Opolot-Okwalinga Simon Peter

Opolot-okwalinga Simon Peter

Munnayuganda munnabyabufuzi

Omuntu

Ekikula	musajja
Ensi y’o­bu­tuu­ze	Yuganda
Erinnya eri­wee­redd­wa	Simon
Erinnya lya famire	Opolot
Yazaa­lib­wa nga	1979
Gy'a­zaal­wa	Mukongoro, Kumi
Native language	Teso
Ennimi z'amanyi	Lungereza, Teso, Luganda, Oluswayiri
Omulimu	munnabyabufuzi, strategist, Omubaka wa Palamenti ya Uganda, legislator
Ekifo ky'alimu	Omubaka wa Palamenti ya Uganda
Gyeya­so­me­ra	Ssettendekero wa Makerere, University of Leeds, Defence Academy of the United Kingdom, Royal Military Academy Sandhurst
Ebbanga ly'a­ko­led­de (oku­tan­di­ka)	1999, Gwamunaana(Muwakanya) 2003
Mmemba w’e­ki­bii­na ky’e­byo­bu­fu­zi	Ekibiina kya National Resistance Movement
Okwe­siim­ba­wo kwe mu kalulu	Akalulu ka Uganda aka 2026
Mmemba wa	12th Parliament of Uganda
Official website	link
Akii­ki­ri­ra	Kumi

 

Opolot-Okwalinga Simon Peter munnabyabufuzi Munnayuganda, era omukugu mu nteekateeka z'ebyokwerinda, akola ng'omubaka wa Paalamenti akiikirira Essaza lye Kanyum, Disitulikiti y'e Kumi . Mmemba w’ekibiina kya National Resistance Movement (NRM), era mmemba w’ekibiina kya Patriotic League of Uganda(PLU), ekibiina ky’obwannakyewa ekyatandikibwawo era nga kikulemberwa mutabani wa Pulezidenti wa Uganda Genero Muhoozi Kainerugaba. Opolot-Okwalinga yamanyibwa ng’ayita mu mirimu gye mu kukolagana n’amagye/eby'okwerinda mu nteekateeka n’obuweereza obw'ekikugu eri gavumenti ya Uganda. Mu kulonda kwa bonna okwaliwo mu Gwoluberyeberye 2026, yafuna obuwanguzi obw’amaanyi bwe yawangula Pulezidenti w’ekibiina kya Forum for Democratic Change (FDC), Patrick Oboi Amuriat. Era amanyiddwa olw'okuwandiika ekitabo ekimanyiddwa nga "Guardian Ideology."

Obuto bwe n’okusoma

Opolot-Okwalinga yazaalibwa Mukongoro mu Disitulikiti y’e Kumi, mu buvanjuba bwa Uganda. Yasomera ku St. Peter's College Tororo okusoma siniya nga tannawandiisibwa mu yunivasite y'e Makerere, gye yafunira diguli ya Bachelor of Arts in Social Sciences nakuguka mu Sociology. Okusoma kwe okw’okweyongerayo ng'amalirizza diguli kwawagirwa sikaala ku ddaala ly’ensi yonna eziwerako. Mu 2005, yaweebwa sikaala ya Commonwealth wansi w’enteekateeka ya Commonwealth Scholarship and Fellowship Plan okusomera mu Yunivasite y’e Leeds mu Bungereza, gye yafunira diguli eyookubiri eya Master of Arts in Strategic Studies. Mu kiseera ekyo, yatendekebwa mu by’amagye eby’ekikugu, n’amaliriza omusomo gwa Officer Cadet mu ttendekero eritendeka abaserikale li University Officers Training Corps (UOTC) wansi w’ettendekero ly’amagye erya Royal Military Academy Sandhurst (RMAS).

Mu 2010, yafuna sikaala okuva mu Germany Academic Exchange Service (DAAD) okusomera mu Yunivasite y’e Duisburg-Essen, n’afuna diguli eyookubiri mu byenkulaakulana n’enfuga ng’akuguse mu kwekenneenya enkola z’ebyokwerinda.

