Fatim Badjie

Fatim Badjie, omusuubuzi

omuntu

Ekikula	mukyala
Ensi y’obutuuze	Gambia
Erinnya eriweereddwa	Fatim
Erinnya lya famire	Badjie
Yazaalibwa nga	13 Gwakkuminogumu(Museenene) 1983
Gy'azaalwa	Banjul
Omulimu	munnabyabufuzi
Ekifo ky'alimu	Minisita
Gyeyasomera	Tennessee State University

 

 From Wikidata

 

Fatim Badjie (yazaalibwa nga 13,Ogwekkuminogumu 1983) musuubuzi Omugambia, omukugu mu by'empuliziganya, era omukwanaganya w'enkulaakulana y'ebizimbe abadde mu bifo eby'enjawulo mu bitongole by'obwannannyini mu ggwanga.

Ebyafaayo n'obuyigirize bwe

Fatim Badjie yazaalibwa nga mu 1982 mu Banjul era muwala wa Dembo M. Badjie, eyaweereza ng'omubaka wa Gambia mu Sierra Leone, Buyindi ne China . Ono wa kika kya ba Jola . Yasoma Siniya ku Gambia Senior Secondary School. Oluvannyuma y'eyongera okusomera e Bubirigi . Emisomo egy'awaggulu yagisomera ku Yunivasite ya Tennessee State mu Amerika, gye yafunira diguli ya Bachelor of Arts (BA) mu by’empuliziganya. Era oluvannyuma yakola diguli eyookubiri okuva mu Yunivasite y’e Manchester mu ICT olw’enkulaakulana.

Obukugu bwe

Yali akolera mu kkampuni ya GSM eya Comium Gambia nga y'akulira eby'empuliziganya. Mu Gwokusatu, 2008 yalondebwa okuba Minisita w’ebyempuliziganya, amawulire ne Tekinologiya, ng'adda mu bigere bya Neneh Macdouall-Gaye . Mu kiseera ekyo, ye yali omuntu asinga obuto okulondebwa mu kabineti ya Gambia. Yagobwa mu kifo kino mu Gwokubiri 2009. Oluvannyuma yalondebwa okuba Minisita w’ebyobulamu n’embeera z'abantu, ekifo kye yalimu okuva mu Gwokubiri 2011 okutuuka mu Gwekkuminogumu 2012. Abadde mmemba w’ekibiina ky’abakyala ekya Sigma Gamma Rho okuva mu 2003.

Ace Communications Executive (ACE)

Badjie ye mutandisi era akulira Ace Communications Executive (ACE) , kkampuni ekola ku by’empuliziganya, okutendeka, n’okwebuuza kunkolagana n'abantu gye yatandikawo mu Gwokusatu 2009. Ng'annyumwa olugendo lwe olw'okukola bizinensi, Badjie yategeeza nti yayimirizaawo ACE ng'akozesa omusala gwe saako ne ssente zeyatereka mu 2009 .

Oluvannyuma lw’okukulakulana kw’ekitongole kya Ace Communications Executive (ACE), Badjie yagaziya emirimu nga yeenyingira mu kukulaakulanya ebizimbe n'ettaka n’okusiga ensimbi oluvannyuma lw’okutandikawo enkolagana ye ne Swami India International okukulaakulanya ekifo ekyasooka mu The Gambia ekisinga obunene eky’okukozesa ebintu ebitabuddwa, The Diplomat

Khidra Developments - nga kikoleddwa ACE Communications Executive

Badjie yagaziya emirimu gye mu kukulaakulanya ebizimbe n’okukwasaganya ssente ng’ayita mu kutandikawo kkampuni ya Khidra Developments, wansi wa kkampuni ya ACE. Khidra Developments yatondebwawo okuziba ebituli mu nteekateeka y'ettaka eyali eyitimuse mu Gambia nga ekwataganya abazimba pulojekiti ez’omutindo n’okuyunga bamusigansimbi ku mikisa egy’omuwendo, obuweereza, n’ebizimbe ebiriraanyewo.

Ng'ayita mu Khidra Developments, Badjie akyagenda mu maaso n’okussa essira ku kunyweza enkola z’okuddukanya ebizimbe, enkolagana ne bamusigansimbi, n’okutuusa pulojekiti ez'olubeerera mu katale k’ebyaayumba n'ettaka akagenda kagaziwa mu ggwanga .