Ebyobugagga ebyobutonde

enyonnyola ebyobugagga eby’obutonde ng’ebyamaguzi eby’omugaso mu ngeri yaabyo ey’obutonde. Kino kitegeeza nti emirimu egikolebwa ku bintu gyekwanya na kubisima, na kubirongoosa so si kundawo biggya. Okugeza newankubadde ng’okulima oba okulunda tetusobola kubiraba ng’emirimu gy’obutonde, kwo okusima ebyobugagga eby’omuttaka n’okusima amafuta tubiraba ng’emirimu egy’obutonde

Emirundi egisinga, eby’obugagga eby’obutonde tutera okubitunuulira ng’ebisobola okuzzibwa obuggya oba ebitasobola. Mu kiti eky’ebyo ebisibola okuzzibwa obuggya, mulimu ng’ebibira n’ebyobugagga ebitalina bulamu ng’embuyaga, empewo, amazzi n’amaanyi g’enjuba.

Eby’obugagga ebitaddizibwa buggya, by’ebyo ebiba bitakyasobola kuddamu kufunika kasita ebyo ebibadde mu kitundu bimala okuggaawo. Ebyo kasita tumala okubikozesa, tuba tetukyasobola kuddamu kubifuna, biba biweddewo. Ebyobugagga eby’omu ttaka tebiddizibwa buggya. Amafuta agava mu bisigalira by’ebiramu nago tegasobola kuddizibwa buggya newankubadde nga gasobola okuddawo nga gava mu biramu bye bimu oluvannyuma lw’obukadde n’obukadde bw’emyaka. Okumanya ebisingawo ku mafuta agava mu bisigalira, genda ku kibanja kino

Mu kiseera kino, amafuta agava mu byasigalira gabalirirwamu ebitundu 90 ku kikumi eby’amaanyi gonna agakozesebwa mu nsi. Ebyobugagga ebyo bibalirirwa okubeera nga bitwala ebitundu 65% eby’amasannyalaze agakozesebwa wonna mu nsi ate era nga bikola ebitundu 95% eby’amaanyi gonna ageetaagibwa mu nsi yonna. Okugeza nga, amasannyalaze ageetaagisa okuleeta ebbugumu, entambula, okukola amasannyalaze n’ebirala.

Enkozesa yaffe ey’amasannyalaze agava mu byasigalira kumpi yeekubisaamu emirundi ebiri buli myaka 20. Ekibalo ekyo kyeraliikiriza kubanga ekigero ky’amafuta ago kikendedde nnyo kutwala wala era nga kyeraliikiriza.

Ebyobugagga ebyobutonde ebizzibwa obuggya ng’embuyaga n’amazzi, bibaddenga bikozesebwa emabega yonna okutuusa wano jjuuzi. Mu nsi ezikyakula, biomass y’ensibugo y’amasannyalaze abantu abasing obungi mu mawanga ago ge bakozesa

Eby’obugagga ebiddizibwa obuggya bya nkizo mu ngeri nti byo tebifulumya nnyo mukka mubi era bituyambako mu kukendeeza okwesigama ennyo ku mafuta.