Juliet Muzoora Atuhairwe
Muzoora Juliet Atuhaire musomesa Munnayuganda.[1] Akola nga kaminsona w'ebyenjigiriza bya siniya mu Minisitule y'Ebyenjigiriza n'Emizannyo.[2][3] Yakulirako amasomero omuli Bweranyangi Girls' Senior Secondary School,[1] Bwongyera Girls' Secondary School, Kinyasano Girls' School ne Mwengura Secondary School.[4]
Okusoma kwe
[kyusa | kolera mu edit source]Muzoora yasomera mu ssomero lya Kitunga Central School (eryakyusibwa ne lituumibwa Kitunga Day and Boarding Primary School) mu disitulikiti y’e Ntungamo mu 1977 gye yamalira pulayimale mu 1983 ng’alina obubonero 11(kkumi n’emu).[4][5] Yaweebwa ekifo ku Bweranyangi Girls' Senior Secondary School gye yamalira siyina eyookuna mu 1987 ne siniya eyoomukaaga.[4][5]
Mu 1990, Muzoora yaweebwa ekifo mu yunivasite y’e Makerere okusoma diguli esooka mu by’enjigiriza nga akuguka mu Biwandiiko n’olulimi Olungereza era mu 1993, yatikkirwa.[4][2] Mu 1998, yaddamu okwewandiisa ku yunivasite e Makerere okusoma diguli eyookubiri mu by'enjigiriza . Yatikkirwa mu 2001.[4][2]
Emirimu gye
[kyusa | kolera mu edit source]Muzoora yatandika omulimu gw’obusomesa mu 1993 oluvannyuma lw’okutikkirwa mu yunivasite y’e Makerere ku Bweranyangi Girls’ Senior Secondary School nga wakati wa 2006 ne 2010, yafuuka ssentebe w’akakiiko akakola ku ndagaano n’omumyuka w’akulira essomero.[4] Mu 2011, yafuuka omukulu w’essomero lya Mwengura Secondary School era omumyuka w’akulira essomero lya Kinyasano Girls.[4] Mu 2012, Muzoora yali omukulu w'essomero lya Bwongyera Girls' Secondary School. Mu 2017, yaddayo ku ssomero lya Bweranyangi Girls' Senior Secondary School ng'akulira essomero okutuusa mu 2024,[4][1][6] lwe yalondebwa okubeera kaminsona w'ebyenjigiriza bya siniya mu minisitule y'ebyenjigiriza n'emizannyo.[2][7]
Ebijuliziddwa
[kyusa | kolera mu edit source]- ↑ 1.0 1.1 1.2 "Promiscuity, pornography killing young Ugandans – cleric". Monitor (in Lungereza). 2023-10-07. Retrieved 2025-04-13.
- ↑ 2.0 2.1 2.2 2.3 "Muzoora Juliet Atuhaire Appointed Commissioner Secondary Education – eTop Uganda" (in American English). Retrieved 2025-04-13.
- ↑ "Church of Uganda Heads of Education Institutions Tipped on Succession Planning - Church of Uganda" (in American English). Retrieved 2025-04-13.
- ↑ 4.0 4.1 4.2 4.3 4.4 4.5 4.6 4.7 "Integrity and diligence are my values". Monitor (in Lungereza). 2021-01-10. Retrieved 2025-04-13.
- ↑ 5.0 5.1 "Old student associations giving back to schools". Monitor (in Lungereza). 2022-07-11. Retrieved 2025-04-13.
- ↑ "Vice President Launches Patriotism Training for Western Region Headteachers – Uganda Radio Network" (in American English). 2025-04-10. Retrieved 2025-04-13.
- ↑ "Police probe death of student over subject combination row". Monitor (in Lungereza). 2024-06-11. Retrieved 2025-04-13.