David Wakikona

David Wakikona

Munnabyabufuzi Omunnayuganda

Omuntu

Ekikula	musajja
Ensi y’o­bu­tuu­ze	Uganda
Erinnya eri­wee­redd­wa	David
Yazaa­lib­wa nga	26 Gwakkuminogumu(Museenene) 1950
Gy'a­zaal­wa	Uganda
Ennimi z'amanyi	Lungereza
Omulimu	aircraft pilot, munnabyabufuzi
Ekifo ky'alimu	Omubaka wa Palamenti ya Uganda
Gyeya­so­me­ra	Western Sydney University, Nkumba University
Gyabeera	Kampala
Ebbanga ly'a­ko­led­de (oku­tan­di­ka)	1971
Mmemba w’e­ki­bii­na ky’e­byo­bu­fu­zi	Ekibiina kya National Resistance Movement

David Wandendeya Wakikona Munnayuganda omuvuzi w'ennyonyi era munnabyabufuzi, eyasooka okuweereza mu kabineti ya Uganda nga Minisita Omubeezi Ow’obukiikakkono bwa Uganda okuva nga 2 Ogwomukaaga 2006 okutuuka nga 27 Ogwokutaano 2011 ne Minisita Omubeezi Ow’eby'obusuubuzi n’Ebinti By’edda okuva mu Gwokutaano 2011 okutuuka Gwomukaaga 2016). Era yali Omubaka wa Paalamenti omulonde eyali akiikirira Manjiya County mu Disitulikiti y’e Bududa okuva mu 2001 okutuuka mu 2016.

Mu kalulu ka bonna aka 2016, Wakikona yawangulwa John Baptist Nambeshe wansi w'ekibiina kya NRM mu kalulu k'okusunsulamu ak'omu Ssaza ly'e Manjiya era oluvannyuma ekyavaamu teyeesimbawo mu kalulu. Ekyava mu ekyo, yasikizibwa Michael Werikhe Kafabusa ku kifo kya Minisita w'ebyobusuubuzi.

yaweereza nga mmemba wa palamenti ow'essaza lya Bushigai mu palamenti y'ekkumineemu (2021–2026) nga akiikirira essaza eryo mu Disitulikiti y'e Bududa wansi w'ekibiina kya NRM.

Mu kisanja kya 2026–2031 eky'ebyobufuzi, Wakikona teyadda mu palamenti. Yasalawo ava mu lwokaano lwa palamenti olwa 2026, nga kino akissa ku nsonga z'obulamu bwe, era yagenderera okuwummula emirimu gy'ebyobufuzi olwo essira alizze ku ddundiro lye.

Obuto n’okusoma kwe

Wakikona yazaalibwa mu Disitulikiti y’e Bududa nga 26 Ogwekuminoogumu 1950. Mu 1971, yafuna layisinsi y’okuvuga ennyonyi ez’obusuubuzi okuva mu kitongole ky’ennyonyi ekya East African Civil Aviation Authority, mu kiseera ekyo nga kisinziira ku kisaawe ky’ennyonyi e Soroti . Mu 1993, yaweebwa Dipuloma mu by’okutambuza n'okuddukanya ennyonyi okuva mutendekero lya CASI e Beirut. Omwaka ogwaddako, yafuna Dipuloma mukudukanya emirimu gya Gavumenti okuva mutendekero lyerimu. Mu 1995, ekitongole ky’ensi yonna ekitendeka abaddukanya ennyonyi mu Canada, kyamuwa Dipuloma mu by’Okuddukanya Ennyonyi. Mu 1999, yafuna diguli y'Emisomo egy'enjawulo mu by’ennyonyi okuva mu Yunivasite y’e Western Sydney mu Australia. Mu 2007 yaweebwa diguli ya Misomo Egy'enjawulo egikwatagana ku By'okudukanya Emirimu gya Gavumenti n'Okugirabirira okuva mu Yunivasite y'e Nkumba.

Emirimu gye

Okuva mu 1991 okutuuka mu 1992, Wakikona yaweereza nga eyali Akulira okugaba ebisaanyizo n'okulondoola Entambula y'ennyonyi mu kitongole ky’ennyonyi ekya Civil Aviation Authority of Uganda. Okuva mu 1993 okutuuka mu 1998, yaweereza ng'eyali akulira etendekero ly’ennyonyi erya East African Civil Aviation Academy, era erimanyiddwa nga Soroti Flying School, mu Soroti,mu Buvanjuba bwa Uganda. Okuva mu 1999 okutuuka mu 2000, yakola nga eyali Akulira ba Maneja mu kampuni y'ennyonyi eya Uganda Air Cargo, kampuni ya gavumenti ey'ennyonyi ezitambuza emigugu. Mu 2001, yayingira eby'obufuzi, n'avuganya ku kifo kya paalamenti okukiikirira Manjiya County mu Disitulikiti y'e Bududa. Yawangula, n’addamu okulondebwa mu 2006 n’addamu okulondebwa mu 2011. Nga 1 Ogwomukaaga 2006, yalondebwa okuba Minisita Omubeezi owa Bukiikakkono bwa Uganda mu ofiisi ya Ssaabaminisita, ekifo kye yalimu okutuusa mu Gwokutaano 2011. Mu nkyukakyuka mu kabineti eyakolebwa nga 27 Ogwokutaano 2011, yakyusibwa nga Minisita Omubeezi Ow'eby'Obuzuubuzi n'Ebintu by'Edda. Yadda mu bigere bya Gagawala Wambuzi mu kifo ekyo, eyali yasuulwa okuva mu Kabineti.

Nga beetegekera okulonda kwa bonna okwa 2016, Wakikona yawangulwa John Baptist Nambeshe mu kalulu ka National Resistance Movement akasalawo anaakwatira ekibiina bendera ku ani eyali agenda okukiikirira Manjiya County, era ekyavaamu teyavuganya mu kulonda kuno. Oluvannyuma lw’okulonda kuno, mu Gwomukaaga kwa 2016 Wakikona yasikizibwa Michael Werikhe Kafabusa ku bwa Minisita Omubeezi Ow’eby'obusuubuzi.

Obulamu bwe obw'omunda

Wakikona yafuuka semwandu mu 2017. Ali mu kibiina ky’eby'obufuzi ekya National Resistance Movement . Kigambibwa nti alina obwagazi obw'enjawulo mu nsonga eza zigenda mu maaso nga kwekuli n'omupiira gw'ebigere.

Laba ne

• Paalamenti ya Uganda
• Disitulikiti y'e Bududa

• Kwatsi Alibaruho
• Michael Etiang
• Gad Gasatura
• Ali Kiiza
• Naomi Karungi
• Kenneth Kiyemba
• Brian Mushana Kwesiga
• Peter Thomas (pilot)

Ewalala w'oyinza okubiggya

• Omukutu gwa Paalamenti ya Uganda
• Olukalala lwa baminisita mu bujjuvu, Ogwokubiri 2009