Coopy Bly
Coopy Bly (yazaalibwa mu 5 Ogwekkumineebiri, 1988) era amanyiddwa nga Emmanuel Edwin Kusaasira, Munnayuganda omuyimbi w'ennyimba z'eddiini.[1] [2]
Obuto bwe n'okusoma kwe
[kyusa | kolera mu edit source]Coopy Bly yakuzibwa bazadde be, omwami Sserwanga Kusasira ne Justine Buyinza, e Katwe, mu divizoni y'e Makindye, ku njegooyego za Kampala, Uganda . [3] [4] Okuva nga akyali mu pulayimale, Coopy Bly yayolesa obwagazi bwe obw'okuyimba bwe yakulemberanga ennyimba ku byoto kwebakungaaniranga mu biseera by'ekisikawutu.
Obummanyi buno bwamuviirako okwegatta ku kkwaaya y'essomero mu myaka gye ebbiri egyasembayo mu pulayimale.
Eby'emirimu
[kyusa | kolera mu edit source]Mu mwaka gwa 2003, bwe yali asoma ssiniya nga bazadde be bakolera Bungereza, Bly yakola oluyimba lwe olwasooka, ‘Shiny money’, mu Dream Studios. [4] Mu mwaka gwa 2005, yakwata oluyimba lwe olwokusatu, ‘Glorify’, olwamusobozesa okuyimba mu bivvulu by’enjiri n’abayimbi nga Sseku Martin. Mu mwaka gwa 2010, yali y'akakwata ennyimba ezisoba mu mwenda ng’asoma ddiguli mu kukolagana n'abantu.
Okumaliriza ddiguli ye, kyandimuwadde obudde obusingako okussa essira ku mulimu gwe ogw’okuyimba. Mu mwaka gwe gumu, Coopy Bly yafulumya oluyimba oluyitibwa ‘Bwaka’, olukwata ku nsonga abantu zebakiririzaamu ezitali zimu gamba nga ebisiyaga, n’okujjukiza abantu ku lunaku lw’enkomerero olujja okubaawo ekiseera kyona. Oluyimba lwa ‘Bwaka’ lwakubibwa nnyo ku leediyo ekyayamba Bly okulabikira ku ttivvi ne leediyo emirundi mingi. Yagenda mu maaso n’okufulumya ennyimba nga ‘Kulunga’ ne ‘Kumbaya’.
Mu mwaka gwa 2011, oluyimba lwe olwa ‘Nyweza’ lwamuleetera okusunsulwamu okuwangula engule ez’enjawulo, omuli Olive Gospel Awards, Buzz Teenies Awards, ne Groove Awards mu Kenya . Vidiyo y’oluyimba ‘Nyweza’ yafuna obuganzi okusukka ku nnyimba z’enjiri n’etandika okumanyibwa mu buvanjuba bwa Afrika yonna . [2] Nga 6 mu mwezi Ogw'okutaano, yatongoza alubaamu ye ku Watoto ey'omu masekati mu Kampala, n'ayimba ennyimba eziwerako butereevu eri abalabi, omuli ne 'Sidda Mukyalo'. Mu mwaka gwa 2012, yatandika okulambula Bulaaya, ng’ayimba mu massomero, masinzizo, ne mu bivvulu eby’olukale mu mawanga nga Bugirimaani yonna ne Budaaki. Oluvannyuma lw’okutalaaga eggwanga, Coopy Bly yafuna okusunsulwa okuwera mu mpaka za Olive Gospel Awards era n’aweebwa engule y'omuyimbi omusajja asinga okuva mu mwaka gwa 2012 okutuusa 2013 [5] [6]
Obulamu bwe
[kyusa | kolera mu edit source]Coopy Bly mufumbo eri mune Anne Marie gwe yali aludde naye era yamusaba obufumbo bweyali akwata vidiyo. [3]
Engule n’okusunsulwa
[kyusa | kolera mu edit source]- Awaadi ya VIGA mu mwaka gwa 2017 mu lubu lw'ennyimba ekika kya Dancehall/Ragga (Batusinzaki). [7]
- Awaadi ya Viga mu mwaka gwa 2017 eri omuyimbi omusajja eyasinga mu mwaka . [7]
- Awaadi ya Viga mu mwaka gwa 2017 eri oluyimba olwasinga mu mwaka (Akikwasaganya). [7]
- Omuyimbi w'omwaka mu mpaka z'engule za Vine ez'omulundi ogw'okubiri mu 2021. [8]
- Engule z'ennyimba za Royal Gospel mu mwaka gwa 2023. [9]
- Awaadi za Olive Gospel eri omuyimbi omusajja eyasinga wakati w'omwaka 2012 ne 2013. [5]
Laba na bino
[kyusa | kolera mu edit source]Ebijuliziddwa
[kyusa | kolera mu edit source]- ↑ "Taking dancehall into church". Monitor (in Lungereza). 2021-01-04. Retrieved 2024-01-01.
- ↑ 2.0 2.1 "I never dreamt of being a gospel artiste". Monitor (in Lungereza). 2021-01-09. Retrieved 2024-01-01.
- ↑ 3.0 3.1 Iragaba, Apollo (2022-03-03). "7 Things You Didn't know about Coopy Bly". Hard Rock Media (in American English). Retrieved 2024-01-01.
- ↑ 4.0 4.1 "Coopy Bly". Music In Africa (in Lufalansa). 2015-05-08. Retrieved 2024-01-01.
- ↑ 5.0 5.1 "Coopy Bly • Gospel Music, Lyrics, Biography, News, Videos, Events | thegmp.biz". THEGMP (in Lungereza). Retrieved 2024-01-01.
- ↑ "Nakimera scoops first gospel award". New Vision (in Lungereza). Retrieved 2024-01-01.
- ↑ 7.0 7.1 7.2 Muhindo, Clare (2017-01-18). "Coopy Bly is the star at 2017 VIGA Awards – Sqoop – Get Uganda entertainment news, celebrity gossip, videos and photos" (in American English). Retrieved 2024-01-01.
- ↑ vinepulse (2021-06-28). "Coopy Bly crowned Artist of the year at the 2nd Vine Awards". Vine Pulse (in American English). Retrieved 2024-01-01.
- ↑ Sseruyigo, Aaron (2023-01-30). "Royal Gospel Music Awards: the full list of winners". Breaking news on Christianity in Uganda and World (in American English). Archived from the original on 2023-11-16. Retrieved 2024-01-01.