Grace Mary Mugasa

Grace Mary Mugasa era amanyikiddwa nga Mugisa; yazaalibwa 28 Ogwekkuminebiri 1968. Munnayuganda, munnabyabufuzi era mu kiseera kino akola nga Minisita omubeezi ow''abakozi ba gavumenti. Yalondebwa Pulezidenti Yoweri Kaguta Museveni, nga 8 Ogwomukaaga 2021 era nga yatuula mu ofiisi nga 21 Ogwomukaaga 2021. Grace Mary ofiisi yagigya ku David Karubanga eyali Minisita omubeezi era omubaka wa Paalamenti akiikirira Kigorobya . Nga tannalondebwa, ye yali Meeya omukyala eyasooka owa Munisipaale y'e Hoima. era yakola nnyo okulaba nga efuuka ekibuga mu Gwomusanvu 2020.

Obuto bwe n'emisomo gye

Grace Mary Mugasa yazaalibwa ku kyalo Munteme, mu Disitulikiti y’e Hoima, mu Buggwanjuba bwa Uganda mu Ogwekumminebiri, 1968 eri bazadde ba Pascal ne Regina Rukanyanga. Alina Dipulooma bbiri mu misingi gy'okuddukanya emirimu egy'omulembe, n'obwa kitunzi okuva mu College of Professional Management, United Kingdom . wamu ne Diguli ey'okubiri eza Bachelors of Arts Degree in Democracy and Development Studies ne Master of Arts in Development Studies okuva ku Uganda Martyrs University, Nkozi. Mukyala Mugasa era alina satifikeeti ya Certificate in Capacity Building for Local Political Leaders okuva mu ICLD, ekitongole kya Sweden ekikola ku nkulaakulana y'ensi yonna ne satifikeeti y'okussa ekitiibwa mu kikula ky'abantu mu gavumenti z'ebitundu okuva mu Yisirayiri - MASHAV Golda Meir Center Mt Carmel.

Emirimu gye

Mugasa emirimu yagitandika ng’omusomesa mu Ggombolola ye Kizirafumbi oluvannyuma lw’okumala siniya eyokuna mu 1986. Bwe yamaliriza dipulooma ze ebbiri mu misingi gy'okuddukanya emirimu egy'omulembe, n'obwa kitunzi, yatandika okutendeka abantu okutandikawo bizinensi entonotonofuuka era naye kennyini yalina bizinensi entonotono. Mu 2001, yeegatta ku by'obufuzi bwe yavuganya era n’alondebwa ku kifo kya kansala omukyala akiikirira waadi ya Hoima ey'Obikiikakkono mu Disitulikiti y'e Hoima. Ekifo kino yakibeeramu okumala emyaka 10 oluvannyuma lw’okuddamu okulondebwa mu 2006. Mu Gw'omusanvu 2010, Hoima Town Council yakyusibwa n’efuulibwa munisipaali, era n’alondebwa ku bwa meeya eyasooka owa munisipaali ye Hoima mu Gwokusatu 2011 n’oluvannyuma n’addamu okulondebwa mu 2016.

Mu kulonda kwa bonna okwa 2021, Meeya eyali mu ntebe mu kiseera ekyo, Grace Mary yavuganya nga talina kibiina oluvannyuma lw’okulonda okwalimu okusika omuguwa n’effujjo ery'akolebwa ku bawagizi be okuva mu nkambi y'omu kw'abo bwe baali bavuganya. ​ Yesimbawo n'abalala basatu nga Kaboyo, eyali yesimbyewo ku kaadi y'ekibiina kya National Resistance Movement ye yawangula ekifo kino n'obululu 12,451 nga yaddirirwa Mugasa n'obululu 12,298. Abalala ab'esimbawo mwalimu Dan Kaija owa Uganda People's Congress (UPC) nga yafuna obululu 315, Rashid Tumusiime owa National Unity Platform n'obululu 303 ne Wyclif Tumusiime, Forum for Democratic Change (FDC) n'obululu 215.

Grace era y’omu ku baatandikawo ekibiina kya Global Parliament of Mayors (GPM) mu 2016 era ye yali omumyuka wa ssentebe owookubiri ow’akakiiko akafuzi aka GPM okutuusa lwe yalondebwa nga Minisita mu Gwomukaaka, 2021. Era abaddeko nga mmemba w’olukiiko olufuzi ku nkiiko ez’enjawulo: HOFOKAM Ltd (Ekitongole ekiwola sente); Olukiiko lw’ebyempuliziganya mu bulabirizi bw’Abakatuliki e Hoima; Essomero ly’ebyobusuubuzi erya Millennium; Ettendekero lya St. Andrea Kaahwa; Essomero lya Kitara Secondary School.

Ebimukwatako eby'omunda

Grace Mary mufumbo eri Aloysius Mugasa Adyeeri, omukugu mu by’okuddukanya emirimu era omuwandiisi, mu kiseera kino Ssentebe w’olukiiko olufuzi olwa Uganda National Lotteries and Gaming Board - ekifo kye yalina ng’awummudde nga maneja omukulu owa Uganda Kolping Society. Maama era alina abaana abakulu n’abazzukulu saako okulabilira abaana abataliiko mwasirizi abawerako. Grace byasinga okwagala mulimu omwenkanonkano mu kikula n’obutonde obuyonjo.

Ekitiibwa

Mu bisanja bye ebibiri nga meeya, Mary Grace Mugasa yafuna okusiimibwa olw'enkola ye eya "no-nonsense" eri okuzimba ebibuga ebitegekeddwa. Yafuna erinnya ly'ekika kya Hoima "Iron Lady" mu batuuze b'ekibuga era amanyiddwa olw'obutagumiikiriza kavuyo ne kasasiro okwetoloola ekibuga ate ng'awagira enkola entuufu ey'okuzimba etegekeddwa obulungi.

Mu Gwokusatu 2022, kumpi omwaka mulamba ng'ali mu ntebe, enguudo ezaali zivunaanyizibwa ku Grace Mary ng'ayita mu kusaba eri pulezidenti zaali zikolebwa mu kibuga Hoima. Mu bino mwalimu enguudo ezigenda n’okwetooloola ebifo ebikulu eby’okusinzizaamu - Lutikko ya Our Lady of Lourdes, Bujumbura, Lutikko ya St. Peter’s, Duhaga n’omuzikiti gwa Bwikya, Kinubi.

Laba ne bino

• Olukalala lwa Minisitule za Gavumenti ya Uganda
• Kabineeti ya Uganda