Joy Ruth Acheng

 

Joy Ruth Acheng mukungu wa Uganda, eyali Omubaka wa Uganda ng'atuula mu kibuga Ottawa, e Canada.Mmemba w'ekibiina kya Uganda People's Congress era yalondebwa mu Palamenti ya Uganda ey'omwenda mu 2011.

Obuto bwe n'okusoma kwe

Acheng yazaalibwa Ejang Margaret Obia. Alina diguli eyookubiri eya Masters in Management Studies, Diguli mu busomesa eya Bachelor of Education n'ebbaluwa mu mateeka eya Certificate in Administrative Law.

Emirimu gye

Acheng yaweereza ng'omubaka omukyala owa Disitulikiti y'e Kole mu Palamenti ey'omwenda eya Uganda (2011-2016). Yalondebwa Pulezidenti Yoweri Kaguta Museveni okubeera Minisita omubeezi w'ebyennyanja naye oluvannyuma n'amukyusa. Yali mmemba ku kakiiko ka Physical Infrastructure and HIV/Aids mu Palamenti ya Uganda ey'omwenda okuva mu 2011 okutuuka mu 2016.

Yaliko omubaka wa Uganda mu Canada okuva nga 12 Ogwomwenda 2017.

Ebitakwatagana ku ye

Mu Gwomunaana 2024, Gavumenti ya Canada yalangirira nti Acheng nti yali tasaanidde kukiikirira Uganda mu Canada ekiyitibwa persona non grata mu Lulatini olw'onneeyisa ye era n'emugoba e Canada. Mu kiseera kino ye mubaka wa Uganda mu nsi ya Bahamas.

Laba na bino

• Olukalala lw'ababaka n'abakungu abakulu mu Canada
• Palamenti ya Uganda