Mulondo owa Buganda

Template:Infobox monarchMulondo Sekajja yali Kabaka ow'omwenda mu Bwakabaka bwa Buganda eyalamula okuva mu 1555 okutuuka mu 1564.

Okutuuzibwa ku Nnamulondo

Yali mutabani wa Kabaka Nakibinge Kagali, Kabaka wa Buganda, eyalamula wakati wa 1524 ne 1554. Maama we yali Nabakyaala Namulondo, omukyala owokuna owa kitaawe era ng ye yali Naabagereka . Yalondebwa okudda mu bigere bya kitaawe oluvanyuma lwa kitaawe okuseerera (okufa) era oluvannyuma lw’obufuzi bwa nnyina omuto okuggwaako mu kuzaalibwa kwa muwala we mu 1555. Yatandikawo Olubiri lwe ku lusozi Mitw’ebiri.

Munnabyafaayo Semakula Kiwanuka akakasa nti obufuzi bwa Mulondo buyinza okuba nga kaali kabonero akalaga entandikwa y’olulyo olupya.   Mu bufuzi bwe, Mulondo yakulembera ebikwekweto ebiwerako ng'alumbagana Buddu nga mu kiseera ekyo yali ekyali kitundu ku bwakabaka bwa Bunyoro-Kitara.

Obulamu bwe obw’obufumbo

Yawasa mukyala we omu yekka, Nakku, muwala wa Naserenga, ow’ekika ky’e Ffumbe.

Ensonga endala

Yazaala abaana basatu ab’obulenzi, mu mukazi we, Nakku ow’ekika ky’e Ffumbe:

• Omulangira Kazibwe
• Omulangira Walugembe
• Kabaka Sekamaanya Kisolo, Kabaka wa Buganda

Emyaka gye egisembayo

Yaseererea (yafira) mu Lubiri e Kiryokyembi, e Mitw'ebiri.Yaterekebwa (yaziikiddwa) Gombe, mu Ssaza ly'eBulemeezi era akaba ke kaziikibwa mu Lubiri lwe. Ensonda endala ziteeka ekifo we yaziikibwa e Bulondo Busiro.

Laba ne

• Kabaka wa Buganda

Ebijuliziddwa w'abweru wa Wikipedia

• Olukalala lwa Bassekabaka ba Buganda