Joint Anti- Terrorist Task Force of Uganda
Ekitongole ekirwanyisa obutujju ekya Joint Anti-Terrorist Task Force ( JATT ) kitongole kya Gavumenti ya Uganda eky’ebyokwerinda nga kyatandikibwawo okulwanyisa obutujju n’obuyeekera mu ggwanga. [1] Ekitongole kino kyasooka kutandikibwawo nga 13 Ogwokutaano, 1999, oluvannyuma ne kiteekebwa mu butongole wansi w’etteeka erirwanyisa obutujju erya 2002. [2]
Ebyafaayo byakyo
[kyusa | kolera mu edit source]JATT yatandikibwawo mu 1999 ng’ekikwekweto eky’awamu nga kiggya abakozi okuva mu bitongole by’ebyokwerinda ebiwerako omuli eggye lya Uganda People’s Defence Force (UPDF), Uganda Police Force, n’ebibiina ebikessi eby’omunda n’eby’ebweru. [1] Ekitongole kino kyatongozebwa nga kiyita mu tteeka erirwanyisa obutujju erya 2002 nga kyali kigendereddwamu kwanukula obuyeekera bw’eggye lya Lord’s Resistance Army (LRA) mu bukiikakkono bwa Uganda. [3]
Enzimba n’ensengeka y’akyo
[kyusa | kolera mu edit source]JATT ekola ng’ekitongole eky’awamu wansi w’ekitongole ekikessi ekya Chieftaincy of Military Intelligence (CMI) era nga kirimu abakozi okuva mu bitongole by’ebyokwerinda eby’enjawulo. [4] Akakiiko kano kalimu bammemba okuva mu:
- Eggye lya Uganda People's Defense Force (UPDF)
- Uganda Police Force
- Ekitongole ky’ebyokwerinda munda mu ggwanga (ISO)
- Ekitongole ky’ebyokwerinda eby’ebweru (ESO)
- Defence Intelligence and Security (DIS)(DIS) .
Ekitongole kino tekirina buyinza bwa mateeka mu butongole, wadde nga ssemateeka agamba nti ebitongole ebikessi bitandikibwewo nga biyita mu nkola z’amateeka entuufu. [1]
Ebikwekweto n’emirimu gyakyo
[kyusa | kolera mu edit source]JATT ebadde esinga okussa essira ku kulwanyisa eggye lya Lord’s Resistance Army n’okutiisatiisa kw’abatujju okulala munda mu Uganda. [3] Akakiiko kano kakola ebikwekweto by’okulwanyisa obutujju, okukungaanya ebakessi, n’emirimu gy’okukwasisa amateeka mu by’okwerinda okwetoloola eggwanga. [5]
Ng’oggyeeko ekitongole ky’ebyokwerinda munda mu ggwanga (ISO) n’ekitongole ekikessi mu magye ekya Chieftaincy of Military Intelligence (CMI), ekitongole kino kikyagenda mu maaso n’okukola mu kwekweka okumala emirimu gyakyo egisinga obungi. [6]
Ebikyogerwako
[kyusa | kolera mu edit source]JATT efunye okunenya okw’amaanyi okuva mu ebitongole ebirwanirira eddembe ly’obuntu ku nkola zaayo ez’emirimu. Ekitongole kya Human Rights Watch kyawandiika emisango gy'ekitongole kino egy’okusiba n’okutulugunya mu ngeri emenya amateeka, ne kitegeeza nti ba agenti batera okukwata abantu nga bali mu ngoye z’abantu baabulijjo nga tebazudde bubonero era ne balemererwa okutegeeza abateeberezebwa ensonga lwaki bakwatibwa. [1] Ekibiina kino kisabye wabeewo ennongoosereza okusobola okukola ku nsonga zino ez’eddembe ly’obuntu. [1]
Laba ne
[kyusa | kolera mu edit source]Ebijuliziddwa
[kyusa | kolera mu edit source]Ebijuliziddwa wabweru wa wikipedia
[kyusa | kolera mu edit source]- Alipoota y’ekitongole kya Human Rights Watch ku JATT
- Okutta abantu okukolebwa abaserikale b’ebyokwerinda kwaloopebwa (Human Rights Watch, October 3, 2003)
- 1 2 3 4 5 https://www.hrw.org/report/2009/04/08/open-secret/illegal-detention-and-torture-joint-anti-terrorism-task-force-uganda Cite error: Invalid
<ref>tag; name "hrw2009" defined multiple times with different content - ↑ https://www.monitor.co.ug/uganda/news/national/jatt-s-heavy-handed-tactics-raise-alarm-ahead-of-2026-elections-4951806
- 1 2 https://allafrica.com/stories/202503050244.html
- ↑ https://ugandaradionetwork.com/story/infighting-brings-anti-terrorism-force-to-its-knees
- ↑ https://nalaw.org/2025/02/27/the-joint-anti-terrorism-task-force-jatt-legitimacy-betrayal-by-the-electoral-commission-and-implications-on-the-political-landscape/
- ↑ https://www.hrw.org/report/2009/04/08/open-secret/illegal-detention-and-torture-joint-anti-terrorism-task-force-uganda