Omugerageranyo gw'ekikumi (Ratio of 100, Percentage , % )

IALI NGO has been authorized by terminologist Charles Muwanga to post this article from his Luganda scientific terminology works on Luganda Wikipedia for free public consumption.

"Emigerageranyo gy’Ekikumi" (%)

                  ( Percentages)

Omugerageranyo gw'ekikumi mu bufunze guyitibwa "omugeranyakikumi" oba "omugeranya100" .

Emigerageranyo gy’wkikumi (Percentages) kitera kweyambisibwa okulaga emiwendo wakati wa 0 ne 1 kyokka kisoboka okulaga omugerageranyo gwonna ng’ekitundu ku kikumi, eky’okulabirako, 232%, kiba 2.32 ate 46% kiba 0.46.

Omugerageranyo gw'ekikumi (Ratio of 100) kifundiwazo kya “omugerageranyo gw’ ekikumi “ ekivvuunulwa “ratio of 100”.

Omukumi guba mugerageranyo ogw’’ekikumi (ratio of 100). Mu kibalangulo, omukumi kisonjolwa nga namba oba omugerageranyo (ratio) ogulagibwa nga “omukutule”= emwenkutule =“emu-enkutulemu” (fraction) erina “kinnawansi” (denominator) eya 100. Omugerageranyo gw’ekikumiguragibwa n’akabonero “%". Eky’okulabirako, 25 % (kisomwa ebitundu abiri mu bitaano ku kikumi) kyenkana 25/100 oba 0.25.

Omukumi n’olwekyo guba mugerageranyo gwa kikumi (ratio of a hundred). Guno guba mugerageranyo nga ekinnawansi kya 100 Tusobola okulaga emikutule gino nga emigerageranyo egy’ekikumi (percentages or ratios of 100) nga tukozesa akabonero % :

(i) 10/100 = 10% kisomwa ebitundu kumi ku kikumi

(ii) 25/100 = 25% kisomwa ebitundu abiri mu bitaano ku kikumi

(iii) 50/100=50% kisomwa ebitundu ataano ku kikumi

(iv) 75/100=75% kisomwa ebitundu nsanvu mu bitaano ku kikumi

(v) 99/100 = 99% kisomwa ebitundu kyenda mu mwenda ku kikumi

Ensonjola: Omukumi guba mugerageranyo (ratio) nga ekinnawansi (denominator) kiri 100. Kino kiba kitegeeza ebitundu ku buli kikumi. Mu kibalangulo tukozesa akabonero % okulaga omugerageranyo ku bula kikumi.

Ka tukozese taabulo eno okugerageranya omugerageranyo, omukutule, n’emigerageranyo gy’ekikumi /

Ebitundu Omukutule Omugerageranyo bya 100.

10 ku 100 10/100 10% 25 ku 100 25/100 25% 50 ku 100 50/100 50% 75 ku 100 75/100 75% 99 ku 100 99/100 99%

Ate era buli mugerageranyo gwa kikumi (%) oyinza okuguwandiika nga “omutonnyeze”(Decimal number):

(a) 10% = 0.01

(b) 25%= 0.25

(c) 50% = 0.50

(d) 75% = 0.75

(e) 99% = 0.99