Mississippi Masala

Mississippi Masala

Filimu ey'akolebwa Mira Nair mu 1991

Film

Kika ky'en­nyim­ba	drama film, romance film
Pub­li­ca­tion date	18 Gwamwenda(Mutunda) 1991, 26 Gwamwenda(Mutunda) 1991
Country of origin	Amereka, India, Great Britain
Original language of film or TV show	Lungereza
Director	Mira Nair
Screenw­ri­ter	Sooni Taraporevala
Cast member	Denzel Washington, Roshan Seth, Sarita Choudhury, Sharmila Tagore, Charles S. Dutton, Joe Seneca, Mira Nair
Director of pho­tog­rap­hy	Edward Lachman
Art director	Jefferson Sage
Composer	Lakshminarayana Subramaniam
Producer	Mira Nair
Dist­ri­bu­ted by	The Samuel Goldwyn Company, Netflix
Narrative location	Uganda
Duration	115 minute
Color	color
Review score	6.8/10, 92%
Dist­ri­bu­tion format	video on demand
CNC film rating (France)	no age restriction
FSK film rating	FSK 12
IMDb ID	tt0102456

Mississippi Masala firimu ya katemba ey'omukwano eyafulumizibwa mu 1991 nga yalagirwa Mira Nair, nga yeesigamiziddwa ku nsengeka ya Sooni Taraporevala nga yazannyibwa Denzel Washington, Sarita Choudhury ne Roshan Seth . Firimu eno esinga kubeera mu byalo bya Mississippi, enoonyereza ku mukwano ogw’amawanga wakati w’omusajja Omufirika ate Omumerika n’omukazi Omuyindi ate Omumerika .

Yafulumizibwa mu Bufalansa nga 18 gw'omwenda 1991, mu Bungereza nga 17 ogw'oluberyeberye 1992 ne mu Amerika nga 5 Ogwokubiri 1992. Firimu eno yafuna dollar za America 7,332,515 ku box office. Firimu eno yagatibwa ku The Criterion Collection nga mu Ogwokutaano nga 24, 2022.

Ekinyusi kya firimu

Mu 1972, nnakyemalira Idi Amin yassaawo enkola y’okugoba abantu ba Buyindi mu Uganda n’amaanyi . Jay ne mukyala we Kinnu, ne muwala waabwe Mina, famire y’Abayindi Bannayuganda ababeera mu Kampala, bakaaba amaziga nga tebaagala kava mu maka gaabwe kusenguka. Oluvannyuma lw’okumala emyaka mitono mu Bungereza, famire eno yabeera mu Greenwood, Mississippi okubeera n’agamu maka amanene agalina motel enyingi eyo. Wadde ekiseera kigenda kiyitawo, Jay yali takkiriza ngeri gyeyava mu mu nsi ye mu bwangu bwatyo, era nga tasobola kumanyira ngeri Abamerika gye batambuzamu obulamu bwabwe . era alinda olunaku lwalidda ne famire ye e Kampala. Ebiva mu bwannakyemalira bwa Amin byareetera Jay obutabeera na bwesige mu baddugavu.

Mina amanyirala ddala obuwangwa bw’Abamerika era alina ekibinja ky’emikwano egy’enjawulo. Awulira nga talina kyakola kuba bazadde be bagala akolagane n’abantu b’omu kitundu kyabwe bokka. Agwa mu mukwano ne Demetrius, Omufirika Omumerika ow’omu kitundu kino omukozi ayoza kapeti. Mina akimanyi nti bazadde be tebajja kumukkiriza era omukwano agukuuma nga gwa kyama. Ababiri bano basalawo okumala wiikendi nga bali bombi mu Biloxi, gye balabibwa abantu b’omu kitundu ky’Abayindi, era olugambo ne lutandika okusaasaana. Jay asunguwadde era aswadde, era n’agaana Mina okuddamu okulaba Demetrius. Mina era ayolekagana n’obutayagala mu ngeri entegeka era ey’olwatu okuva mu kitundu kya Demeteriyo. Demetrius ayolekedde Jay, abikkula by’ayitamu n’engeri gye yayisibwamu n'obusosoze mu Uganda, ekiviiriddeko Demetrius okuyita Jay ku bunnanfuusi bwe. Mu nkomerero, amaka gombi tegasobola kukkaanya mu bujjuvu n’ababiri bano ab’amawanga ag’enjawulo, abadduka mu gavumenti nga bali wamu mu kabangali ya Demetrius.

