Henry Musasizi

Musasizi Henry Ariganyira

Munnayuganda munnabyabufuzi

Omuntu

Ekikula	musajja
Ensi y’o­bu­tuu­ze	Uganda
Erinnya eri­wee­redd­wa	Henry
Yazaa­lib­wa nga	25 Gwakubiri (Mukutulansanja) 1981
Gy'a­zaal­wa	Kabale, Kabale, Rubanda District
Ennimi z'amanyi	Lungereza
Omulimu	munnabyabufuzi, accountant, legislator
Ekifo ky'alimu	Omubaka wa Palamenti ya Uganda, State Minister of Finance for General Duties
Gyeya­so­me­ra	Ssettendekero wa Makerere, Kigezi College Butobere, Kigezi College Butobere, Heriot-Watt University
Mmemba w’e­ki­bii­na ky’e­byo­bu­fu­zi	Ekibiina kya National Resistance Movement
Okwe­siim­ba­wo kwe mu kalulu	Akalulu ka Uganda aka 2026
Mmemba wa	12th Parliament of Uganda

Henry Ariganyira Musasizi , yazaalibwa 25 Ogwokubiri mu 1981) musuubuzi adukanya zi bizineensi, mubalirizi wa bitabo eyakakasibwa era munnabyabufuzi Munnayuganda. Aweereza nga minisita w'ebyensimbi ,okuteekateeka nenkulaalulana ekifo kya Uganda eky'ebeynsimbi ekisingayo okuba ekya waggulu era ye mubaka wa paalamenti eyaddamu okulondebwa ow' Essaza lya Rubanda Ey'obuvanjuba ng'akiikirira NRM, ekibiina ky'eby'obufuzi ekiri mu buyinza mu Uganda.

Musaasizi yasuumuzibwa okufuuka minisita omujjuvu mu Gwokutaano 2025 ngadda mu bigere bya minisita w'ebyensimbi eyali aweerezza ebbanga eggwanvu Minisita Matia Kasaija. Nga 11 Ogwomukaaga, yawa embalirira y'eggwanga ey'omwaka gw'ebyensimbi 2026/2027 ng'eraga eby'efuna bya Uganda bwebiri ebyokukulira mu misinde mu myaka ekkumi ku bitundu 10.2% nga kyakutuukirira olw'okutandika okusima amafuta.

Musasizi yeeyali ssentebe w’akakiiko akavunaanyizi ku by’Ensimbi, Okuteekateeka n’Enkulaakulana y’Eby'enfuna era mmemba ku kakiiko k'ebyobusuubuzi mu Paalamenti ya Uganda ey’ekkumi . Ye Ssentebe wa NRM mu Disitulikti y'e Rubanda. Era yaweereza ku kakiiko akalondoola ensimbi za gavumenti mu Paalamenti ya Uganda ey'omwenda.

Obuto bwe n'okusoma kwe

Musasizi yazaalibwa mu Rubanda Disitulikiti y’e Kabale, nga 25 Ogwokubiri mu 1981 mu maka amakatuliki ag'Abakiga . Emisomo gye egya pulayimale yagisomera mu disitulikiti ye mwazaalibwa ey'e Kabale naafuna satifikeeti ey'ebigezo ebikomekkereza omutendera gwa pulayimale (PLE) mu kibiina ekya P.7 mu 1994. Olwo yasomera Kigezi College Butobere gyeyasomera emisomo gye egy'omutendera gwa siniya eyokuna naafuna satifikeeti ye eya siniya eyokuna mu 1998, era mu somero ly'erimu ku misomo gye egy'omutendera gwa siniya ey'omukaaga gye yafunira satifikeeti ye eya siniya ey'omukaaga (UACE) mu 2000.

Musasizi yeeyongerayo ku yunivasite y'e Makerere gye yatikkirwa mu 2005 ne ddiguli esooka mu by'obusuubuzi. Owo yasoma satifikeeti ku ttendekero li Institute of Certified Public Accountants of Uganda (ICPAU) naafuuka omubalirizi w’ebitabo akakasiddwa mu 2009. Mu 2012, Musasizi yafuna Ddiguli Ey'okubiri mu Kuddukanya Bizineensi okuva mu yunivasite ya Heriot-Watt University, yunivasite ya gavumenti esangibwa mu kibuga Edinburgh ekya Scotland.

