Kkala za Musoke (Rainbow Colours)
Kkala za Musoke(Rainbow colours).
Kkala za Musoke(Rainbow colors) zijjawo zitya mu kikaayi (sky)?
Okusooka ekitangaala kiva ku njuba ng’emigendo gy’ekitangaala(sun’s rays) .
Emigendo gy’ekitangaala emingi gye gikola ekisaaganda ky’ekitangaala(beam/stream of light) .
Omugendo gw’ekitangaala bwe guyingirira amatondo g’enkuba mu bbanga(mu kikaayi) , ne gwewetamu(refraction) nga guyingirira amatondo oba ettondo ly’enkuba ate olwo ne gudda emabega(reflection) nga gutuuse emabega w’ettondo ly’enkuba lye guyingidde ate ne guddamu negwewetamu nga gufuluma e ttondo ly’amazzi lino , ekintu ekiviirako ekitangaala ekyeru okulaga kkala ezikirimu.
Ekireetawo kino kyonna kwe kuba nga ekitangaala ekiyingira kidda emabega(reflected back) ku mpeto(angles) ag’enjawulo , ng’ekitangaala ekisinga kidda emabega ku ppeto(angle) eriri wakati wa digiri 40-42 .
Eppeto terisinziira ku bunene bwa ttondo lya nkuba omugendo gw’ekitangaala mwe guba guyingiridde naye ku misinde omugendo gw’ekitangaala kwe guyingirira .
Amazzi ga semayanja gayingiza omugendo gw’ekitangaala ku misinde gya waggulu okusinga ag’enkuba , n’olwekyo laadiya(radius) y’omuweto gwa musoke(rain bow curve) mu semayanja ntono okusinga ku ya musoke mu kikaayi.
Amaanyi ekitangaala kwe kyewetera gasinziira ku buwanvu bwa jjengo(wave lengths) , kino ne kivaako enneeyisa ya kkala okusinziira ku buwanvu bw’ejjengo obwa buli kkala.
Bivudde wa Charles Muwanga