Peter Lokeris

 

Peter Aimat Lokeris (yazaalibwa 2 Ogwokubiri 1947) munnabyabufuzi , omubalirizi w'ebitabo mu Uganda. Mu kiseera kino ye Minisita omubeezi avunaanyizibwa ku nsoga za Karamoja mu Offiisi ya ssabaminisita mu kabineti ya Uganda . Yaliko minisita omubeezi avunaanyizibwa ku nsonga z'ebyobugagga obwensibo okuva nga 16 Ogwokubiri 2009. Mu nkyukakyuka mu kabineti eyakolebwa nga 27 Ogwokutaano 2011, n’eyo eya 1 March 2015, Peter Lokeris yasigaza ekifo kye nga minisita. Lokeris ye mubaka akiikirira Chekwii East County mu Disitulikiti y'e Nakapiripirit mu paalamenti ya Uganda. Yadde nga Chekwii East yatondebwaeo mu mwaka 2021, Lokeris yayingira paalimenti mu 1996 yadde nga ebyava mu kamyufuku ka NRM mu 2025 byalaga nti yali amegeddwa ku mulundi gwe ogw'omusanvu nga yeesimbawo ku bubaka bwa paalamenti .

Ensibuko n’obuyigirize

Yazaalibwa mu kitundu ekiyitibwa Pian mu Disitulikiti y’e Nakapiripirit nga 2 Ogwokubiri 1947 mu maka ga Teko Apo-oroma Namoni-Angitiang ne mukyala we Aisu Elizabeth. Alina diguli mububalirizi bwebitabo eya Bachelor of Commerce okuva mu yunivasite e Makerere . Alina ne Dipuloma mu by'ensimbi okuva mu ttendekero lya Uganda Management Institute mu Kampala . Era alina diguli eyookubiri mu bwakitunzi eya Master of Science in Marketing okuva mu yunivasite e Makerere kwossa ne diguli eyokubiri mu kutabaganya n'emirembe eya Master of Arts in Peace and conflict studies okuva mu yunivasite y’emu.

Obumanyirivu mu mirimu

Peter Lokeris yasooka kukola nga kasiya . Oluvannyuma n'akola ng'omubalirizi w'ebitabo owa Disitulikiti y'e Moroto . Oluvannyuma n'afuuka Chief Accountant mu Disitulikiti y'e Kotido . Oluvannyuma lw’ekyo, yaweereza ng’omuwandiisi w’emirimu mu Disitulikiti y’e Moroto okumala emyaka ena. Lokeris era yaweerezaako ng'omuddukanya disitulikiti ez'enjawulo mu disitulikiti z'e Moroto, Kasese ne Jinja . Oluvannyuma yaweereza ng’omuwabuzi wa pulezidenti ow’enjawulo ku mirembe n’enkulaakulana mu Karamoja n’ebitundu ebiriraanyewo okumala emyaka ena.

Mu 1996, yayingira ebyobufuzi era n’avuganya era nawangula ekifo ky'omubaka wa palamenti akiikirira Chekwii mu Disitulikiti y’e Nakapiripirit. Mu mwaka gwe gumu, yalondebwa okubeera Minisita omubeezi avunaanyizibwa ku nsonga za Karamoja era nakibeeraamu okutuusa nga 13 Ogwolubereberye 2005. Mu kulonda kwa 2006 Lokeris yaddamu okulondebwa okukiika mu palamenti era nga 1 Ogwomukaaga 2006, yalondebwa okubeera Minisita omubeezi avunaanyizibwa ku byenjigiriza ebya pulayimale. Peter Lokeris era yaliko minisita omubeezi avunaanyizibwa ku by’obugagga eby’omu ttaka okuva nga 16 February 2009. Lokeris yalondebwa okuba minisita omujjuvu avunaanyizibwa ku nsonga za Karamoja mu Gwokusatu 2024 nga asikira Mary Goretti Kitutu

Ebirala

Peter Lokeris mufumbo era wakibiina kya byabufuzi ekya National Resistance Movement . Anyumirwa nnyo okuzannya n'okulaba omuzannyo oguyitibwa ensero . Lokeris mulunzi era alina eddundiro ly'ente .

Laba ne

• Kabineti ya Uganda
• Palamenti ya Uganda
• Disitulikiti y’e Nakapiripirit