Obukugu bwe n'obuweereza mu magye

Obukugu bwa Opolot-Okwalinga bugatiddwa wamu mu by'okwerinda n’enzirukanya y’emirimu mu Uganda. Yaweereza ku kitebe ky'amagye ga Uganda People's Defence Forces (UPDF) e Mbuya, naddala mu ofiisi ya Joint Chief of Staff , ofiisi y'omukulu w'amagye (CDF) ne mu ofiisi y'enjigiriza y'amagye eya Commander Military Doctrine. Yafuuka wattutumu bweyali ow'ebyekikugu ng’aweereza ng’Omuyambi w’omugenzi Gen Aronda Nyakairima, mu biseera ng’akulira amagye era nga Minisita w’ensonga z’omunda.

Oluvannyuma lw’okufa kwa Gen Aronda okw’amangu, Opolot-Okwalinga yagenda mu maaso n’obumanyirivu bwe mu by’okuddukanya emirimu mu minisitule y’ensonga z’omunda ng’omukungu omukulu ow’okunoonyereza era omuwabuzi w’enkola eri minisita mu kiseera ekyo, era yaweereza mu kitongole ekya Kaliisoliiso wa Gavumenti (IGG) wansi w’omulembe gw'Omulamuzi Faith Mwondha, nga kino kiraga engeri gyali omunywevu mu kulwanyisa enguzi n'obukenuzi okuggwerwawo ddala.

Eby'obufuzi

Mu 2014, yawandiika era n'atongoza akatabo akayitibwa "Guardian Ideology" okuva ku yunivasite y'e Makerere, enkola y'ebyobufuzi ng'ekakasa nti obukulembeze bulina okukola ng'engeri y'okulabirira oba "okukuuma." Endowooza eno yatuuka n'okuleetera abawagizi be okumujuliza n'erinnya Edaran Lo'Itunga ("Omukuumi w'abantu").

Oluvannyuma lw’okulondebwa mu Palamenti ya Uganda ey’ekkumi n’emu, yafuuka omujjumbize mu kulondoola amateeka. Yaweereza ku bukiiko obuwerako, omuli akakiiko k’ebyenfuna by’eggwanga, akakiiko k’ebyokwerinda n’ensonga z’omunda, akakiiko k’eddembe ly’obuntu, n’akakiiko akakola ku nsonga za Pulezidenti.

Mu lutuula lwa kakiiko mu Gwokuna 2026, Opolot yasasamaza bannamawulire b'emikutu gy’eggwanga bwe yasemba addukanya amaka g'omukulembeze w'eggwanga, Jane Barekye awe amagezi omukulembeze w’eggwanga Yoweri Museveni aludde ng’aweereza, alonde mutabani we era Omukulu w’amagye ga Uganda, Gen Muhoozi Kainerugaba ng’omumyuka wa Pulezidenti mu kabineti enajja. Ekiteeso kino kyawagirwa mmemba omukulu owa Patriotic League of Uganda(PLU) Hon Twalla Fadil eyaliwo kyokka abalondoola ebyobufuzi n'abekennenya ensonga baakitunuulira ng'emmanduso ya "Muhoozi Project", enteekateeka erii okusika omuguwa ey'okusikiza Genero Muhoozi atwale obwapulezidenti bwa Uganda oluvannyuma lwa kitaawe. Enteekateeka eno yasooka kwogerwako Genero David Sejusa mu 2013.

Mu kulonda kwa bonna mu Gwoluberyeberye 2026, Opolot-Okwalinga yasigaza ekifo kye mu Kanyum County, n'awangula Patrick Oboi Amuriat. Obuwanguzi buno bwalagibwa bannamawulire ab'eggwanga lyonna n'ab'ekitundu ekyo, ng'ekizibu eky'amaanyi mu by'obufuzi olw'ekifo kya Amuriat ng'omukulembeze w'oludda oluvuganya era n'olw'ebyafaayo bya Teso ng'ekifo ekikulu eky'oludda oluvuganya naddala Forum for Democratic Change (FDC).