Masaka Secondary School

Masaka Secondary School ssomero lya bawala na balenzi, lya kisulo n'abaviira awaka middle and high school, lisangibwa mu Disitulikiti y'e Masaka, mu massekati ga Yuganda .Era ssomera lya basiramu era lisomesa Oluwarabbu wadde nga likiriza n'abatali ba Siraamu

Ekifo

Essomero lino lisangibwa mu kibuga ky'e Masaka mu Kimaanya-Kyabakuza Division, Disitulikiti y’e Masaka, 138 kilometres (86 mi) mu bugwanjuba bwa Kampala, ekibuga ekikulu ekya Uganda, era nga kye kisingamu n'obunene. ^[1] Essomero lino lisangibwa mu bukiikaddyo obw’amaserengeta obw’amasekkati g’ekitundu ky’ebyobusuubuzi ekya Masaka. Ligabana ensalo n’oluguudo lwa Nakongolero mu maserengeta, mu bukiikakkono n’oluguudo lwa Yellow Knife Street, mu buvanjuba n’oluguudo lwa Bwala Hill Road. Essomero lya Hill Road Primary School liri mu bukiikaddyo bw’essomero lya Masaka Secondary School. Ensengeka z'ekibangirizi ky'essomero ze zino:0°21'04.0"S, 31°44'15.0"E(Latitude:-0.351111; Longitude:31.737500). ^[2]

Okulambika okutwaliza awamu

Masaka Secondary School ssomero lya gavumenti nga lirina middle ne high school, Liddukanyizibwa ekitongole kyaUganda Ministry of Education & Sports . Nga lyalina abayizi abasukka mu 4000 mu mwaka gwa 2016, essomero lino lye limu ku masomero ga siniya agasinga obunene mu ggwanga n’obuvanjuba bwa Afrika.

Ebyafaayo

Essomero lino lyatandikibwawo mu mwaka gwa 1954. Liri mu kibiina kya Uganda Muslim Education Association (UMEA) ekibiina ekigatta amasomero gonna agatandikibwawo Abasiraamu. Omukulu w’Essomero lino eyasooka yali Mwami Stephen Kerr, era lize lifuna abakulira abasomesa abamanyiddwa mu ggwanga abawerako omuli ne Ali Ssendagire ne Lubega Waggwa. Mu mwaka gwa 2012, lyafuna ensimbi obukadde bwa doola za Amerika 2 (UGX:5 billion), okuva mu African Development Bank, ng’ekolaganira wamu ne Gavumenti ya Uganda, okuzimba ebibiina ebipya, ekifo eky’okukoleramu kompyuta, etterekero ly’ebitabo ne laboratory za ssaayansi. ^[3]

Abayizi abasomerako ku ssomero lino

Abayizi abamanyiddwa abasomera mu ssomero lya Masaka Secondary School kuliko bano: ^[4]

Abed Bwanika - munnabyabufuzi, yeesimbyewo ku bwapulezidenti emirundi ebiri era nga ye Pulezidenti w'ekibiina kya People's Development Party era omubaka wa Palamenti wa...
David Tinyefunza - eyali Dayirekita w'ekitongole ekikessi mu ggwanga mu Uganda
Hussien Kyanjo - Yali mubaka wa Palamenti owa Makindye West ^[5]
Mathias Mpuuga - Eyali Minisita w’abavubuka mu Gavumenti ya Buganda era omubaka wa Palamenti mu Nyendo-Mukungwe mu kibuga Masaka Omukulembeze w’oludda oluvuganya gavumenti mu Palamenti
Ibrahim Ssemujju Nganda - Omubaka wa Palamenti mu divizoni y'e Kira
Yusuf Nsubuga, Kaminsona w’ebyenjigiriza ebya siniya mu minisitule y’ebyenjigiriza mu Uganda.
Hussein Kyanjo - eyali omubaka wa Uganda