Martin Stephen Egonda-Ntende

 

Frederick Martin Stephen Egonda-Ntende mulamuzi Munnayuganda akola nga Omulamuzi wa Kkooti ejulirwamu eya Uganda, ekola emirundi ebiri nga kkooti ya Ssemateeka wa Uganda. Nga tannakola ekyo, okuva mu 2009 okutuuka mu 2014, yaweereza nga Ssaabalamuzi wa Seychelles . Yalayizibwa ku bwa Ssaabalamuzi ku Lwokutaano nga 21 Ogwomunaana, 2009 mu maka g'obwa Pulezidenti aga State House mu kibuga ekikulu ekya Seychelles ekya Victoria . Ekyo nga tannakikola yaweerezaako ng'omulamuzi wa Kkooti ensukkulumu mu Uganda . Era yetaba mu kuteekateeka ekitongole ekiramuzi eky'etongodde mu East Timor, gye yaweereza ng'omulamuzi wa Kkooti ejulirwamu .

Egonda-Ntende yasomesa amateeka mu Ssettendekero wa Makerere mu Uganda era nga yali ssentebe w'akakiiko akagaba lipoota ku mateeka mu kitongole ekiramuzi mu Uganda . Era alina obumanyirivu bungi mu kukwasaganya ensonga z’okukukusa ebiragalalagala ng’akola ng’omulamuzi mu kitongole ky’amawanga amagatte e Kosovo ( UNMIK ).