Katherine Namuddu

Katherine Namuddu Munnayuganda omukugu mu by’enjigiriza, omusomi, omunoonyereza, omuwandiisi era omuwabuzi ku by’enjigiriza ebya waggulu mu Afirika eyakolagana n’ekitongole kya Rockefeller Foundation ekya New York ne Makerere University.

Emirimu gye

Yasomesa mu yunivasite y’e Nairobi, Kenyatta ne Makerere gye yali omumyuka wa Ssentebe w’olukiiko lwa Yunivasite . Yakolera mu Kitongole kya Rockefeller Foundation of New York era nga muwabuzi ku by’enjigiriza ebya waggulu mu Afirika. Y'omu ku baatandikawo essomero lya Diaspora Girls' Senior High School era nga yaliko Dayirekita w'Emisomo mu Uganda Martyrs SS Namugongo. Yaweebwa engule ya Women of Distinction Award okuva mu kibiina kya Forum for African Women Educationalists (FAWE) olw’okuyamba n’okuzzaamu amaanyi omwana omuwala. Yasiimibwa ne Yunivasite y'e Makerere bwe yali essa ekitiibwa mu baali abakulembeze baayo ku mukolo ogwatuumiddwa "A Legacy of Leadership".

Afulumizza ebiwandiiko ebiwerako omuli; Enkyukakyuka mu nkola y’ensoma enteeketeeke, Okunyweza okunoonyereza ku by’enjigiriza mu nsi ezikyakula, Ebikulu mu kunoonyereza ku by’enjigiriza mu Sub-Saharan Africa n’ebirala ebigendereddwamu okutumbula omutindo gw’ebyenjigiriza mu matendekero aga waggulu. Afulumizza n’ebitabo nga Her Husband’s Crown ne Never a Dull Moment ebyogera ku biziyiza amasomero ag’omulembe mubitundu eby’omu byalo mu Uganda eri omwana omuwala.

Ebiwandiiko bye

• Enkyukakyuka mu Nsoma enteeketeeke.
• Okunyweza okunoonyereza ku by’enjigiriza mu nsi ezikyakula.
• Ebikulu mu kunoonyereza ku by’enjigiriza mu mawanga agali mu bukiikaddyo bwa Sahara.

Ebitabo

• Never a Dull Moment: Amasomero g'ebyalo mu myaka gya 1950 mu Uganda.
• Her Husband's Crown.

Engule

• Engule y'abakyala ab'enjawulo.
• Engule y'obukulembeze

Laba ne

• Essanyu Kwesiga
• Miria Matembe