Clement Kiggundu

Clement Kiggundu

omuntu

Ekikula	musajja
Ensi y’obutuuze	Yuganda
Yazaalibwa nga	3 Gwamukaaga(Ssebaaseka) 1928
Gy'azaalwa	Masaka
Olunaku lwe yafa	12 Gusooka 1973
Place of death	Yuganda
Cause of death	assassination
Omulimu	Catholic priest, editor, journalist
Omukozesa	Munno

 

 From Wikidata

Faaza Clement Kiggundu (3 Ogwomukaaga 1928 – 12 Ogw'oluberyeberye 1973) yali musaaserodooti munnayuganda mu Uganda era eyakola ng’omusunsuzi w’olupapula lw’amawulire. Yali avunaanyizibwa ku Munno, olupapula lw’amawulire olwa buli lunaku mu lulimi Oluganda. Yafuna okuwulirizibwa olw'okuwandiika kwe okutaalimu kubikkako nga Pulezidenti Idi Amin ali mu buyinza. Yattibwa mu gw'oluberyeberye1973, era ensonda okuva mu kiseera ekyo, wamu n’okunoonyereza okwakolebwa oluvannyuma, zigamba nti ba agenti b’ebyokwerinda mu gavumenti be baali bavunaanyizibwa.

Obuto bwe n’obusaserodooti

Faaza Kiggundu yazaalibwa nga 3Ogwomukaaga 1928 mu Kisaawa, Kalungu mu Disitulikiti y’e Masaka . Yatuuzibwa mu 1958 n’asindikibwa mu paariisi y'e Kikira n’oluvannyuma Paarisi y'e Kyamulibwa oluvannyuma lw’emyaka 2.

Eby'amawulire ne Munno

Yeegatta ku lupapula lw’amawulire olw’Abakatuliki olwa Munno ng’omuwandiisi mu 1961 n’afuuka omuwandiisi waalwo mu 1964. Munno lwerwali olupapula olufulumizibwa buli lunaku olukulembera olw’Eklezia Katolika. Mu 1968 yakola emisomo gy’okwezza obuggya egy’amawulire mu Amerika, olwo n’adda mu Uganda okuddamu okuweereza ng’omusunsuzi era omuddukanya wa Munno.

Omwaka gwa 1972 nga guggwako Munno yakola eggulire nga livumirira okutulugunya kwa gavumenti , omwali okwemulugunya kw’abakyala mu lujjudde ku kubuzibwawo, n’okunnyonnyola ku kugobwa kw’Abayindi okuva mu Uganda. Ebyogerwa nebyaddako oluvannyuma bikwataganya eggulire lino okwongera obunkenke ku lupapula ne ku Kiggundu.

Okufa

Kiri nti ekyavaako okufa kwe kyali kyekuusa ku ggulire lyeyafulumya mu Munno nga 9, ogwekkuminoogumu 1972, mweyavumirira ekya Pulezidenti Iddi Amin okugoba Abayindi bonna okuva mu ggwanga. Mu kulwanirira Abayindi abaagobwa, Fr. Kiggundu yakiremerako nti abo bonna abaagobwa tebaali basuubuzi bokka, wabula mwalimu abakyala, abaana n’abakadde. “Kiri nga mu South Africa,” ku bikwata ku nkola y’obusosoze mu langi.

Nga 12 Ogw'oluberyeberye 1973 Faaza Kiggundu yawambibwa mu masekkati ga Kampala. Emmotoka ye eyokeddwa n’omulambo byasangibwa kumpi ekibira ky’e Namanve, mayiro nga 9 ku 10 okuva mu kibuga, nga 14 Ogw'oluberyeberye. Okwekebejja kwabasawo abakugu okw'omulambo kwalaga obubonero bw’okutugibwa n’ekiwundu ky’amasasi. Ensonda eziwera ziraga nti abakozi b’ebyokwerinda mu gavumenti be bavunaanyizibwa.

Okuziika kwe kwali ku Lutikko y'e Lubaga nga 16 Ogw'oluberyeberye 1973.