Jay by’ayagala ku nkomerero bituukirira bw’agenda e Kampala okwetaba mu musango gwa kkooti ku ngeri gyebakola mu ennyumba ye gye yawambibwako emabegako. Kyokka ng’ali mu ggwanga, alaba engeri gye likyuse n’ategeera nti takyamanyddwa mu nsi gye yazaalibwa. Jay akomawo mu Amerika n’alekawo ekirooto kye ekyiludde ng’akuzibwa eky'okudda mu Uganda, ensi gye yali atwala ng’awaka. Wabula nga tannadda waka, akola emirembe n’abaddugavu, ng’akutte omwana omuto ow’omunn Uganda ku muzannyo gw’oku nguudo.

Abazannyi

• Denzel Washington as Demetrius Williams
• Sarita Choudhury as Mina
  • Sahira Nair as young Mina
• Roshan Seth as Jay
• Sharmila Tagore as Kinnu
• Charles S. Dutton as Tyrone Williams
• Joe Seneca as Williben Williams
• Ranjit Chowdhry as Anil
• Mohan Gokhale as Pontiac
• Konga Mbadu as Okelo
• Mohan Agashe as Kanti Napkin
• Tico Wells as Dexter Williams
• Yvette Hawkins as Aunt Rose
• Anjan Srivastav as Jammubhai (as Anjan Srivastava)
• Natalie Oliver-Atherton as Alicia LeShay (as Natalie Oliver)
• Mira Nair as Gossip 1
• Rajika Puri as Gossip 2
• Richard Crick as Hotel Customer
• Michael Wawuyo as Soldier on Bus
• Joseph Olita as Idi Amin

Okufulumya

Script eno yawandiikibwa mu Brooklyn, New York, oluvannyuma lw’okunoonyereza okwakolebwa Nair, Taraporevala, ne ttiimu yaabwe mu Mississippi ne Kampala . Mu kunoonyereza mu Mississippi, Nair yasisinkana omuyonja kapeti ayitibwa Demetrius era n’asalawo okumufula omutwe omukulu mu film. Ben Kingsley yasooka okuzanya nga taata wa Mina, kyokka yamaliriza ng’avudde mu pulojekiti eno, ekyaleetera abaasooka okuwagira firimu eno okulekera awo. Nair yasobodde okufuna abavugirivi aba empya oluvannyuma lwa Denzel Washington okulondebwa okuzannya ekifo kya Demetrius. Oluvannyuma yayogera nti yasanga okunyigirizibwa okw’amaanyi okuva mu bavugirizi nti alondde abazungu bakulembere firimu okusinga Abayindi oba Abafirika Abamerika. Ebifo mu firimu byali bya Mississippi mu bibuga Greenwood, Grenada, Biloxi, ne Ocean Springs . Ebifo mu firimu byali bya mu Kampala mu Uganda, omuli n’ewa Nair.​ Wadde nga wooteeri ya Monte Cristo yali bizinensi eyaliwo eyalondebwa Nair n’omukugu mu kukola firimu Mitch Epstein okukwata ebifaananyi, abakozi abakola firimu eno baayongerako langi ya kiragala omukwafu ebweru okusobola okufanagana ekifo kya Uganda ekirabika obulungi.

Firimu eno yakolebwa Nair ne bba we mu kiseera ekyo, Mitch Epstein, ng’obufumbo bugenda busasika. Bwe yali anoonyereza ku firimu eno mu Uganda mu 1989, Nair yasisinkana munnabyabufuzi Munnayuganda nga asibuka mu Buyindi, Mahmood Mamdani; baafumbirigana mu 1991, era mutabani waabwe Zohran (oluvannyuma eyalondebwa okuba meeya w’ekibuga New York) yazaalibwa mu Kampala mu mwaka gwe gumu.

