's College Kisubi Oluvannyuma naagenda mu ttendekero lya Namasagali College okumaliriza siniya 6. Yasoma bizinensi n'ebyenfuna era n'afuna diguli ey'ekitiibwa eya Diguli esooka mu Sayansi, okuva mu Essex University mu Bungereza. Yagenda mu maaso n'afuna diguli eyookubiri mu by'obusuubuzi okuva mu Leicester University.

Ensimbi ze azisiga mu by’amasannyalaze, eby’ensimbi, eby’amataka n'amayumba, eby’empuliziganya, eddagala, bizinensi z’ebyobulimi n’entambula.

Ebintu ebikwata ku bizinensi ze

Mbire nnannyini ow'ekitundu era/oba mmemba ku lukiiko olufuzi olwa bizinensi za Uganda zino wammanga:

• Afro Alpine Pharma Limited
• East Africa Fish Farming Limited
• Eskom Uganda Limited
• Invesco (Uganda) Limited
• MTN Uganda Limited
• Ekitongole kya Polino Holdings Limited
• Kkampuni ya Sunco Investments Limited
• Kkampuni ya Bomi Holdings Limited
• Oluguudo lw'eggaali y'omukka olwa Rift Valley
• Chui Investments Limited - kampuni ya bamusigansimbi ekuguse mu kuzimba, okuddukanya n'obwannannyini ku mabibiro g'amasannyalaze amatono n'amanene mu Uganda
• Bbanka of Baroda

Obuvunaanyizibwa bwe obulala

Mbire yalondebwa okuba ssentebe w’ekitongole kya Uganda Securities Exchange mu 2010. Era mmemba w’ekibiina kya Presidential Investor Roundtable, ekibiina ky’abasuubuzi abakugu abawabula Pulezidenti wa Uganda ku ngeri y’okutumbula okuvuganya mu bizinensi n’embeera ya bizinensi mu ggwanga.

Obugagga bwe

Mu Gwekkumineebiri 2008, kyateeberezebwa nti obugagga bwa Mbire bwali busukka mu bukadde bwa doola za America 65. Mu Gwolubereberye 2012, obugagga bwe bwabalirirwamu okweyongera okutuuka ku bukadde bwa doola za America obusukka mu 200. Mu Gwolubereberye 2019, yabalirirwamu obukadde bwa ddoola za America 400.

Laba ne

• Olukalala lw'abantu abasinga obugagga mu Uganda

Ebijuliziddwa wabweru wa wikipedia

• Profile ya Tereza Mbire, Maama wa Charles Mbire
• Ekifaananyi kya Mbire mu 2012