Edith Nakalema
Colonel Edith Nakalema, muserikale wa magye mu Uganda, eyatikkirwa mu August 2018 mu kkoosi ya Higher Command and Staff Course mu Joint Services Command and Staff College, e Watchfield, Oxfordshire, United Kingdom, [1] gye yali ayingiziddwa mu 2017. [2]
Ensibuko n’obuyigirize
[kyusa | kolera mu edit source]Yazaalibwa ku kyalo Kashaari mu Disitulikiti y’e Mbarara mu Bugwanjuba bwa Uganda. Nnyina ye Midrace Sserwadda ete kitaawe ye mugenzi Eriyasafu Sserwadda eyali reverendi mu Kanisa ya Uganda.[3] Yeegatta ku ggye lya Uganda People's Defence Force (UPDF) mu 1999, [4] gye yakuzibwa n'atuuka ku ddaala lya Major, mu kiwayi ekikuuma omukulembeze wa Uganda ekya Special Forces Command ebiro ebyo ekyaali kiduumirwa Muhoozi Kainerugaba . [5] Nakalema alina Dipuloma mu by'obusuubuzi okuva ku Makerere University Business School . Alina ne diguli mu by'okugula n'enzirukanya y'emirimu, gye yafuna okuva mu yunivasite e Nkumba . [6]
Emirimu
[kyusa | kolera mu edit source]Nga tannatandika kukolera maka ga mukulembeze wa Uganda Nakalema yali akolera mu kitongole ky’ebyensimbi ekyamagye agakuuma omukulembeze wa Uganda (SFC). Era yali omu kubakungu ababaangawo enkola okutambuzibwa enkwata y'ebyensimbi n'okubala ebitabo mu SFC. [5] Mu 2014, yalondebwa okubeera omuwandiisi ow’ekyaama ow'omukulebeze wa Uganda (PPS) . [5] [7] Mu Gwekkuminoogumu 2016, yakuzibwa okufuuka ’omuyambi wa pulezidenti omukulu era nga yavunaanyizibwa ku ntekatateeka n'entambuza y'emirimu gya pulezidenti eya buli lunaku. Ku ky'obuwandiisi bwa Pulezidenti ow'ekyaama yasikirwa Molly Kamukama. [5] [8] Mu June 2017, Nakalema yasindikibwa mu kutendekebwa kw’amagye okw’abakulu mu Bungereza. [9] [10]
Ebirala
[kyusa | kolera mu edit source]Mu Gwekumminoogumu 2017, olupapula lw’amawulire olwa New Vision mu Kampala, Uganda lwategeeza nti Major Edith Nakalema yali muyizi mu ttendekero ekkulu erya Joint Services Command and Staff College (JSCSC), mu Bungereza. Mu kukuza olunaku lw’ensi yonna abayizi ku ttendekero ly’amagye, Nakalema yayolesa ennyambala ya Uganda, emmere n’amazina g’ebyobuwangwa bwa Uganda. Omwoleso guno gwetabwamu abakozi okuva ku kitebe kya Uganda mu kibuga London, era okwlolesa kwa Nakalema kwasanyusa nnyo Air Vice Marshal Chris Luck, akulira ssomero ly’amagye lino. [2]
Okujaguza amatikkira ge mu ttendekero lya Joint Services and Command Staff Shrivenham mu Bungereza, Major Nakalema yakyaza banne, abasomesa, abakozi abalala mu ttendekero lino ku kijjulo ekyetabwako abantu abasoba mu 100 okuva mu mawanga 15 ag’enjawulo. [1]
Okukuzibwa n’okuweereza
[kyusa | kolera mu edit source]Mu Gwekkumineebiri gwa 2018, Nakalema eyali ku ddaala lya Lieutenant Colonel yayanjulirwa bannayuganda nga akulira ekitongole ekirwanyisa obuli bwenguzi mu maka ga pulezidenti ki Anti-Corruption Unit (SH-ACU), ekisangibwa ku State House, mu Kampala . [11] [12] [13]
Mu Gwokuna 2021, omuduumizi w’amagye ga UPDF ow'okuntikko yakuza abaserikale b’amagye omugatte 1,393. Mu baakuzibwa mwalimu Edith Nakalema eyakuziddwa okuva ku Lieutenant Colonel n’afuulibwa Colonel omujjuvu. [14]
