Dominica Dipio

Dominica Dipio

omuntu

Ekikula	mukyala
Gy'azaalwa	Adjumani
Gyeyasomera	Trinity College Nabbingo

 

 From Wikidata

Dominica oba Dominic Dipio (mu kikugu ayitibwa Professor Sister Dominic Dipio ) mwannyinaffe ow'eddiini Munnayuganda, omukozi wa firimu, omuwandiisi era pulofeesa w'ebiwandiiko ne firimu mu yunivasite y'e Makerere mu Kampala, Uganda.​ Mu gwekkuminagumu 2019 yalondebwa Paapa Francis okuba omuwabuzi w'olukiiko lwa Paapa olw'ebyobuwangwa .

Ensibuko ye n’obuyigirize bwe

Dipio yazaalibwa Adjumani mu kitundu kya West Nile mu Uganda. Yasomera mu Saint Mary's Girls', Aboke, okusoma O' Level nga tannagenda mu Trinity College Nabbingo ku A' Levels. Oluvanyuma yagenda mu yunivasite y'e makerere n'afuna diguli eyookubiri mu by’ebiwandiiko. Mu 1991, Dipio yakola satifikeeti mu by’abakyala mu Faculty of Social Sciences mu kiseera ekyo mu yunivasite y’e Makerere. Mu 2004, yamaliriza diguli ye eya PhD mu misomo gya Firimu mu yunivasite ya Pontifical Gregorian e Roma. Mu kiseera kye kimu yasomesa ku kwanjula okunenya firimu ne sinema ya Afirika mu yunivasite y’emu nga bwe yasoma. Mu 2010, yalondebwa okubeera Pulezidenti mu kibiina ekinoonyereza ku Afrika ekisangibwa mu yunivasite ya Rutgers.

Omulimu gwe

Mu byensoma,Dipio pulofeesa w'ebiwandiiko era mu 2007 yalondebwa okukulira ekitongole ky’ebiwandiiko mu yunivasite y’e Makerere, ekyamufuula omukyala Omufirika asoose okukulira ekitongole kino. Era abaddeko ng’omuwi w’amagezi ku nkulaakulana y’ensoma okusinga nga Yunivasite ya Uganda e Kyambogo, ng’eri wamu n’ekitongole ky’amawanga amagatte ekikola ku by’enjigiriza, ssaayansi n’obuwangwa (UNESCO), yali yeetegekera okukola ensoma ku by’obuwangwa.

Dipio yeenyigira mu mulimu gwa firimu mu Uganda ng’alagirira n’okufulumya firimu n’ebiwandiiko ebiwerako. Abaddeko ng’omulamuzi era mmemba w’abalamuzi mu bivvulu bya firimu ebiwerako nga Zanzibar International Film Festival (ZIFF) mu 2011, Amakula Film festival, era yaliko omulamuzi omukulu mu kivvulu kya Uganda Film Festival ekyasooka mu 2013 wamu n’ebirala oluvannyuma lw’ekyo.

Mu gwokubiri 2019, Dipio yali omu ku balamuzi mu mpaka za Ecumenical Film Awards ezaali mu kivvulu kya Berlinale Film Festival mu Girimaani. Engule ya firimu ya Ecumenical eyategekebwa buli mwaka eyabadde mu mwaka gwayo ogw’amakumi 27 yategekebwa ekitongole ky’ensi yonna ekya International Interchurch Film Organization (Interfilm) n’ekibiina ekigatta abakatuliki mu nsi yonna ekya World Catholic Association for Communication (SIGNIS).

Ng tannalondebwa ku bwa Consultor ,Dipio yaweereza ng'omu ku bawi b'amageziabawerako mu lukiiko lwa paapaolw'empuliziganya e Vaticani ku kulondebwa kwa Paapa Benedict XVI mu 2011. Mu kiseera kye kimu yali mmemba wa kakiiko akavunaanyizibwa ku mpuliziganya y'abantu mu lukiiko lwa Uganda Episcopal Conference Social Communications Commission.

Ebitabo ebirondeddwamu

• Dipio, Dominica; Johannessen, Lene; Sillars, Stuart, eds. (2008). Performing Community: Essays on Ugandan Oral Culture. Oslo: Novus Press. ISBN 9788270994991.
• Makokha, J. K. S.; Kabaji, Egara; Dipio, Dominica, eds. (2011). East African Literature: Essays on Written and Oral Traditions. Berlin: Logos. ISBN 978-3-8325-2816-4.
• Dipio, Dominica (2014). Gender Terrains in African Cinema. Pretoria: UNISA Press. ISBN 9781868887354.
• Nabutanyi, Edgar Fred; Kahyana, Danson; Dipio, Dominica, eds. (2019). Discourse and identities : writing and contemporary eastern African peripheral subjectivities. Kampala: Fountain. ISBN 9789970195268.

Firimu n’ebiwandiiko

• Afirika eyesigamye ku maama (2019)
• Ebigambo by'emikono (2017)
• Okutonnya enkuba: Enkola ebula (2016)
• "Gwe Mateeka" (2010)
• Emmere ey’okwerabira : omusajja omusango gw'okugezaako ennyo (2009), omuwanguzi w'engule y'ekibiina ekigatta bannamawulire ekya Arts Press Association
• Okukola emirimu gy’emikono egy’ekika kya Bamasaba (2009)
• Omwagalwa ennyo (2007)