Charles Okidi

Lieutenant General Charles Okidi, Muserikale wa Uganda omukulu mu ggye lya Uganda People's Defence Force (UPDF). Ono ye Muduumizi w’eggye ly’omu bbanga erya UPDF, okutandika mu Gwekkuminoogumu 2022. Yadda mu bigere bya Lieutenant General Charles Lutaaya eyalondebwa okubeera omuwabuzi wa pulezidenti. Ekyo nga tekinnabaawo, okuva nga 11 Ogwekkumineebiri 2019 okutuuka nga 7 Ogwekkuminoogumu 2022, yeeyali akulira abakozi mu ggye ly’omu bbanga erya UPDF. Ekyo nga tekinnatuuka, yaliko Ssenkulu w’ebikwekweto ku kitebe ky’amagye g’omu bbanga ekya UPDF e Entebbe .

Ebyafaayo by’emirimu

Okidi aweereza ng’omugoba w'ennyonyi ya Presidenti okumala ebbanga eddene, mu kiseera kye kimu nga bwakola n’emirimu gye egy’amagye. Emabegako yaliko Omuduumizi w’ekiwawatiro ky’amagye g’omu bbanga ekya Nakasongola Air Force Base . Ekyo nga tekinnabaawo, yaliko Omuduumizi w’ekiwawatiro ky’amagye g’omu bbanga ekya Entebbe Air Force Base . Ekyo nga tekinnatuuka yaliko Omuduumizi w'ekiwayi kya Squadron era Offiisa aduumira ebikwekweto ku kiwawatiro kya Entebbe Air Force.

Ng'akulira abakozi b’eggye ly’omu bbanga erya UPDF, yadda mu bigere bya Major General Paul Lokech, eyaweebwa emirimu egy’enjawulo mu South Sudan . Nga 28 Ogwokusatu 2020, yakuzibwa okuva ku ddaala lya Brigadier okudda ku lya Meeja Genero. Yakuzibwa n’afuulibwa Lieutenant Genero mu kiseera we yalondebwa okuba Omuduumizi w’amagye g’omu bbanga.

Era laba

• Stephen Kiggundu
• Charles Lutaaya
• Gavas Mugyenyi
• James Birungi