Fred Mwesigye
Colonel (eyawummula) Fred Mwesigye Munnayuganda, Ambasada, omuserikale w’amagye eyawummula era munnabyabufuzi. Akola nga Ambasada wa Uganda mu Tanzania, okutandika mu Gwekkuminebiri 2021, nga yadda mu bigere bya Richard Kabonero . [1]
Emabegako yaliko omubaka omulonde mu Paalamenti akiikirira Essaza ly’e Nyabushozi mu Paalamenti ya Uganda ey’ekkumi (2016 - 2021), ku tikiti y’ekibiina ky’ebyobufuzi ekya National Resistance Movement . [2]
Ekyo nga tekinnatuuka, yali muserikale aweereza mu ggye lya Uganda Peoples Defence Forces (UPDF) ne mu ggye ery'asookawo erya National Resistance Army (NRA) . Yali mmemba ku balwanyi 41 abaasooka nga balina emmundu 27 abaatandikawo ekibondo ky'abayeekera ba NRA mu Gwokubiri 1981 ne bakola olutalo lwa Uganda olw'omusiko (1981 - 1986). [3]
Obuto bwe n'emisomo gye
[kyusa | kolera mu edit source]Yazaalibwa mu Ssaza lye Nyabushozi mu Disitulikiti y’e Kiruhura nga 9 Ogwomwenda 1956. Yasomera ku Kazo Primary School nga tannakyusibwa kutwalibwa ku Makobore High School, mu Disitulikiti y’e Rukungiri okusoma siniya. Alina diguli mu kuddukanya bizinensi eya Bachelor of Business Administration ne diguli ey'okubiri mu kukuuma emirembe n'obutabanguko eye Master of Peace and Conflict Studies, nga zombi zamuweebwa Ssettendekero wa Makerere, yunivasite ya gavumenti esinga obukadde mu n'obunene mu Uganda.[4]
Emirimu gye
[kyusa | kolera mu edit source]Yali mmemba ku balwanyi 41 abaali n’emmundu 27 abaatandikawo NRA mu Gwokubiri 1981. Yalinnya mangu mu ddaala era n’alondebwa okuba Omuduumizi w’ekibinja ky’abalwanyi ekya NRA ekyayitibwa Nkrumah, nga kiteeberezebwa okuba n'abalwanyi abali wakati wa 40 ne 50. Yali omu ku baduumizi ba NRA 20 ab’oku ntikko mu kiseera NRA we yawambira Kampala mu 1986. Emyaka egyiyise, aweerezza mu maggye mu biti eby’enjawulo, omuli nga Maneja omukulu owa Luweero Industries, kkampuni ekolera wansi wa National Enterprise Corporation (NEC) n’okubeera Managing director wa NEC, ekitongole kya UPDF eky’ebyobusuubuzi. [3]
Mu 2010, yawummula eggye lya UPDF ku ddaala lya colonel. Yeegatta ku byobufuzi bya Uganda era n'alondebwa okubeera omubaka mu Paalamenti (MP) ow'Essaza ly'e Nyabushozi mu Disitulikiti y'e Kiruhura, ku tikiti y'ekibiina ky'ebyobufuzi ekya NRM. Yaweereza mu kifo ekyo okutuusa mu 2021. [3]
Emirimu gy'obwa Ambasada
[kyusa | kolera mu edit source]Mu Gwokubiri 2022, yasunsulwa ab'akakiiko ka Paalamenti akakwatibwako era n’akkirizibwa okubeera Ambasada wa Uganda mu Tanzania, [5] ng’akkirizibwa mu kiseera kye kimu okukolera mu mawanga nga Mozambique, Comoros, Madagascar, Mauritius, Zambia ne Malawi . [6]
Ebirala ebikulu
[kyusa | kolera mu edit source]Yali omu ku bammemba ba Paalamenti abazzaayo obukadde 20 abwa silingi za Uganda obwali obwa Covid-19 ku akawunti y'akakiiko ka Paalamenti mu Bank of Uganda . [7] Lumu yagamba nti pulezidenti Yoweri Museveni bw’anaava ku bwa pulezidenti, ekkomo ku bisanja lijja kuzzibwawo. [8]
Ebijuliziddwa
[kyusa | kolera mu edit source]- ↑ https://nilepost.co.ug/2021/12/12/president-museveni-shuffles-ambassadors-replaces-career-diplomats-usas-mull-katende-tanzanias-kabonero/
- ↑ https://www.independent.co.ug/parliament-vets-newly-appointed-ambassadors/
- 1 2 3 https://www.independent.co.ug/the-forgotten-original-nra-27/
- ↑ http://dspace.mak.ac.ug/bitstream/handle/10570/1331/mwesigye-fred-arts-masters.pdf?sequence=1&isAllowed=y
- ↑ https://chimpreports.com/col-fred-mwesigye-speaks-out-on-ambassadorial-appointment/
- ↑ https://nilepost.co.ug/2023/11/22/col-mwesigye-presents-credentials-to-malawi-president-chakwera/
- ↑ https://chimpreports.com/nyabushozi-mp-col-fred-mwesigye-returns-covid-19-money-says-parliament-smuggled-in-10bn/
- ↑ "Archive copy". Archived from the original on 2022-12-24. Retrieved 2025-09-21.
{{cite web}}: CS1 maint: archived copy as title (link)