John Ddumba Ssentamu

 

John Ddumba Ssentamu (yazaalibwa mu 1953) Munnayuganda omukugu mu byenfuna, mu byenjigiriza era omukugu mu bya bbanka. Pulofeesa mu byenfuna era yaliko omumyuka w'akulira yunivasite ya Makerere, okuva mu 2012-2017 nga ye yunivasite esinga obukadde mu Uganda, eyatandikibwawo mu 1922. Ye ssentebe w'olukiiko olukulu olutwala Centenary Bank, bbanka y’ebyobusuubuzi ekwata ekyokubiri mu zisinga obunene mu ggwanga.

Ebimukwako

Yazaalibwa mu 1953, mu Disitulikiti y’e Masaka, mu ssaza ly'e Buddu, mu masekkati ga Uganda .

Okusoma kwe

Pulofeesa Ddumba Ssentamu yasomera mu ssomero lya St. Mary's College Kisubi era gye yatuulira siniya eyookuna n'ey'omukaaga. Oluvannyuma yayingira Yunivasite ya Makerere mu 1974, okusoma ebyenfuna, n’atikkirwa diguli esooka mu byenfuna (Bachelor of Arts in Economics), mu 1977. Oluvannyuma yava e Makerere n’agenda okwongera okusoma e Canada.

Yafuna diguli eyookubiri (Master of Arts in Economics), okuva mu University of Waterloo, e Waterloo, Ontario, Canada mu 1979. Oluvannyuma yakomawo e Makerere okusoma diguli ye eyookusatu eya Doctor of Philosophy (PhD) mu byenfuna.

Omulimu gw’ekikugu

Okumala emyaka egisoba mu 35, abadde musomesa, omusomesa omukulu, anaatera okufuuka pulofeesa era pulofeesa mu yunivasite ya Makerere. Mu kiseera we yalondebwa ku kifo ky’alimu kati, yali Principal w’ettendekero lya College of Business and Management Science mu yunivasite y’e Makerere. Kigambibwa nti alina ebitabo nga 30 bye yafulumya mu mannya ge. Amaze emyaka egisoba mu 10 nga ssentebe w’olukiiko olufuzi mu bbanka ya Centenary. Mu kiseera ekyo, bbanka eno ekula okuva ku kitongole ekitono eky’ensimbi entonotono n’efuuka bbanka y’ebyobusuubuzi enzaalwa ey’okubiri mu Uganda. Emyaka bwe gizze giyitawo, Pulofeesa Ddumba Ssentamu abaddeko ng’omukebezi ow’ebweru, omusomesa ow’ekiseera oba omukenkufu ow’ebweru ow’okukuza abakozi mu limu ku matendekero gano wammanga:

• Yunivasite y’e Waterloo e Waterloo, Ontario, Canada.
• Yunivasite ya Nelson Mandela Metropolitan University e Port Elizabeth, South Afrika
• Yunivasite y’e Ghana e Legon, Ghana
• Yunivasite y’e Swaziland e Mbabane, Swaziland
• Kwame Nkrumah Yunivasite ya Sayansi ne Tekinologiya e Kumasi, Ghana ne...
• Yunivasite y’e Dar es Salaam mu Tanzania

Era abaddeko ng'omuwi w'amagezi mu bitongole by'amawanga amagatte eby'enjawulo omuli UNDP, FAO, WHO, WFP, n'ebirala nga USAID ne Gavumenti ya Sweden .

Ebirala ebimukwatako

Ssentamu mufumbo. Ye mu nzikiriza y’Ekikatoliki ekya Rooma .Template:S-start Template:Succession box Template:S-end

__LEAD_SECTION__

John Ddumba Ssentamu (yazaalibwa mu1953) Munnayuganda omukugu mu byenfuna, mu byenjigiriza era omukozi mu bbanka. Ono Pulofeesa w’ebyenfuna era nga yaliko omumyuka wa Chancellor (2012-2017) mu yunivasite y’e Makerere, yunivasite esinga obukadde mu Uganda, eyatandikibwawo mu 1922. Ye ssentebe wa Centenary Bank, bbanka y’ebyobusuubuzi eyatandikira mu Uganda era nga yakubiri mu bunene mu ggwanga.

Laba ne

• Olukalala lwa yunivasite mu Uganda
• Olukalala lw'abakulembeze ba yunivasite mu Uganda
• Olukalala lwa banka mu Uganda