Mbarara High School
Mbarara High School (MHS), era emanyiddwa nga Chaapa ssomero ly'abalenzi bokka erisangibwa e Ruharo mu kibuga ky'e Mbarara mu Disitulikiti y’e Mbarara mu Buggwanjuba bwa Uganda .
Ekifo
[kyusa | kolera mu edit source]Essomero lino lisangibwa mu kibuga Mbarara mu Buggwanjuba bwa Uganda kilommita 270 (170 mi), ku luguudo, mu Bukiikaddyobwobuggwanjuba bwa Kampala, ekibuga ekikulu era ekisinga obunene mu ggwanga. [1] Essomero lino lisangibwa mu bitundu by’e Ruharo nga kilommita 2 (1.2 mi)okuva ku luguudo lwa Mbarara - Ishaka, mu Buggwanjuba bw'ekitundu ky’abasuubuzi ekiri wakati mu Mbarara. Coordinates za MHS ze zino: Latitude:-0.6155S; Longitude:30.6335E. [2]
Ebyafaayo
[kyusa | kolera mu edit source]Yatandikibwawo mu 1911 abaminsani aba Anglican, Abakristaayo abeegattira mu Kkanisa ya Bungereza . Essomero lya Mbarara High School lye ssomero lya siniya erisinga obukadde mu Buggwanjuba bwa Uganda . Erina ebibiina okuva ku Siniya esooka okutuusa ku y'omukaaga. Ettaka essomero lino kwe lyazimbibwa lya Bulabirizi bwa Ankole, obw'Ekkanisa ya Uganda . Nga ekkanisa erina obwannannyini n’okufuga essomero lino, Gavumenti ya Uganda, ng’eyita mu Minisitule y’ebyenjigiriza, ewaayo ku mbalirira y’essomero. Ekibiina ky’okwekalakaasa ekya Kumanyana mu myaka gya 1940, ekyali kisaba omwenkanonkano mu abantu b’e Bairu ab’e Ankole n’Abahima, kyalina emirandira mu ssomero lino. [3]
Ekitiibwa
[kyusa | kolera mu edit source]Essomero lya Mbarara High School lye limu ku masomero ag'ebbeeyi mu Uganda, olw’obuyigirize bwalyo obulungi.
Abayizi abaaliwo abamanyiddwa
[kyusa | kolera mu edit source]Essomero lino lirimu abayizi bangi abaaliwo nga bangi ku bo baweereza mu bitongole bya gavumenti n’eby’obwannannyini mu Uganda. Abamu ku bbo be bano wammanga:
- Pulezidenti Yoweri Museveni - Pulezidenti wa Uganda 1986–Kaakano. [4]
- Amanya Mushega - Eyali Secretary-General mu mukago gwa East Africa . [5]
- Elly Tumwine - Eyali muduumizi w'amagye mu Uganda (1986 - 1989). Omubaka wa Paalamenti (MP), akiikirira eggye lya Uganda erya Uganda People’s Defence Force (UPDF) (1986–okutuusa kati). Omuserikale wa UPDF ow'eddaala ery'okuntikko.
- Andrew Mwenda - munnamawulire era omutandisi wa magazini eyitibwa Independent Magazine .
- Sabiiti Muzeyi - omuserikale w'amagye era omuserikale wa poliisi
- Kenneth Kimuli - Munnakatemba, omuwandiisi w'emizannyo era munnamawulire
- Zeddy Maruru - omugoba w'ennyonyi z'amagye era omuserikale w'amagye ey'awummula
- Francis Takirwa - omuserikale w'amagye
- Tumusiime Rushedge - omusawo alongoosa, omuvuzi w'ennyonyi, omuwandiisi w'ebitabo, muyiiya/mukozi wa katuni era omuwandiisi w'emiko mu mpapula z'amawulire.
- Charles Oboth Ofumbi - Minisita w'ensonga z'omunda mu Uganda
- Emmanuel Karooro - omusomesa, omuddukanya eby'ensoma n'ebyenjigiriza, era nga ye mumyuka wa Cansala ku yunivasite y'e Ibanda
- Eriya Kategaya - munnamateeka era munnabyabufuzi
- Sam Kutesa - munnabyabufuzi era munnamateeka, eyali Pulezidenti w’olukiiko lw’amawanga amagatte olwa United Nations General Assembly.
- Levi Karuhanga - omuserikale w'amagye
- Bright Rwamirama - munnabyabufuzi era omunnamagye eyawummula
- Mwesigwa Rukutana - munnamateeka era munnabyabufuzi
- Fred Ruhindi - munnamateeka era munnabyabufuzi
- Yoramu Bamunoba, Omulabirizi w’e West Ankole, 1997-2007
- Ernest Shalita, Omulabirizi w'e Muhabura, 1990-2002
Laba ne
[kyusa | kolera mu edit source]Ebijuliziddwa
[kyusa | kolera mu edit source]- ↑ http://distancecalculator.globefeed.com/Uganda_Distance_Result.asp?fromplace=Kampala%20()&toplace=Mbarara%20(Mbarara)&fromlat=0.3155556&tolat=-0.6583333&fromlng=32.5655556&tolng=30.6758333
- ↑ http://www.google.com/maps?f=q&source=s_q&hl=en&geocode=&q=-0.6155,+30.6335&aq=&sll=-0.61592,30.632179&sspn=0.003326,0.011694&ie=UTF8&ll=-0.611275,30.669537&spn=0.053212,0.187111&t=p&z=13
- ↑ http://www.leeds.ac.uk/history/studentlife/e-journal/James.pdf
- ↑ http://www.irinnews.org/report.aspx?reportid=58146
- ↑ http://www.newvision.co.ug/D/8/25/557854/Amanya%20Mushega
Template:Mbarara District0°36′56″S 30°38′01″E / 0.6155°S 30.6335°E