Kakende ow'e Toro

Rukirabasaija Kakende Nyamuyonjo yali Omukama ow’omunaana mu Bukama bw'e Tooro, yafugira akaseera katono okuva mu 1875 okutuuka mu 1876 era nate okuva mu 1879 okutuuka mu 1880. Obukulebeze bwe bwaliwo mu kiseera eky’akatabanguko olw’okulwanagana okw’omunda n’okulumbibwa ab'ebweru, naddala Obukama bwa Bunyoro obwali ku muliraano, eky'ali kisomooza obuyinze n'amaanyi g'Obukama bwa Tooro mu kiseera ky'obukulembeze bwe.

Okulinnya ku ntebe y'Obukama

Obukulembeze bwe obwasooka (1875–1876)

Kakende yalinnya ku Nnamulondo mu 1875 oluvannyuma lwa mukulu we Rukidi II okuva mu ntebe n’okudduka kwa muganda we omulala Rububi Kyebambe II olw’obulumbaganyi bw’amagye g’e Bunyoro nga gakulembeddwamu Omutaka Kikuule ow’e Bugangaizi. Okusituka kwe kwawagirwa eggye okuva mu Buganda, okulemesa Bunyoro okuyingira mu nsonga za Tooro. Kyokka obukulembeze bwa Kakende obwasooka bwali bwa kaseera katono, kubanga yavaayo n’amagye ga Buganda mu 1876, n’akkiriza muganda we Katera okutwala entebe.

Obukulembeze bwe obw’okubiri (1879–1880)

Kakende yakomawo mu 1879, nate ng'ayambibwako amagye ga Buganda, n’agoba muganda we Rububi Kyebambe II asobole okweddiza entebe. Obukulembeze bwe obw'omulundi ogw’okubiri bwali bumpi kyenkanyi, bwaggwa mu 1880 amagye g’e Bunyoro bwe gamugoba, ekyaleetawo obukulembeze obw'enjawulo nga kino ky'aviirako Tooro okudda wansi w'obukulembeze bwa Bunyoro okutuusa mu 1891. Kakende n’addukira mu Buganda.

Emyaka gye egy'oluvanyuma

Mu 1880, Obwakabaka bwa Tooro bwalumbibwa eggye okuva e Bunyoro . Abalumbaganyi baagoba Omukama Kakende, eyasooka okuddukira Ankole n’oluvannyuma mu Buganda . Omukama Kakende yafa obulwadde bwa kawumpuli mu Buganda, nga 1885 tannatuuka.Yaziikibwa mu Zooni y'eBusimba , Mpogo, mu Disitulikiti y’e Sironko.

Obulamu bwe obw’obufumbo

Yawasa Logose a musoga okuva mu Kika kya baise igaga

Abaana be

Omukama Kakende yazaala abaana basatu ne mukyalawe logose okuli;- omulenzi omu Katunku Zephania n'abawala babiri Bulage ne Mpindi.

Laba ne

• Omukama w'e Tooro