Henry Bagiire

Bagiire Aggrey Henry

Munnayuganda munnabyabufuzi

Omuntu

Ekikula	musajja
Ensi y’o­bu­tuu­ze	Uganda
Erinnya eri­wee­redd­wa	Henry, Aggrey
Yazaa­lib­wa nga	27 Gusooka 1968
Gy'a­zaal­wa	Uganda, Mayuge
Ennimi z'amanyi	Lungereza
Omulimu	munnabyabufuzi, legislator
Ekifo ky'alimu	Omubaka wa Palamenti ya Uganda
Gyeya­so­me­ra	Ssettendekero wa Makerere, Ssettendekero wa Kyambogo
Ebbanga ly'a­ko­led­de (oku­tan­di­ka)	1992
Mmemba w’e­ki­bii­na ky’e­byo­bu­fu­zi	Ekibiina kya National Resistance Movement
Okwe­siim­ba­wo kwe mu kalulu	Akalulu ka Uganda aka 2026
Mmemba wa	12th Parliament of Uganda

Henry Aggrey Bagiire (yazaalibwa nga 27 Ogwolubereberye 1968) ebiseera ebimu ayitiibwa Aggrey Henry Bagiire, munnabyabufuzi, musomesa era Munnayuganda. Yakolako nga Minisita omubeezi ow’Eby'obulimi mu Kabineti ya Uganda okuva nga 16 Ogwokubiri 2009 okutuuka nga 27 Ogwokutaano 2011. Era yaweereza nga Omubaka wa Paalamenti ya Uganda (MP) omulonde ow'Essaza ly'e Bunya mu Bugwanjuba, mu Disitulikiti y'e Mayuge , okuva mu 2006 okutuuka mu 2009. Akola nga Minisita omubeezi ow'Ebyentambula mu Kabineti ya Uganda. Yalondebwa ku kifo ekyo nga 6 Ogwomukaaga 2016. Era yaweerezako ng'omubaka wa paalamenti ya Uganda omulonde akyikirira Essaza ly'e Bunya mu Bugwanjuba, mu Disitulikiti y'e Mayuge, mu Paalamenti ya Uganda eyeekkumi (okuva 2016 okutuka 2021).

Obuto bwe n'okusoma kwe

Henry Bagiire yazaalibwa mu biseera bino eyitibwa Disitulikiti y’e Mayuge nga 27 Ogwolubereberye 1968. Alina Dipuloma mu By’enjigiriza, okuva mutendekero erisomesa abasomesa, nga kitundu ku Yunivasite y'e Kyambogo, gye yafuna mu 1992. Ddiguli y'esooka mu By’obulimi gy'eyafuna mu 1999 okuva ku Yunivasite y'e Makerere. Alina ne Satifikeeti mu kudukanya emirimu gya Gavementi egiyamba abantu n'okugidukanya, gye yafuna mu 2003, okuva ku Yunivasite y'e Makerere.

Emirimu gye

Bagiire yasomesa eby'obulimi kusomero lya Bukoyo Secondary School okuva mu 1992 okutuuka mu 2000, gye yasituka n'afuuka omukulembeze w'ekitongole ky’eby'obulimi. Wakati wa 2000 ne 2001, yakola ng’Omukulembeze w’ekibiina ekinoonyereza mu kitongole kya International Food Policy Research Institute. Wakati wa 1999 ne 2002, yaweereza ng’akulira eby'obulimi mu Disitulikiti y’e Iganga . Okuva mu 2002 okutuuka mu 2006, yawerezaako nga ssentebe w’akakiiko k’obuweereza mu disitulikiti y’e Mayuge . Mu 2006, yayingira eby'obufuzi n’avuganya ku kifo kya paalamenti mu Ssaza ly'e Bunya mu Bugwanjuba, mu Disitulikiti y’e Mayuge, ku tikiti y’ekibiina kya National Resistance Movement. Yalondeddwa. Nga 16 Ogwokubiri 2009, yafuka Minisita w’eggwanga Omubeezi Ow’eby'obulimi. Mu kulonda kw’eggwanga okwa 2011 yawangulwa Vincent Bagiire, okusooka mu kalulu ka NRM ak'okusunsula abanakiikirira ekibiina, ate ne mu kulonda kwa bonna, Henry Bagiire yavuganya ku bwannamunigina.

Mukukola enkyukakyuka mu kabineti eyakolebwa nga 27 Ogwokutaano 2011, yasulibwa okuva mu kabineti n’asikizibwa Zerubabel Nyiira.

Obulamu bwe

Henry Bagiire mufumbo. Ono wa kibiina kya byabufuzi ekiri mbuyinza ekya National Resistance Movement . Ebintu by'asinga okwagala mulimu okusomesa n'okukuuma ebibira .

Laba ne

• Paalamenti ya Uganda
• Kabineti ya Uganda
• Disitulikiti y'e Mayuge
• Ekibiina ky'eby'obufuzi ekiri mbuyinza akya National Resistance Movement
• Zerubabel Nyiira

Ebijuliziddwa wabweru wa wikipedia

• Omukutu gwa Paalamenti ya Uganda
• Olukalala lwa baminisita mu bujjuvu, Ogwamukaaga 2006 
• Olukalala lwa baminisita mu bujjuvu, Ogwokubiri 2009 
• Olukalala lwa baminisita mu bujjuvu, Ogwokutaano 2011