Mu Gwolubereberye 2022, Nakalema yalondebwa okubeera omu ku bayizi abaasooka okusomera mu ttendekero ly’ebyokwerinda erya National Defence College, Uganda . Yawumuzibwa ku mirimu gye mu kakiiko akalwanyisa obuli bwenguzi mu maka g'omukulembeze w'eggwanga aka SH-ACU nasikizibwa Brigadier Henry Isoke, eyali amyuuka omuduumizi w'ekitongole kyamagye ekikessi ekya Chieftaincy of Military Intelligence, ng'amumyuka Major General Abel Kandiho . [15]
Oluvannyuma lw'okusoma mu ttendekero lyamagye erya Uganda National Defence College, Pulezidenti yamulonda okukulira ekitongole ekipya ekikuuma n'okutaasa ba musigansimbi ekya State House Investor Protection Unit ekyatondebwawo mu Gwokutaano 2023. [16]
Amaka
[kyusa | kolera mu edit source]Colonel Edith Nakalema mufumbo era muzadde. [6]
Laba ne
[kyusa | kolera mu edit source]Ebijuliziddwa
[kyusa | kolera mu edit source]- 1 2 Vision Reporter (2 August 2018). "Major Edith Nakalema Graduates". Retrieved 5 August 2018.
- 1 2 Sekanjako, Henry (26 November 2017). "Uganda praised for rich culture at UK Defence Academy celebrations". Retrieved 26 November 2017.
- ↑ https://www.newvision.co.ug/category/news/col-nakalemas-father-to-be-laid-to-rest-tuesd-NV_204641
- ↑ Alfred Tumushabe (3 September 2014). "President commends born-again civil servants". Daily Monitor. Retrieved 12 December 2018.
- 1 2 3 4 Kiggundu, Edris (14 June 2017). "Why Nakalema left State House". Archived from the original on 28 November 2017. Retrieved 26 November 2017.Kiggundu, Edris (14 June 2017). . The Observer (Uganda). Kampala. Archived from on 28 November 2017. Retrieved 26 November 2017.
- 1 2 Nile Post Uganda (27 April 2021). "Through hard work, Col Edith Nakalema has scaled the army heights". Nile Post Uganda. Retrieved 27 April 2021.Nile Post Uganda (27 April 2021). "Through hard work, Col Edith Nakalema has scaled the army heights". Nile Post Uganda. Kampala. Retrieved 27 April 2021.
- ↑ Ivam Okuda, and Risdel Kasasira (4 August 2015). "State House Denies Major Nakalema Exit". Retrieved 26 November 2017.
- ↑ TUT (4 November 2016). "Major Nakalema Elevated as Museveni Shuffles Permanent Secretaries". The Uganda Today (TUT). Retrieved 26 November 2017.
- ↑ Dickens Okello (7 June 2017). "Major Nakalema Removed from State House, Sent to London". Chimpreports.com. Retrieved 26 November 2017.
- ↑ Ivan Okuda (7 June 2017). "Museveni sends Maj Nakalema to UK military academy". Archived from the original on 1 December 2017. Retrieved 26 November 2017.
- ↑ Moses Ndhaye (10 December 2018). "We shall start confiscating property of corrupt government officials, says Museveni". Retrieved 10 December 2018.
- ↑ Ampurire, Paul (10 December 2018). "Museveni Launches Anti-corruption Unit, Lieutenant Colonel Nakalema Appointed Head". Soft Power Uganda. Retrieved 12 December 2018.
- ↑ Nassaka, Flavia (17 December 2018). "Lieutenant Colonel Edith Nakalema". Retrieved 20 February 2019.
- ↑ Franklin Draku (27 April 2021). "Museveni promotes more 1,393 UPDF officers". Retrieved 27 April 2021.
- ↑ Muhamadi Matovu (26 January 2022). "Col Nakalema speaks out on her departure from State House Anti-Corruption Unit". Nile Post Uganda. Kampala, Uganda. Retrieved 26 January 2022.
- ↑ Crispus Mugisha (6 May 2023). "Col Nakalema appointed head of new anti-corruption unit inside State House". Nile Post Uganda. Retrieved 1 October 2023.