Denis Nyangweso

Denis Nyangweso

omuntu

Ekikula	musajja
Ensi y’obutuuze	Yuganda
Yazaalibwa nga	1978
Omulimu	munnabyabufuzi

 

 From Wikidata

Denis Nyangweso (yazaalibwa nag 28 Ogwomwenda, 1978) munnayuganda, munnabyabufuzi era mubaka wa paalamenti akiikirira Samia-Bugwe Central.

Mu paalamenti ey’ekkumi n’emu, Nyangweso aweereza ku kakiiko akavunaanyizibwa ku bakozi ba gavumenti ne Gavumenti ez’ebitundu.

Obuto bwe n’okusoma

Nyangweso yazaalibwa Augustine ne Cissy Juma ng’omwana owookubiri mu maka. Yasomera mu Busikho Primary School mu Disitulikiti y’e Busia okufuna satifikeeti ye eya First School nga tannaba kwewandiisa mu Jinja College oluvannyuma n’akyusa n’agenda mu Greenville High School gye yamalira O’Level. Yafuna diguli mu Social Sciences mu 2003 ne diguli eyookubiri mu by’okuddukanya emirimu gya gavumenti (Human Resource Option) okuva mu yunivasite y’e Makerere . Oluvannyuma lw’okutikkirwa, yalondebwa okubeera Personnel Officer/Human Resource Officer mu Minisitule y’abakozi ba gavumenti era n’asindikibwa ku kitebe kya poliisi gye yaweerereza okutuusa mu 2009, lwe yakuzibwa n’addamu okusindikibwa mu Minisitule y’abakozi mu kikula ky’abantu n’enkulaakulana y’abantu. Mu 2013, yakyusibwa okuva mu minisitule y’ekikula ky'abantu n’atwalibwa mu kakiiko k’ebyobulamu gye yava mu mirimu gya gavumenti n’ayingira ebyobufuzi.

Eby'obufuzi

Nyangweso yasooka kwesimbawo mu 2016 bwe yavuganya ku kifo kya Samia-Bugwe South mu paalamenti kyokka nawangulwa Julius Maganda Wandera eyali mu ntebe . Oluvanyuma lw’okutondawo ekitundu kya Samia-Bugwe Central, yeesimbawo ku tikiti y’ekibiina kya National Resistance Movement n'afuna obululu 8,849 kyokka n’awangulwa Richard Wanyama Hamala ey’afuna obululu 14,423. Nyangweso yagenda mu kalulu ka 2021 ng’avuganya ku bwannamunigina n’awangula n’obululu 13,919 n’akuba Richard Wanyama owa NRM eyafuna obululu 11,312. Nyangweso ye mubaka wa Paalamenti asoose okukulemebera ekifo kya Samia-Bugwe Central mu paalamenti ey’ekkumi n’emu.