Lawrence Coreta Muganga

Lawrence Muganga mumanyi wa Uganda-Canada, omukugu mu kusomesa eby'enfuna bya digito, omuddukanya weby'ensoma akola ng'omumyuka wa kansala owa Victoria University Uganda . muwandiisi w'ekitabo " Tosobola Kufuula Ebyennyanja Kulinnya Emiti", "Okuva ku Chalk okutuuka ku Chatbots" awamu ne "Aunthetic University".

Ensibuko n’obuyigirize

Yazaalibwa mu Disitulikiti y'e Mukono era yakulira mu Disitulikiti y'e Masaka . Yamaliriza siniya eyookuna ku ssekondale ya Mende Kalema n'ey'omukaaga okuva mu St. Charles Lwanga Kasasa Secondary School mu Disitulikiti y'e Masaka . Alina diguli esooka mu by’enfuna n'eyookubiri mu by'emikono mu by’okuddukanya enkola y’ebyenfuna okuva mu yunivasite e Makerere mu Uganda. Yatikkirwa n'ebbaluwa y'obusomesa mu by'enjigiriza ebya waggulu okuva mu Harvard University Cambridge, Massachusetts . Alina diguli eyookubiri mu by’enjigiriza ng’akuguse mu by’enjigiriza by’abantu abakulu n’agattako PhD mu by’enjigiriza n’obukulembeze okuva mu yunivasite y’e Alberta Canada. Alina obutuuze bwa mirundi ebiri obwa Uganda ne Canada.

Omulimu

Oluvannyuma lw’okutikkirwa mu yunivasite e Makerere mu mwaka gwa 2002, Muganga yagenda e Rwanda n’akolera mu kitongole ky’omusolo ekya Rwanda Revenue Authority ng’omubalirizi w’ebitabo by’omunda (2003–2005). Yakola nga ng'omuddukannya wa pulojekiti mu Edmonton Multicultural Coalition, era yakola nga omuwabuzi mu nkola ya Gavumenti eya Alberta mu Canada. Muganga abaddeko mu bifo ebiwerako eby’obusomesa, okwebuuza n’eby’ekikugu mu Canada, Ethiopia, Rwanda, Finland, Singapore, Sweden, US ne Solomon Islands nga essira aliteeka ku kunoonyereza, okuteekateeka, okukola, okussa mu nkola, n’okwekenneenya enkola eziyamba mu nkulaakulana y’abantu n’okutumbula omutindo gw’obulamu eri abantu. Mu mwaka gwa 2020, yalondebwa nga omumyuka wa kansala omuggya mu Victoria University Uganda .

Okunoonyereza

ebyazuulibwa mu kunoonyereza kwe ku by’enjigiriza abifulumizza mu bitabo by’ebyenjigiriza n’ebitabo ebirala ebifulumizibwa banne.

Okukkiriza

Mu mwaka gwa 2019, Muganga yafulumya ekitabo kye yatuuma "You Can't Make Fish Climb Trees" era n'awangula ensimbi za doola emu n'ekitundu akakadde okuva mu kitongole kya Bill ne Melinda Gates Foundation .

Enkaayana eziriwo

Nga 2 ogw'omwenda mu mwaka gwa 2021, ab’ebyokwerinda ba Uganda ab’awamu baamukwata okuva mu ofiisi ye olw’obukessi n’okubeera mu ggwanga mu ngeri emenya amateeka kyokka oluvannyuma lw’ennaku 2 n’ayimbulwa nga tewali musango gwonna.