Emmanuel Amey Ojara, omusajja omulala

 

Emmanuel Amey Ojara (10 Ogwokubiri 1944 – 26 Ogwomusanvu 1987) yali musawo, omusawo alongoosa, era musawo wa kkansa mu buvanjuba bw'Afrika . Mu kiseera we yafiira, yali musomesa omukulu mu Yunivasite y’e Nairobi, essomero ly'Abasawo.

Ensibuko

Ojara yazaalibwa Simeon Oyoo ne Yudia Akidi Oyoo ku kyalo Layibi, mu Disitulikiti y’e Gulu, nga 6 kilometres (3.7 mi), ku luguudo, mu bukiikaddyo bwobugwanjuba bwe kibuga Gulu, ekibuga ekisinga obunene mu kitundu ky’obukiikakkono bwa Uganda .

Okusoma

Oluvannyuma lw’okusoma pulayimale mu kitundu, yayingira Gulu Junior School era mu 1960, n’akyusibwa n’agenda mu Samuel Baker Secondary School. Yamaliriza emisomo gye egya O-Level ne A-Level ku ssomero lino, n'atikkirwa mu 1965. Mu 1966, yayingira Makerere University School of Medicine, essomero ly'obusawo erisinga obukadde mu Uganda. Mu 1971, yatikkirwa diguli ya Bachelor of Medicine ne Bachelor of Surgery . Oluvannyuma lw’omwaka gumu ng’atendekebwa n’omwaka omulala ng’akola ng'omusawo, yakkirizibwa mu pulogulaamu ya Master of Medicine eya diguli eyookubiri, enkolagana wakati wa yunivasite y’e Makerere n’eddwaliro ly’eggwanga erya Mulago National Referral Hospital . Mu 1976, yaweebwa diguli ya Master of Medicine mu kulongoosa .

Emirimu

Omudaali gw’ekikomo ogwawandiikibwako ‘1978 - EA OJARA’ ogwaweebwa Dr. Emmanuel Amey Ojara ekibiina ekigatta abasawo abalongoosa mu buvanjuba bwa Afrika - ASEA, nga basiima enkulaakulana y’okunoonyereza kwe ku bikwata ku ddagala lya kookolo. (ASEA yatandikibwawo mu 1950 era n’ekoma mu 2007 bwe yeegatta mu College of Surgeons of East, Central and Southern Africas - COSECSA ).

Oluvannyuma lwa diguli ye esooka, yakola nga omutendeke mu ddwaaliro e Mulago okuva mu 1971 okutuuka mu 1972. Oluvannyuma yakola nga omusawo mu minisitule y’ebyobulamu mu Uganda, ng'akolera mu ddwaaliro e Butabika mu Kampala, okuva mu 1972 okutuuka mu 1973. Mu 1973, bwe yayingira pulogulaamu ya Master of Medicine in Surgery, Yunivasite y’e Makerere yamulonda ng''omusomesa omuyambi, . ekifo kye yalimu okutuusa lwe yatikkirwa mu 1976, lwe yakuzibwa n’afuuka omusomesa.

Mu 1977, ku ntikko y'obukambwe bwa Idi Amin, Ojara ne famire ye baddukira mu muliraano e Kenya. Yalondebwa okuba omusomesa mu yunivasite y’e Nairobi School of Medicine n’akulira ebyenjigiriza mu ddwaaliro lya Kenyatta National Hospital, eddwaaliro erisomesa ery'essomero ly’obusawo. Mu kiseera we yafiira, yali akuziddwa n’afuulibwa omusomesa omukulu mu ssomero ly’obusawo era yali atandise okunoonyereza ku ngeri y’okuwonya kookolo. Okunoonyereza kwe kwali kwesigamye ku kookolo w'ekyenda .

Ebirala by’olina okutunulira

Mu 1968, bwe yali mu mwaka gwe ogwokusatu mu ssomero ly’obusawo, yawasa Agnes Waithera eyali omuyizi wa Bachelor of Education e Makerere. Bombi, baali bazadde b’abaana basatu ab’obulenzi n’omuwala omu (Patrick Otim, John Ojara, Michael Oyoo ne Stellah Adoch). Yali mmemba w'ekibiina ky'ebyobufuzi ekya Uganda People's Congress era nga ye ssentebe w'ekibiina kya UPC Kenya Chapter. Ojara yafiira mu ddwaaliro lya Nairobi Hospital, eddwaliro ely'obwannanyini mu Nairobi, oluvannyuma lw'ebitundu by'omubiri ebiwerako okulemererwa ekyavaamu oku kusiba omutima . Yalina emyaka 43 egy’obukulu.

Laba ne

• Ettendekero lya Makerere University College of Health Sciences
• Olukalala lw'amasomero g'obusawo mu Uganda
• Olukalala lw'amalwaliro mu Uganda