Lydia Mugambi

Lydia Mugambi Munnayuganda omuyimbi, munnakatemba era musomesa.

Okusoma kwe n'emirimu gye

Mugambi yasomera mu Gayaza High School mu myaka gya 1950 oluvannyuma ne yeegatta ku Margaret Trowell ettendekero lya yunivasite y’e Makerere. Oluvannyuma lw’emyaka ebiri mu ttendekero eryo mu buvanjuba bwa Afirika, Mugambi yakyusa n’agenda mu ttendekero ly’ebyenjigiriza mu yunivasite y’emu okusoma diguli mu by’enjigiriza mu myaka gya 1960. Oluvannyuma lw’okumaliriza diguli ye esooka, Oluvannyuma lwa diguli ye esooka Mugambi yatandika okusomesa eby’okusiiga ebifaananyi ssomero lya Makerere University college school wakati wa 1965 ne 1970. Mugambi yeeyongerayo n'asomera ku Rochester Institute of Technology olw’okuweebwa sikaala gye yafuna okuva mu kitongole ky’obwannakyewa ekisangibwa mu Amerika.

Mugambi bwe yakomawo okuva mu Amerika, yatandika okusomesa eby’okusiiga ebifaananyi ku ttendekero ly’ebyenjigiriza erya Yunivasite y'e Makerere kyokka yasigala agenda ku ttendekero ly'abasiizi b'ebifaananyi gye yatendekera abasiizi b'ebifaananyi abalala nga Bruno Sserunkuuma, Lilian Mary Nabulime, Sarah Nakinsaze n’abalala. Ng’omusiizi w'ebifaananyi, Mugambi asiiga, akuba ebifaananyi n'okubumba ebibumbe. Ebifaananyi n'ebibumbe bye bilagibwa mu myoleso gy’ebifaananyi egiwerako. Ng’oggyeeko okubeera omusiizi w'ebifaananyi, Mugambi era muzannyi wa katemba era atera okutegeka ebivvulu mu National Theatre ya Uganda mu kibuga ekikulu Kampala.

Obulamu bwe ng'omuntu

Mugambi mufumbo era alina abaana 5.