Florence Nkalubo

 

Florence Nkalubo amanyiddwa nga owek. Florence Bagunya Nkalubo munnayuganda, musomesa, munnabyabufuzi era omuwolereza w’ebyemizannyo . Amanyiddwa nnyo mu Yuganda olw’okufuba okulembera abakyala n'abavubuka mu by'emizannyo.

Obulamu bw’omuntu ku bubwe

Maama w’abaana basatu. Arthur Bagunywa Nkalubo Kateregga yali taata wa Florence era yaliko minisita w'Obwakabaka bwa Buganda . Taata ono yafira mu ddwaliro lya platinum ku myaka 91 okusinziira ku bafamire ye.

Ebyafaayo by’emirimu

Yawereza mu Bwakabaka bwa Buganda emyaka 10 nga Minisita w’abavubuka n’emirimu. Era ye nnantameggwa w’omupiira gw'abakazi ogw'ebigere mu Yuganda ekisikiriza abawala bangi okutwala emizannyo ng’omulimu. Yawereza ng'omumyuka w'omukulembeze wa Federation of Uganda Football Associations (FUFA) era yakiikirira abakyala okumala ekiseera ng’omu ku babaka ababiri bakyala. Yegatta ku FUFA ng’omuwanika. Ng’omubaka wa FUFA, yaleeta pulogulaamu nnyingi ezawagirwa FIFA ng’omupiira gw’amasomero nga Kampala District Girls’ Primary School football era amasomero 60 gegatandikawo omupiira gw'abawala ogw'ebigere negugaziwa oluvanyuma. Yetaba mu muby'emizanyo ng’okubuuka waggulu, ttena y’oku mmeeza, ttena y’omuddo, ne hockery ng'akyali muwala muto. Ng'ali mu Nkozi Teachers’ College, yabanguka mu discus, short put n’okudduka emisinde emiwanvu. Yawangula ebikopo bingi. Mu 1997 e Lubaga North, Nkalubo yavuganya nga kansala omukyala nga LC zaakajja n’awangula era ekiseera kye yamala mubuweereza yatandikawo empaka za Nkalubo End of Year Cup. Era yaweereza ng'omukulembeze wa UWFA. Yali ayagala okuvuganya ng'omubaka wa Palamenti e Lubaga North ng'ayita mu kibiina kya Democratic Party. Yali muwandiisi mu by'enjigiriza mu kibuga kya Lubaga North. Yawerezako nga Kampala International University Council.

Laba ne

• Federation of Uganda Football Associations
• Cotilda Nakate Kikomeko
• Omugagga Nankindu Kavuma
• Ekibiina ekigatta omupiira mu nsi yonna