Patrick Kankiriho

 

Brigadier Patrick Kankiriho (Ogwekkumi 28, 1961 – Ogwokuna 8, 2013) yali muserikale wa magye mu Uganda . Yaliko omuduumizi omukulu mu ggye lya Uganda People's Defence Force (UPDF). Mu kiseera we yafiira, yali muduumizi w'ekibinja ky’amagye eky’okubiri e Mbarara, muBuggwanjuba bwa Uganda . Mu 2008, yaweereza ng’omuduumizi w'ekikweekweto ekya Operation Lightning Thunder, ekikwekweto ky’amagye ekyagoba abayeekera b’eggye lya Lord’s Resistance Army okuva mu kibira kya Garamba National Forest, mu Democratic Republic of the Congo .

Obuto bwe n'emisomo gye

Yazaalibwa mu Disitulikiti y’e Kiruhura mu 1961. Patrick Kankiriho yasomera mu ssomero lya Mbarara High School mu myaka gya 1970. Mu 1977, yava mu ssomero n’agenda okwegatta ku bayeekera ba Uganda National Liberation Front abaagoba Idi Amin mu 1979, nga bayambibwako eggye lya Tanzania People’s Defence Force (TPDF). Mu 2005, ku ddaala lya lieutenant colonel, yasomera mu ttendekero ly'amaggye erya Uganda Senior Command and Staff College, e Kimaka, Jinja, mu Buvanjuba bwa Uganda, n’atikkirwa mu 2006.

Omulimu gw’amagye

Mu 1982, Kankiriho yeegatta ku ggye ly’abayeekera erya National Resistance Army (NRA), eryali likulemberwa Yoweri Museveni . Oluvannyuma lw’ekibiina kya NRA okuwamba obuyinza mu 1986, yali omu ku baserikale b’amagye abato abaatekebwa mu Bukiikakkono bwa Uganda okulwanyisa ekisinde kya Holy Spirit Movement, ekyali kikulemberwa Alice Lakwena . Mu myaka gya 1990, ku ddaala lya kaputeeni, yalwana n’abayeekera b'amaggye ga Allied Democratic Forces (ADF) mu Buvanjuba bwa Uganda .

Ku ddaala lya major, Patrick Kankiriho yaliko omuduumizi w’ekibinja kya UPDF ekya 13th Battalion mu Bukiikakkono bwa Uganda. Mu 2003, yakuzibwa n’atuuka ku ddaala lya Lieutenant colonel era n’alondebwa okuba omuduumizi w’eggye lya UPDF erya 401 Infantry Brigade, erisangibwa e Lira . Oluvannyuma lw'okumaliriza omusomo gwa senior command ogw'omwaka ogumu mu ttendekero lya Uganda Senior Command and Staff College e Kimaka, yakuzibwa n'atuuka ku ddaala lya colonel era n'alondebwa okuduumira eggye lya UPDF erya 3rd Division nga lisangibwa mu Moroto . Bwe yali eyo, yeenyigira nnyo mu kuggyako abantu b’e Karamojong ebyokulwanyisa . Mu 2007, yakuzibwa n’atuuka ku ddaala lya brigadier ate mu 2008 n’asindikibwa e Garamba mu Democratic Republic of Congo gye yaduumira ekikwekweto kya Operation Lightning Thunder, ekyagoba eabayeekera ba Joseph Kony ab'eggye lya Lord’s Resistance Army okuva mu Uganda ne DRC. Oluvannyuma yasindikibwa mu ggye lya UPDF 2nd Division ng'omuduumizi w'amagye .

Ebimukwatako ebirala

Patrick Kankiriho y'aleka nnamwandu Deborah Kankiriho n’abaana bana.

Laba ne

• Ettendekero lya Uganda Senior Command and Staff College

Ebijuliziddwa w'abweru wa Wikipedia

• Ennaku ezasembayo eza Brigadier Kankiriho
• UPDF Enyonyola Ku Kufa kwa Brigadier Patrick Kankiriho