Nambuluzo za Namba(Factors of Numbers)
From IALI NGO with authority from Charles Muwanga !
Nambuluzo za Namba (Factors of numbers)
Okusobola okunnyonnyoka essomo ly’ekibalangulo eky’okulambulula namba obulungi, wetaagisa okumanya egimu ku miramwa egikozesebwa, naddala emiramwa nga:
Ekitondeko / Omutondeko (Product)
• Enkubisa (coefficients)
• Enkubise (multiples)
• Entakyuka (constants)
• entakoma (infinite)
• enkiise/enkyusibwo (variable),
• engabiso (divisor)
• omugabo (dividend)
• Ennyingo (terms),
• Mufunza (exponentiation)
• Kyekubisamufunza (logarithms).
• Namba ennambulukufu (composite numbers)
• Namba ezitali nambulukufu (prime numbers)
• Enfikkizo oba enfissi (remainder)
• Nambuluzo (factors)
• Nambuluzo Eyawamu (Common factor)
• Enkubise Eyawamu (Common Multiples)
• Enkubise Eyamu Esembayo (Lowest Common Multiple)
• Nambuluzo Eyawamu Esingayo (Greatest Common )
• Okulambuluza namba ezitali nambulukufu (prime factorization)
Mu muwendo 5 x 3 = 15, ttaano ne ssatu ze nambuluzo ( factors) oba enkubisa(coefficients) ate kumi na ttaano ye nkubise(multiple.) oba ekitondeko(product).
Okulambulula (Factoring) kiringa kwabuluza mu namba; kitegeeza okulaga namba ng’ekubise (multiple) oba kiyite ekitondeko(product) kya nambuluzo zaayo (its factors). Nambuluzo ziba namba ennambulukufu (composite numbers) oba namba ezitali nambulukufu (prime numbers ) ,okujjako 0 ne 1 ezitagwa mu biti bino ebibiri.
Namba 15 nkubise (multiple) ya 5 ne 3, kubanga eyinza okugabizibwaamu 5 ne 3 . Mu 3 x 5 = 15 , 3 ne 5 zombi nkubisa za 15 ate 15 nkubise( multiple) ya 3 ne 5 .
"Nambuluzo"(factors) ze namba ze wekubisaamu okufuna namba endala. Eky’okulabirako nambuluzo za 6 ziri 2 ne 3 kubanga 2 x 3 = 6 .Kyokka namba ezimu ziyinza okulambululwa mu ngeri ezisukka mu emu .Eky’okulabirako , 12 eyinza okulambululwa nga 1×12, 2×6, oba 3×4.