George Mukasa

 

George Mukasa era amanyiddwa nga George Wagaba Mukasa (yazaalibwa mu 1949) mutendesi wa mupiira mu bibiina bya Uganda eyawummula era nga naye muzannyi wa mupiira mu bibiina eyawummula . Yatendeka Uganda Cranes wakati wa 1984 -1985. era ne Sc Villa okuva mu 1982 okutuuka mu 1985. Yali mukwasi wa ggoolo mu kiraabu z'omupiira ez'ebibiina omwali: KCCA FC, SC Villa, Express FC, Coffee United SC . Yawummula omupiira gw'ebibiina mu 1978.

Obuvo bwe

George Wagaba Mukasa yazaalibwa mu 1949 e Mengo Kisenyi mu disitulikiti y’e Kampala.

Omulimu gwe

Omulimu gwe ogw'omupiira

Mukasa yeegatta ku KCCA FC okuva mu Express FC mu 1971 ng'omukwasi wa ggoolo . Yakuuma clean sheets ttaano mu kampeyini eno era yazannya emipiira 16. Mukasa yawummula omupiira mu 1978 n’adda mu butendesi, ng’akola mu kiraabu nga SC Villa, Express FC, Coffee United SC ne Nsambya FC n’endala.

Omulimu gwe ogw’obutendesi

Mu SC Villa eya Uganda

Mukasa yawangula ekikopo kya liigi emu ne SC Villa mu 1982, Era yawangula ekikopo kya Uganda Cup emirundi ebiri mu 1983 ng'ali ne SC Villa ate mu 1985 ne Express FC.

Nga 13th Ogwomunaana 1983, SC Villa yazannya ne Millers FC mu liigi y’omupiira mu kisaawe e Nakivubo, mu mupiira ogwo George Mukasa mwe yalagirwa okuva mu kisaawe olw’okweyisa obubi oluvannyuma lw’omu ku bazannyi be (Rogers Nsubuga) okufuna obuvune obutonotono ng’ebula akaseera katono ekitundu ekisooka okuggwa. Oluvannyuma lwa ddiifiri Dick Nsubuga okumusaba okwefuga enfunda eziwera, nga tawulira, kino kyawaliriza Dick Nsubuga okusaba George Mukasa ave ku touchline nga ekitundu ekyokubiri tekinnatandika. Omupiira guno okukkakkana nga guwedde ggoolo 1-1.

Ebikolwa bya George Mukasa byanyiiza abakungu ba SC Villa okuli ne Pulezidenti wa kiraabu mu kiseera ekyo (Patrick Kawooya),kino kyamuviirako okuyimirizibwa okumala omwezi gumu era nga tadda, FUFA nayo yamuwa ekibonerezo ky'akumuyimiriza okumala omwaka gumu olw’ensonga yeemu okusinziira ku kyeyakola aba Millers. oluvannyuma envumbo yaggyibwawo nga George Mukasa akkirizibwa okuddamu okukola emirimu gye.

Nga 14 Ogwomwenda, 1984,yaddayo mu Villa Park kyokka nga kiraabu eno yali yagwa dda okuva mu kitiibwa kyayo era nga KCCA FC yalangirirwa ng’ewangudde liigi.

Uganda Cranes

George Mukasa yatendeka The Cranes mu 1984, n’alung’amya ttiimu eno okutuuka ku luzannya oluddirira olw'akamalirizo olwa Cecafa Cup, era yazannyira ttiimu y’eggwanga okuva mu 1971 okutuuka mu 1976. Mukasa yatendeka Uganda Cranes wakati wa 1984 -1985.

George Mukasa yaleeta akakodyo k'aKawowo ku ttiimu y’eggwanga wakati wa 1984 ne 1985. Wadde kino kyali kisanyusa, tekyavaamu birungi kuba Uganda Cranes yakubwa Malawi mu mipiira gya CECAF ku luzannya oluddirira olw'akamalirizo eyali mu kisaawe kya Cranes,kino kyamuviirako okugobwa mu 1985.

Soma ne

• Tom Ikara, omuwandiisi w’ebitabo
• Denis Onyango
• Ismail Watenga