Okukkirizibwa kwa firimu

Ku mukutu gwa Rotten Tomatoes ogukung’aanya okwekenneenya, ebitundu 92% ku 74 bagamba nti birungi, nga balina ekipimo ekya 7.6 ku 10. Enzikiriziganya y'omukutu guno esoma nti: "Sarita Choudhury ne Denzel Washington balina omukwano gwamanyi mu Mississippi Masala, Mira Nair olw'okwetegereza eraba obuwangwa obwe'njawulo obulwanagana."[9] Metacritic, ekozesa ekigero ekizitowa, yawa firimu eno obubonero 78 ku 100, okusinziira ku bavumirira 31, ekiraga "okutwalira awamu ebirungi" okwekenneenya.

Vincent Canby owa The New York Times yawandiika nti:

Mississippi Masala erabika yakolebwa ku mbalirira entono (ku mutindo gwa Hollywood), naye firimu nnene mu bitone, ebifo mweyazannyirwa n’ensonga ezaazanyibwa. Obusosoze mu mawanga si nsonga nkulu, waakiri ku ngulu. Mina ne Demetrius balina okulwanyisa endowooza y'okulemererwa okukwatagana n'obuwangwa obupya nti, olw’ensonga ez’enjawulo, kufuuse ekitundu ku busika bwa buli omu.

Peter Rainer owa Los Angeles Times yawandiika nti, "Wadde nga bingi ku siteegi byali bizibu, n'obutafaanagana mu script, firimu eno ekuweereza okuwulira ng'abantu abatuufu mu bulamu bwa bulijjo.

Bruce Williamson owa Playboy yawandiika nti, "okujjukira ebyayitta, okuva mu bijjukizo ebirungi ebya Afrika okutuudda mu embeera embi ey'obulamu bw'omu bibuga ebitono eby'obugwanjuba, Masala --ekigambo kino kitegeeza ekintu ekyamanyi, ogw'embala ez'enjawulo--katemba wa mawanga alina obuwoomi obw'amaanyi obw'oluvannyuma."

Engule n'ebitiibwa

• 1993 engule ya NAACP Image Award olw’omuzannyi asinga mu firimu – Denzel Washington
• 1991 Ekivvulu kya firimu eky’ensi yonna ekya São Paulo – Mira Nair, engule ey’enjawulo ey’abavumirira
• 1991 Ekivvulu kya firimu eky’ensi yonna ekya Venice eky’omulundi ogwa 48 – Golden Osella Omuzannyo ogusinga obulungi ogw’olubereberye – Sooni Taraporevala; Golden Ciak/Firimu Esinga – Mira Nair

Emikutu gy’amawulire egy’awaka

Nga 24, 2022, The Criterion Collection yafulumya Mississippi Masala mu ngeri empya eya 4K edition ku Blu-ray ne DVD. Mu ngeri ye njawulo omuli yintaviyu empya okuva ewa Nair, Taraporevala, production designer n'omukubi w’ebifaananyi Mitch Epstein, na akwata firimu Edward Lachman.

Eby'okusoma

• Reddy, Vanita (October 2015). "Afro-Asian Intimacies and the Politics and Aesthetics of Cross-Racial Struggle in Mira Nair's Mississippi Masala". Journal of Asian American Studies. 18: 233–263. doi:10.1353/jaas.2015.0021. S2CID 146321538.
• Singh, Amardeep (2018). The films of Mira Nair: Diaspora Vérité. Jackson, Mississippi: University Press of Mississippi. ISBN 9781496819116.
• McFerson, Hazel M. (2006). Blacks and Asians in America: Crossings, Conflict and Commonality. Durham, North Carolina: Carolina Academic Press. ISBN 9781594601026.

Ebijuliziddwa wa bweru wa wikipedia

• Mississippi Masala at IMDb
• Mississippi Masala at Box Office Mojo
• Mississippi Masala at Rotten Tomatoes
• Mississippi Masala at the TCM Movie Database
• Mississippi Masala: The Ocean of Comings and Goings an essay by Bilal Qureshi at the Criterion Collection
• Official trailer