Esther Nabaasa
Esther (oba Estar ) Nabaasa Mugizi, amanyiddwa ennyo nga Esther Nabaasa, Munnayuganda omuwandiisi w'e nnyimba era record producer. Yali muwanguzi wa sizoni eyookubiri mu mpaka z'okuyimba eza East Africa eza Tusker Project Fame (TPF) mu mwaka gwa 2008.[1][2]
Omulimu
[kyusa | kolera mu edit source]Ku myaka 21, Esther Nabaasa yagenda mu mpaka z’okuyimba ez’obuvanjuba bwa Afrika eza Tusker Project Fame mu Kampala n’awangula n’oluvannyuma n’akiikirira Uganda mu ttendekero lya Tusker Project Fame Academy e Nairobi Kenya. Ye Munnayuganda eyasooka okuwangula ku siteegi ya Tusker Project Fame n’empaka zonna ez’okuyimba ebweru wa Uganda. Yaweebwa ddiiru y’okukwata ennyimba ne kkampuni ya Galo esangibwa mu South Afrika n’ekirabo kya bukadde bwa sillingi za Kenya butaano. Yafulumya olutambi lwe olwasooka olw’ennyimba 11 lwe yatuuma Rock in the Country Soul mu mwaka gwa 2009. Olutambi luno lwakwatibwa mu Master Mixx Studio, kkampuni ya Galo Records e Johannesburg South Africa wansi wa ddiiru ya Tusker Project Fame gye yali awangudde mu 2007. Yafulumya olutambi lwe olw'okubiri mu mwaka gwa 2013. Oluvannyuma yatandika okuwandiika n’okufulumya ennyimba z’abayimbi abalala. [3][4]
Ye ng’ali wamu ne Barbara Kayaga, Hum Kay, Ruyonga ne Richard Kaweesa baawandiika era n’ebayimba oluyimba lwa Yoga Yoga olw’okujaguza obwetwaze bwa Uganda obwa jubilee mu 2012.[5] Nile Breweries era yalonda Esther ne Kaweesa okuwandiika oluyimba olulala Sip from the Nile omwaka gwe gumu, era olw’okujaguza jubilee.
Mu birala bye y'awandiika mwemuli olutambi lwa Bebe Cool olwa 2014 Go Mama, " I'm Still Here " n'ennyimba endala mu lutambi lwa Juliana olwa Bits and Pieces. Mu 2018, yawandiika era nafulumya emiziki mu firimu ya Natasha Karugire ey’ebyafaayo by’olutalo lwa 27 Guns.
Nabaasa era yalabikira mu mpaka ez'okuyimba mu ngeri eza Coca-Cola Rated Next season three ng'omulamuzi.[6]
Ezimu ku Nyimba za Nabaasa ezakwata bannayuganda omubabiro
[kyusa | kolera mu edit source]- Reaching Out[7]
- Yoga Yoga
- Watwala Omutima Gwange
- Sip okuva ku mugga Nile
Entambi z'enyimba (Alubaamu) za situdiyo
[kyusa | kolera mu edit source]- Rock mu Mwoyo gw'Eggwanga 2009
- Tewali mutwe 2013
Ebiwandiiko ebikozesebwa
[kyusa | kolera mu edit source]- ↑ Katende, Jude. "Who is Esther?". New Vision. Retrieved 17 September 2020.
- ↑ https://en.wikipedia.org/wiki/Esther_Nabaasa#cite_note-6
- ↑ https://en.wikipedia.org/wiki/Esther_Nabaasa#cite_note-3
- ↑ https://en.wikipedia.org/wiki/Esther_Nabaasa#cite_note-4
- ↑ https://en.wikipedia.org/wiki/Esther_Nabaasa#cite_note-5
- ↑ "Coca-Cola Rated Next: Who are the finalists?". New Vision. Retrieved 17 September 2020.
- ↑ https://en.wikipedia.org/wiki/Esther_Nabaasa#cite_note-6