Emirimu gye

Obubazi bw'ebitabo

Ngafunye ddiguli ye esooka mu 2005, Musaasizi yakola okumala omwaka mulamba ng’omubazi w’ebitabo ne Caritas mu ssaza ly'e Kabale, ekitongole ekikola ku buweereza bw'abantu n’enkulaakulana eky'essaza ly’Abakatuliki ery’e Kabale. Mu 2007, yafuna omulimu mu kitongole kya African Medical and Research Foundation, AMREF, era naakola ng’omubazi w’ebitabo okutuuka mu 2010 lwe yalekulira okwegatta ku by'obufuzi eby’okulondebwa.

Egy'eby'obufuzi

Mu 2011, Musasizi yavuganya ku kifo kya paalamenti eky'e Ssaza lya Rubanda ey'Obuvanjuba ku tikiti ya NRM, era naagenda mu maaso n'okuwangula mu byombi , mu kamyuufu k'ekibiina ne mu kulonda kwa bonna era n’afuuka omubaka wa Paalamenti ya Uganda ey’omwenda. Mu 2016, Musasizi yaddamu okuwangula okulonda era yagenda mu maaso n'okuweereza abalonzi b'Essaza lya Rubanda ey'Obugwanjuba mu Paalamenti ya Uganda ey'ekkumi. Mu Paalamenti ya Uganda ey'omwenda, Musasizi yaweereza ku Kakiiko akalondoola ensasanya ya gavumenti.. Mu Palamenti ya Uganda ey'ekkumi, yaliko ssentebe w'akakiiko k'Ebyensimbi, Okuteekateeka n'Enkulaakulana y'Eby'enfuna era mmemba ku Kakiiko k'eby'obusuubuzi.

Nga 8,Ogwomukaaga 2021, Musasizi yalondebwa ow'ekitiibwa Pulezidneti Yoweri Museveni nga Minisita Omubeezi Ow’ebyensimbi, Okuteekateeka n’Enkulaakulana y’Eby'enfuna avunaanyizibwa ku guno na guli. Mu buvunanyizibwa buno, yalondoola okuteekesa mu nkola embalirira, okukwasaganya amabanja, n'okutambuza ensimbi za gavumenti ez'ebitundu. Musaasizi yaddamu naavuganya mu kulonda kwa bonna okwa 2026 ku kifo kya paalamenti eky'Essaza lya Rubanda ey'Obugwanjuba naawangula ,ng'amegga Kenneth Jogo Biryabarema eyeesimbawo ku bwa namunigina ,eyali ssentebe wa LC5 owa disitulikiti eyakunganya obululu 15,961, Jasper Ayebare owa DF yafuna obululu 42, ng'ate Collins Victor Atuheire eyeesimbawo ku bwa namunigina yafuna obululu 131.

Mu Gwokutaano 2026, ng'ekitundu ky'enkyukakyuka ez'omugundu mu kabbineeti ey'ekisanja ky'ebyobufuzi ekya 2026-2031,pilezidenti museveni yasuumusa Musasizi ku kifo kya kabbineeti ekijjuvu ekya Minisita w'ebyensimbi ,okuteekateeka n'okukulaakulanya eby'enfuna ng'adda mu bigere bya minisita eyali aweereza ebbanga eggwanvu ,minisita Matia Kasaija.

Nga 11 Ogwomukaaga 2026, Musasizi yayanja embalirira ye ey'eggwanga eyasooka ku kisaawe e Kololo ng'ewa ekifaananyi ekigazi ebyenfuna bya Uganda okukula n'ebitundu 10.2% mu mwaka gw'ebyensimbi 2026/27 - nga kwekukula kw'eggwanga okuli ku misinde egisinga okuba emingi okusuubirwa mu myaka kkumi- nga kivugibwa okutandika okufulumya n'okutunda amafuta era n'okwebbulula kw'ekisaawe ky'ebyobulambuzi.

Laba ne

• Paalamenti ya Uganda
• Disitulikiti y'e Kabale
• National Resistance Movement

Ebijuliziddwa wabweru wa wikipedia

• Ekibanja kya Paalamenti ya Uganda ku mutimbagano