Kashif Siddiqi

Kashif Mumtaz Siddiqi (yazaalibwa 25 Ogwolubereberye 1986). Yaliko omuzannyi w'omupiira omukugu era nga yazannyanga ng'omuzibizi. Siddiqi yazaalibwa Bungereza, naye nga yakiikiriranga Pakistan ku mutendera gw’ensi yonna ogw’awaggulu.

Oluvannyuma lw’okuzannya omupiira gw’abavubuka ne ttiimu ez’enjawulo mu Bungereza, Siddiqi yagenda mu Amerika ku sikaala okuzannya omupiira gw’amatendekero g'awaggulu, bwe yali tannamala sizoni bbiri mu USL PDL, oluvannyuma n’agenda mu Middle East okuzannya.

Mu 2011, Siddiqi yatandikawo ekitongole kya Kashif Siddiqi Foundation, ekigenderera okukubiriza abavubuka Abangereza mu Asia okuyingira mu muzannyo guno. Era mubaka wa Kick It Out, ekibiina ekirwanyisa obusosoze mu mawanga.

Obuto bwe n’obulamu bwe obw’obuntu

Kashif Mumtaz Siddiqi yazaalibwa mu Hammersmith nga kitaawe yali Muyindi nga maama Munnayuganda. Musajja Musiraamu.

Mu Gwolubereberye gwa 2012, Siddiqi yayitibwa mu awaadi za Asian Football Awards ezaasooka mu kisaawe kya Wembley, gye yagabira Danny Batth engule y’omuzannyi omuto ow’omwaka mu Asia.

Mu Ogwokuna gwa 2012, Siddiqi yafuulibwa omubaka omutongole mu kampeyini ya Chelsea eya "Search for an Asian Star" 2012, wamu n'omuzannyi Florent Malouda n'abayimbi ba Bhangra Jaz Dhami ne H Dhami. Empaka zino eza 2012 zaasikiriza abaana 400.

Omulimu gwe ogwa kiraabu

Omulimu gwe yasooka okukola mu Bungereza

Siddiqi omupiira gwe ogw'ekivubuka yaguzannyira mu Arsenal, Wycombe Wanderers, Hayes, Yeading ne Boston United .

Omulimu gwe ogw’amatendekero aga waggulu

Mu 2005 Siddiqi yazannya omupiira gw’amatendekero mu Amerika ku sikaala, ng’asoma diguli mu by’obusuubuzi, n’agenda mu Eckerd College e St. Petersburg, Florida okumala emyaka ebiri ne Presbyterian College okumala omwaka gumu. Oluvannyuma yakyuka n'agenda mu Fresno Pacific University okumala omwaka gwe ogwasembayo okumaliriza diguli ye asobole okuzannya omupiira gwa kiraabu.

Omulimu gwe mu USL PDL

Mu 2009 liigi ya USL Premier Development League yatandika okusasula abazannyi abamu, era sizoni eyo yennyini Siddiqi yakola endagaano okutandika okuzannya ne Springfield Demize . Yasooka kuzannya mu ttiimu eno mu mupiira gwabwe ogwaggulawo sizoni ya 2009 nga battunka ne Des Moines Menace, era sizoni yagimala nga ye kapiteeni wa kiraabu. Sizoni ya 2010 yagimala mu Fresno Fuego, nayo mu USL PDL.

Omulimu gwe ogwaddirira n’obuvune

Oluvannyuma Siddiqi yazannyira mu msi z'Abawalabu oba Middle East, mu ttiimu ya Al-Wasl ey'e Dubai, nga omulimu gwe tegunnasasika olw’obuvune obw’amaanyi obuwerako.

Okuddayo kwe mu USL PDL

Siddiqi yassa omukono ku Ventura County Fusion mu sizoni ya 2012.

Okuddayo kwe mu Bungereza

Siddiqi yassa omukono ku ndagaano y'okuyingira kiraabu ya liigi y'omupiira eya Northampton Town mu Gwomwenda gwa 2013, ng’atendekebwa ne ttiimu eno mu sizoni eyali ewedde oluvannyuma lw’okuwona obuvune mu kisambi.

Mu Gwomunaana gwa 2019, yakola endagaano ne Oxford United okukola nga omuzannyi/omubaka, n’ekigendererwa ky'okwegatta ku kiraabu y’Abayindi ku bbanja. Mu Gwomwenda gwa 2019, yagenda mu kiraabu ya Buyindi eya Real Kashmir ku bbanja. Yasubwa emipiira ebiri egyasooka mu I-League olw'obuvune.

Yateebwa ku nkomerero ya sizoni ya 2019–20.

Omulimu gwe ogw’ensi yonna

Siddiqi yafuna okuyitibwa kwe ku ttiimu y’eggwanga okwasooka mu ttiimu ya Pakistan ey’abali wansi w’emyaka 23 mu Ogwokutaano 2007 mu mpaka za Beijing 2008 Olympic Qualifiers, n’azannya omupiira gwe ogwasooka ne Bahrain, era n’azannya emipiira emirala ebiri ne Kuwait ne Qatar. Yayitibwa okudda mu ttiimu y'abali wansi w'emyaka 23 mu 2010.

Mu 2008, yayitibwa ttiimu y’abakulu okwetaba mu mpaka za SAFF Championship, era ku nkomerero y’omwaka ogwo yafuna enkoofiira emu enzijuvu ey’ensi yonna.

Siddiqi era yazannyira ttiimu ya ‘Pakistan XI’, ttiimu erimu abazannyi abava e Bulaaya abava mu Pakistan ng’evuganya mu mipiira egy’omukwano.

Omulimu gw’obwannakyewa

Siddiqi era yeetaba mu nkiiko n'ekibiina ekifuga omupiira mu Bungereza ku nsonga y'omupiira gw'abantu ba Asia abali mu Bungereza . Mu Gwokuna 2011, Siddiqi ne foundation baazannya mu mupiira gw'abazirakisa okusonda ssente z'ekitongole kya Sodje Sports Foundation, Bury Hospice ne The Bury Fusilier. Era ye mubaka wa Kick It Out .

Era y’omu ku baatandikawo ekibiina kya Football For Peace .

Mu Gwekkuminoogumu gwa 2013, Siddiqi yasiimibwa Omulangira Albert II owa Monaco olw’omulimu gwe yakola ogw’obuzirakisa.

Ebijuliziddwa

okusoma okusingawo

• "Real Kashmir FC signs Kashif Siddiqui". hindustantimes.com. Hindustan Times. 7 April 2020. Archived from the original on 8 April 2020. Retrieved 3 January 2024.
• "Real Kashmir sign Kashif Siddiqui, announce official partnership with Oxford United". timesofindia.indiatimes.com. The Times of India. Press Trust of India. 7 April 2020. Archived from the original on 20 October 2020. Retrieved 3 January 2024.
• "Indian football: Real Kashmir announce partnership with Oxford United, sign Kashif Siddiqui on loan". Scroll.in. 7 April 2020. Archived from the original on 27 January 2023. Retrieved 28 February 2023.

Ebijulizidwa wabweru wa wikipedia

• Official website
• Kashif Siddiqi at Soccerway