Eric Berry Edney, omuwandiisi w’ebitabo

Eric Berry Edney (1913–2000) yali mukugu mu by’ensolo enzaalwa y’e Bungereza.

Edney yazaalibwa mu Bognor Regis, nasengukira mu Rhodesia n’ab’omu ffamire ye . Yasomera mu ssomero ly'ekisulo eryettendekero e Bulawayo . Edney yafuna diguli esooka mu ssaayansi okuva mu Rhodes University College mu mwaka gwa 1933. Yaddayo e Bungereza okusoma diguli n’aweebwa Dipuloma mu Imperial College ne Ph.D. mu [./University_of_Londhttps://en.wikipedia.org/wiki/University_of_Londonon Yunivasite y’e London] mu mwaka gwa 1936. Edney yakolera mu kitebe ky'ebyafaayo eky'eggwanga mu buvanjuba bwa Rhodesia okutuusa mu mwaka gwa 1940, lwe yakkiriza ekifo ky’omusomesa w’ebiramu(biology) mu Makerere College . Mu Ssematalo II, Edney yaweereza mu ggye lya Uganda Defence Force. Okuva mu mwaka gwa 1946 okutuuka mu gwa 1955, mu kiseera kye kimu yaweereza ng’omusomesa mu by’ebisolo n’omusomi mu by’ebiwuka mu Yunivasite y’e Birmingham, era n’afuna D.Sc. okuva mu kitongole kye kimu. Wakati w'omwaka gwa 1955 n'ogwa 1965, Edney yasomesa mu [./University_College_of_Rhodesia_https://en.wikipedia.org/wiki/University_College_of_Rhodesia_and_Nyasalandand_Nyasaland University College of Rhodesia and Nyasaland,] ng’omukulembeze eyatandikawo ekitongole ky’eby’ebisolo. Oluvannyuma yagenda mu Amerika, n’asomesa mu Yunivasite y’e California, Riverside okutuusa mu mwaka gwa 1972, ne mu Yunivasite y’e California, Los Angeles okutuusa mu mwaka gwa 1979. Bwe yawummula, Edney yagenda e Vancouver, era n’akwata ekifo eky’ekitiibwa mu Yunivasite y’e British Columbia . Okuzuulibwa nti alina obulwadde bw’okuvunda kw'ebinywa kyakomekkereza omulimu gwe ogw’okunoonyereza. Mu bbanga ly’omulimu , yaweebwa ekirabo kya Guggenheim Fellowship mu mwaka gwa 1968, era n’alondebwa munne okubeera mu Royal Entomological Society, Institute of Biology, ne American Association for the Advancement of Science . Edney yafiira mu Vancouver nga 28 May 2000, nga wa myaka 86.